Viral Optical Illusion: ನೀವು ನಿಜಕ್ಕೂ ಬೆಕ್ಕುಪ್ರೇಮಿಯಾ? ಹಾಗಿದ್ದರೆ 5 ಸೆಕೆಂಡಿನಲ್ಲಿ ಬೆಕ್ಕಿನಮರಿ ಹುಡುಕಬಹುದೆ?
Brain Teaser: ಕಣ್ಣಮುಂದೆ ಇರುವ ವಸ್ತು ಮೊದಲ ನೋಟಕ್ಕೆ ಕಾಣದಂತೆ ಚಿತ್ರಿಸುವ ಕೈಚಳಕ ಈ ಭ್ರಮಾತ್ಮಕ ಚಿತ್ರಗಳದ್ದು. ಈ ಬಾರಿ ಚಿತ್ರವಲ್ಲ ಫೋಟೋ ನಿಮ್ಮೆದುರಿಗೆ ಇದೆ. ದೊಡ್ಡ ರ್ಯಾಕ್ನ ತುಂಬಾ ಪುಸ್ತಕಗಳು ತುಂಬಿವೆ. ನಡುವೆ ಟಿವಿ ಬೇರೆ ಇದೆ. ಪುಟ್ಟ ಬೆಕ್ಕಿನಮರಿಯೊಂದು ಇಲ್ಲೆಲ್ಲೋ ಬಚ್ಚಿಟ್ಟುಕೊಂಡಿದೆ. ಬೆಕ್ಕುಪ್ರೇಮಿಗಳಾದ ನಿಮಗೆ ಆ ಬೆಕ್ಕು ಅದೆಷ್ಟು ಬೇಗ ಸಿಗಬಲ್ಲುದು?
Cat Lover: ಬೆಕ್ಕುಗಳೆಂದರೆ ಜೀವಕ್ಕೆ ಜೀವ ಎಂದು ಪ್ರೀತಿಸುವ ಅನೇಕರು ಇದನ್ನು ಓದುತ್ತಿದ್ದೀರಿ. ನೀವದೆಷ್ಟೇ ತೊಡೆಯ ಮೇಲಿಟ್ಟುಕೊಂಡು ಮುದ್ದಿಸಿದರೂ ಅಡಗಿಕೊಳ್ಳುವುದರಲ್ಲಿ ಬಲು ಜಾಣ ಈ ಬೆಕ್ಕುಗಳು. ಇದೀಗ ಈ ಚಿತ್ರದಲ್ಲಿ ಮನೆಯೊಂದರ ಬುಕ್ ರ್ಯಾಕ್ (Book Rack) ಮತ್ತು ಟಿವಿ ನಿಮಗೆ ಕಾಣುತ್ತಿದೆಯಲ್ಲವೇ? ಈ ಜಾಗದಲ್ಲೇ ಬೆಕ್ಕಿನ ಮರಿಯೊಂದು ಅಡಗಿ ಕುಳಿತಿದೆ. ಬೆಕ್ಕುಪ್ರಿಯರಾದ ನಿಮಗೆ ಎಲ್ಲಿದ್ದರೂ ಬೆಕ್ಕು ಕಂಡೇ ಕಾಣುತ್ತದೆ ಎಂಬ ನಂಬಿಕೆ ನಮ್ಮದು. ಐದು ಸೆಕೆಂಡುಗಳಲ್ಲಿ ನಿಮ್ಮ ಪ್ರೀತಿಪಾತ್ರ ಜೀವವನ್ನು ಹುಡುಕಿ ಕೊಡಬಹುದೆ? ನೆಟ್ಟಿಗರಂತೂ ಸಾಕಷ್ಟು ಕಸರತ್ತು ಮಾಡಿ ಸೋತಿದ್ದಾರೆ. ನೀವು?
ಇದನ್ನೂ ಓದಿ : Viral Video: ನೆರಳು ಬೆಳಕಿನಲ್ಲಿ ಅರಳಿದ ಅರಿಜೀತ್ ಸಿಂಗ್; 30 ಮಿಲಿಯನ್ ಜನರು ನೋಡಿದ ಈ ಕಲಾಕೃತಿ
9 ತಿಂಗಳ ಹಿಂದೆ ರೆಡ್ಡಿಟ್ನಲ್ಲಿ ಹಂಚಿಕೊಳ್ಳಲಾದ ಈ ಫೋಟೋ ಇದೀಗ ವೈರಲ್ ಆಗಿದೆ. 750ಕ್ಕಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಸುಮಾರು 55 ಜನರು ಉತ್ತರಿಸಲು ಪ್ರಯತ್ನಿಸಿದ್ದಾರೆ. ನಾನು ಒಂದು ನಿಮಿಷ ತೆಗೆದುಕೊಂಡೆ ಎಂದು ಒಬ್ಬರು. ಐದೇ ಸೆಕೆಂಡಿನಲ್ಲಿ ಸಿಕ್ಕಿತು ಎಂದು ಇನ್ನೊಬ್ಬರು. ಝುಮ್ ಇನ್ ಮಾಡಿ ಬೆಕ್ಕಿನಮರಿಯನ್ನು ಹುಡುಕಿದೆ ಎಂದು ಮತ್ತೊಬ್ಬರು. ಹಾಂ ತುಂಬಾ ಮುದ್ದಾಗಿದೆ ಹಕ್ಕಿಯ ಪಕ್ಕ ಅಲ್ಲವೆ? ಎಂದಿದ್ದಾರೆ ಮಗದೊಬ್ಬರು.
ಬುಕ್ ರ್ಯಾಕ್ನಲ್ಲಿ ಬೆಕ್ಕಿನ ಮರಿ ಹುಡುಕಿ
ನಾನಂತೂ ನೋಡಿದೆ, ಆದರೆ ಎಲ್ಲಿದೆ ಎಂದು ಯಾರಿಗೂ ಹೇಳುವುದಿಲ್ಲ ಎಂದಿದ್ದಾರೆ ಒಬ್ಬರು. ಆ ಟಿವಿಯ ಹಿಂದೆ ಅಡಗಿ ಕುಳಿತಿದೆ ಎಂದಿದ್ದಾರೆ ಮತ್ತೊಬ್ಬರು. ಟಿವಿ ಎಂದರೆ ಬೆಕ್ಕುಗಳಿಗೆ ತುಂಬಾ ಇಷ್ಟ. ಅದರಲ್ಲೂ ಟಾಮ್ ಅಂಡ್ ಜೆರ್ರಿ ನೋಡುವುದು. ಅದಕ್ಕೇ ಬಹುಶಃ ಜೆರ್ರಿ ಹುಡುಕಲು ಟಿವಿಯ ಹಿಂದೆ ಹೋಗಿ ಕುಳಿತಿರಬಹುದು ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ಅಲೋಪೇಸಿಯಾನೇ ಆಶೀರ್ವಾದ: ‘ಬಾಲ್ಡ್ ಈಸ್ ಬ್ಯೂಟಿಫುಲ್’ ನೀಹಾರ್ ಸಚದೇವ್
ಅದರ ಹೆಜ್ಜೆಗಳು ಟಿವಿ ಸ್ಕ್ರೀನ್ ಮೇಲೆ ಮೂಡಿವೆ. ಹಾಗಾಗಿ ಅದು ಟಿವಿಯ ಹಿಂದೆ ಅಡಗಿದೆ ಎಂದಿದ್ದಾರೆ ಒಬ್ಬರು. ಎಲ್ಲಿಯೂ ಬೆಕ್ಕು ಇಲ್ಲವೇ ಇಲ್ಲ ಇಲ್ಲಿ ಎಂದು ಕೆಲವರು ಜನ ಹೇಳಿದ್ದಾರೆ. ಸುಮ್ಮನೇ ಮೂರ್ಖರನ್ನಾಗಿಸಿದ್ದೀರಿ ಎಂದಿದ್ದಾರೆ ಇನ್ನೂ ಕೆಲವರು.
ನಿಮಗೆ ಬೆಕ್ಕು ಸಿಕ್ಕಿತೆ, ಈ ಪುಸ್ತಕಗಳ ರಾಶಿಯ ಮಧ್ಯೆ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
