Viral Video: ಪೆನ್ಪ್ರಿಯ ಬೆಕ್ಕು; ಕೊಟ್ಟಂತೆ ಮಾಡುವುದು ಆದರೆ ಕೊಡುವುದಿಲ್ಲ; ಬಿದ್ದುಬಿದ್ದು ನಗುತ್ತಿರುವ ನೆಟ್ಟಿಗರು
Pen : ಬೆಕ್ಕು ಆಟವಾಡಿಸಿದಂತೆ ಆಡುವುದು ಒಂದೆಡೆ. ಆದರೆ ತನಗೆ ಬೇಕಾದಂತೆ ಆಟವನ್ನಾಡುವುದು ಇನ್ನೊಂದೆಡೆ. ತನಗೆ ಬೇಕಾದಂತೆ ಆಟವಾಡಿಸುವುದು ಮತ್ತೊಂದೆಡೆ. ಇದೀಗ ಈ ಬೆಕ್ಕು ತನ್ನ ಪೋಷಕರಿಗೆ ಪೆನ್ನನ್ನು ಇಟ್ಟುಕೊಂಡು ಆಟವಾಡಿಸಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಈ ಬೆಕ್ಕನ್ನು ಮತ್ತದರ ತಮಾಷೆಯನ್ನು ಬಹುವಾಗಿ ಮೆಚ್ಚುತ್ತಿದ್ದಾರೆ. ನೋಡಿ ವೈರಲ್ ಆದ ಈ ವಿಡಿಯೋ.
Cat Lover : ಸಾಕುಪ್ರಾಣಿಗಳು ಅದರಲ್ಲೂ ನಾಯಿಬೆಕ್ಕುಗಳು ಅತ್ಯಂತ ಬುದ್ಧಿವಂತಿಕೆಯಿಂದ ಮನುಷ್ಯರೊಂದಿಗೆ ಆಟವಾಡುತ್ತವೆ. ನೀವು ಅವುಗಳನ್ನು ಆಟವಾಡಿಸಲು ನೋಡಿದರೆ ಅವೇ ನಿಮಗೆ ಆಟವಾಡಿಸಲು ಶುರು ಮಾಡುತ್ತವೆ. ಇದೀಗ ವೈರಲ್ (Viral) ಆಗಿರುವ ಈ ವಿಡಿಯೋದಲ್ಲಿ ಬೆಕ್ಕೊಂದು ಪೆನ್ನಿನೊಂದಿಗೆ ಆಟವಾಡುತ್ತಿದೆ. ಅದರ ಪೋಷಕರು ಪೆನ್ನನ್ನು ಕೊಡುವಂತೆ ಕೈ ಚಾಚುತ್ತಾರೆ, ಕೊಟ್ಟಂತೆ ಮಾಡುತ್ತದೆಯಾದರೂ ಅದು ಕೊಡುವುದಿಲ್ಲ. ನೆಟ್ಟಿಗರು ಈ ಬೆಕ್ಕಿನಾಟವನ್ನು ನೋಡಿ ಬಿದ್ದುಬಿದ್ದು ನಗುತ್ತಿದ್ದಾರೆ. 7 ದಿನಗಳ ಹಿಂದೆ ರೆಡ್ಡಿಟ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ ಅನ್ನು ಈತನಕ 2,500 ಜನರು ನೋಡಿದ್ದಾರೆ.
ಇದನ್ನೂ ಓದಿ : Viral Video: ಸಮುದ್ರದೊಳಗೊಬ್ಬ ಡೆಂಟಿಸ್ಟ್; ಇವರ ಕಾರ್ಯಕ್ಷಮತೆಯನ್ನು ಮೆಚ್ಚಿದ ನೆಟ್ಟಿಗರು
ಬೆಕ್ಕುಗಳಿಗೆ ಕಪಾಟುಗಳೆಂದರೆ ಬಹಳ ಇಷ್ಟ. ಹಾಗೆಂದು ಅಲ್ಲಿ ಸುಮ್ಮನೇ ಕೂರಲಾರವು, ಮಲಗಲಾರವು. ಅಲ್ಲಿರುವ ಸಣ್ಣಪುಟ್ಟ ಸಾಮಾನುಗಳನ್ನು ಆಟಿಕೆಯನ್ನಾಗಿಸಿಕೊಂಡು ಆಟಕ್ಕೆ ಬೀಳುತ್ತವೆ. ಕೆಲವೊಮ್ಮೆ ಅವುಗಳನ್ನು ಕೆಡವಿ ತಮಾಷೆಯನ್ನೂ ನೋಡುವುದುಂಟು. ಇದೀಗ ಈ ಬೆಕ್ಕು ಕೂಡ ಪೆನ್ನನ್ನು ತಳ್ಳಿದಂತೆ ತಮಾಷೆ ಮಾಡುತ್ತದೆ.
ಪೆನ್ಪ್ರಿಯ ಬೆಕ್ಕು
ಈ ಬೆಕ್ಕು ಯಾವ ತಳಿಯದು ತುಂಬಾ ಚೆನ್ನಾಗಿದೆ ಎಂದಿದ್ದಾರೆ ಒಬ್ಬರು. ಇದು ಬ್ರಿಟಿಷ್ ಶಾರ್ಟ್ ಹೇರ್ ಎಂದಿದ್ದಾರೆ ಇನ್ನೊಬ್ಬರು. ಇದು ಶುದ್ಧ ವಿಜ್ಞಾನ ಐಸಾಕ್ ಮ್ಯೆವ್ಟನ್ ಅವರು ಗುರುತ್ವಾಕರ್ಷಣೆಯನ್ನು ಪರೀಕ್ಷಿಸುತ್ತಿದ್ದಾರೆ ಎಂದಿದ್ದಾರೆ ಮತ್ತೊಬ್ಬರು. ನೀವು ಕೈ ಹಿಂತೆಗೆದಾಗ ಅದು ಪೆನ್ನನ್ನು ನೆಲಕ್ಕೆ ಬೀಳಿಸುವುದು ಗ್ಯಾರಂಟಿ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ಬೀದಿಪಾಲಾಗಿದ್ದ 81 ವರ್ಷದ ಬರ್ಮಾದ ಮರ್ಲಿನ್ ಚೆನ್ನೈನಲ್ಲಿ ಮತ್ತೀಗ ಇಂಗ್ಲಿಷ್ ಟೀಚರ್
ನಾಯಿಗಳಿಗಿಂತ ಬೆಕ್ಕುಗಲು ಹೀಗೆ ತಮಾಷೆ ಮಾಡುವುದು ಹೆಚ್ಚು ಎಂದಿದ್ದಾರೆ ಒಬ್ಬರು. ತನಗೆ ಬೇಕಾದಂತೆ ನಿಯಮಗಳನ್ನು ರೂಪಿಸಿಕೊಳ್ಳುವಲ್ಲಿ ಬೆಕ್ಕು ಬಹಳ ಜಾಣ ಎಂದಿದ್ದಾರೆ ಮತ್ತೊಬ್ಬರು. ಅವನು ಸ್ವಲ್ಪ ಆ ಕಡೆ ತಿರುಗಲಿ, ಪೆನ್ನನ್ನು ಕೆಳಗೆ ಬೀಳಿಸಿ ಅವನ ಗಮನ ಸೆಳೆಯುತ್ತದೆ ನೋಡಿ ಆ ಬೆಕ್ಕು ಎಂದಿದ್ಧಾರೆ ಮಗದೊಬ್ಬರು. ಹೌದು! ಅದಕ್ಕೆ ಬೆಕ್ಕು ಎಂದರೆ ನನಗೆ ಹೀರೋ ಎಂದಿದ್ದಾರೆ ಇನ್ನೂ ಒಬ್ಬರು. ಒಟ್ಟಿನಲ್ಲಿ ಮಜಾ ಇದೆ ಬೆಕ್ಕಿನ ಸಹವಾಸ!
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ