Viral Video: ವಿಮಾನದ ಸಸ್ಯಾಹಾರ ಊಟದಲ್ಲಿ ಕತ್ತರಿಸಿದ ಹಾವಿನ ತಲೆ ಪತ್ತೆ! ವೈರಲ್ ವಿಡಿಯೋ ಇಲ್ಲಿದೆ

ಟರ್ಕಿ ಮೂಲದ ವಿಮಾನಯಾನ ಕಂಪನಿಯೊಂದರ ವಿಮಾನದಲ್ಲಿನ ಆಹಾರದಲ್ಲಿ ಕತ್ತರಿಸಿದ ಹಾವಿನ ತಲೆ ಪತ್ತೆಯಾಗಿದೆ. ಜುಲೈ 21 ರಂದು ಟರ್ಕಿಯ ಅಂಕಾರಾದಿಂದ ಜರ್ಮನಿಯ ಡಸೆಲ್ಡಾರ್ಫ್‌ಗೆ ಹೋಗುತ್ತಿದ್ದ ಸನ್‌ಎಕ್ಸ್‌ಪ್ರೆಸ್ ವಿಮಾನದಲ್ಲಿ ಈ ಘಟನೆ ನಡೆದಿದೆ.

Viral Video: ವಿಮಾನದ ಸಸ್ಯಾಹಾರ ಊಟದಲ್ಲಿ ಕತ್ತರಿಸಿದ ಹಾವಿನ ತಲೆ ಪತ್ತೆ! ವೈರಲ್ ವಿಡಿಯೋ ಇಲ್ಲಿದೆ
ವಿಮಾನದ ಊಟದಲ್ಲಿ ಹಾವಿನ ತಲೆ ಪತ್ತೆ
TV9kannada Web Team

| Edited By: Rakesh Nayak

Jul 26, 2022 | 10:33 AM

ಆಹಾರ ವಿತರಣೆಯಲ್ಲಿ ಕೆಲವೊಂದು ತಪ್ಪುಗಳು ನಡೆಯುತ್ತಿವೆ. ಈ ಪ್ರಮಾದವು ಕೆಲವೊಮ್ಮೆ ದೊಡ್ಡ ಮಟ್ಟದಲ್ಲಿ ಸುದ್ದಿ ಮಾಡುತ್ತದೆ. ಇದೀಗ ಟರ್ಕಿ ಮೂಲದ ವಿಮಾನಯಾನ ಕಂಪನಿಯೊಂದರ ವಿಮಾನದಲ್ಲಿನ ಆಹಾರದಲ್ಲಿ ಕತ್ತರಿಸಿದ ಹಾವಿನ ತಲೆ ಪತ್ತೆಯಾಗಿದೆ. ವಿಮಾನಯಾನ ಬ್ಲಾಗ್ ಅನ್ನು ಉಲ್ಲೇಖಿಸಿ ಒನ್ ಮೈಲ್ ಅಟ್ ಎ ಟೈಮ್, ದಿ ಇಂಡಿಪೆಂಡೆಂಟ್ ವರದಿ ಮಾಡಿದ್ದು, ಜುಲೈ 21 ರಂದು ಟರ್ಕಿಯ ಅಂಕಾರಾದಿಂದ ಜರ್ಮನಿಯ ಡಸೆಲ್ಡಾರ್ಫ್‌ಗೆ ಹೋಗುತ್ತಿದ್ದ ಸನ್‌ಎಕ್ಸ್‌ಪ್ರೆಸ್ ವಿಮಾನದಲ್ಲಿ ಈ ಘಟನೆ ನಡೆದಿದೆ. ಒಂದು ಸಣ್ಣ ಹಾವಿನ ತಲೆ ಆಲೂಗಡ್ಡೆ ಮತ್ತು ತರಕಾರಿಗಳ ನಡುವೆ ಮರೆಮಾಚಿರುವ ವಿಡಿಯೋ ವೈರಲ್ (Video Viral) ಆಗುತ್ತಿದೆ.

ವಾಕರಿಕೆ ಬರುವಂತೆ ಮಾಡುವ ಈ ಘಟನೆ ಬಗ್ಗೆ ವಿಮಾನಯಾನವು ತಕ್ಷಣ ಪ್ರತಿಕ್ರಿಯಿಸಿದೆ. ಔಟ್ಲೆಟ್ ಪ್ರಕಾರ, ಸನ್ಎಕ್ಸ್​ಪ್ರೆಸ್​​ನ ಪ್ರತಿನಿಧಿಯು ಹೇಳುವಂತೆ ಟರ್ಕಿಶ್ ಪತ್ರಿಕೆಗಳಿಗೆ ಘಟನೆಯು ಸಂಪೂರ್ಣವಾಗಿ ಸ್ವೀಕಾರಾರ್ಹವಲ್ಲ. ವಿಮಾನಯಾನ ಸಂಸ್ಥೆಯು ಆಹಾರ ಪೂರೈಕೆದಾರರೊಂದಿಗಿನ ಒಪ್ಪಂದವನ್ನು ನಿಲ್ಲಿಸಿದೆ. ಘಟನೆ ಬಗ್ಗೆ ಸಂಪೂರ್ಣ ತನಿಖೆ ನಡೆಸಲಾಗುತ್ತಿದೆ. 

ವಾಯುಯಾನ ಉದ್ಯಮದಲ್ಲಿ 30 ವರ್ಷಗಳ ಅನುಭವದೊಂದಿಗೆ ನಮ್ಮ ವಿಮಾನದಲ್ಲಿ ನಮ್ಮ ಅತಿಥಿಗಳಿಗೆ ನಾವು ಒದಗಿಸುವ ಸೇವೆಗಳು ಉತ್ತಮ ಗುಣಮಟ್ಟದ ಮತ್ತು ನಮ್ಮ ಗ್ರಾಹಕರು, ಉದ್ಯೋಗಿಗಳು ಆರಾಮದಾಯಕ ಹಾಗೂ ಸುರಕ್ಷಿತ ಹಾರಾಟದ ಅನುಭವವನ್ನು ಹೊಂದುವಂತೆ ಮಾಡುವುದು ನಮ್ಮ ಪ್ರಮುಖ ಆದ್ಯತೆಯಾಗಿದೆ ವಿಮಾನಯಾನ ಸಂಸ್ಥೆ ಹೇಳಿಕೆಯಲ್ಲಿ ತಿಳಿಸಿದ್ದಾಗಿ ಇಂಡಿಪೆಂಡೆಂಟ್ ಹೇಳಿದೆ.

ವಿಮಾನದಲ್ಲಿ ಆಹಾರ ಸೇವೆಗೆ ಸಂಬಂಧಿಸಿದಂತೆ ಪತ್ರಿಕೆಗಳಲ್ಲಿನ ಆರೋಪಗಳು ಮತ್ತು ಹರಡುವಿಕೆಗಳು ಸಂಪೂರ್ಣ ಸ್ವೀಕಾರಾರ್ಹವಲ್ಲ. ಈ ವಿಷಯದ ಬಗ್ಗೆ ವಿವರವಾದ ತನಿಖೆಯನ್ನು ಪ್ರಾರಂಭಿಸಲಾಗಿದೆ ಎಂದು ನಾವು ನಿಮಗೆ ತಿಳಿಸಲು ಬಯಸುತ್ತೇವೆ” ಎಂದು ಸಂಸ್ಥೆ ಹೇಳಿದೆ.

ಇನ್ನೊಂದೆಡೆ, ಆಹಾರ ಸರಬರಾಜು ಮಾಡಿದ ಕ್ಯಾಟರಿಂಗ್ ಕಂಪನಿಯು, ಹಾವಿನ ತಲೆಯು ತಮ್ಮ ಸೌಲಭ್ಯಗಳಿಂದ ಹುಟ್ಟಿಕೊಂಡಿರಬಹುದು ಎಂಬ ಆರೋಪವನ್ನು ನಿರಾಕರಿಸಿದೆ. Sancak Inflight Service ವರದಿಯ ಪ್ರಕಾರ ಅಡುಗೆ ಮಾಡುವಾಗ ಆಹಾರದಲ್ಲಿ ಇರಬಹುದಾದ ಯಾವುದೇ ವಿದೇಶಿ ವಸ್ತುಗಳನ್ನು ಒದಗಿಸಿಲ್ಲ. ಕ್ಯಾಟರಿಂಗ್ ಕಂಪನಿಯು ತನ್ನ ಊಟವನ್ನು 280 ಡಿಗ್ರಿ ಸೆಲ್ಸಿಯಸ್‌ನಲ್ಲಿ ಬೇಯಿಸಲಾಗುತ್ತದೆ. ಆದರೆ ಪತ್ತೆಯಾದ ಹಾವಿನ ತಲೆಯನ್ನು ತುಲನೆ ಮಾಡಿದಾಗ ತಾಜಾವಾಗಿ ಕಾಣುವ ಹಾವಿನ ತಲೆಯನ್ನು ವಾಸ್ತವವಾಗಿ ಸೇರಿಸಿರಬೇಕು ಎಂದು ಕಂಪನಿ ಹೇಳಿಕೊಂಡಿದೆ.

ಈ ವಾರದ ಆರಂಭದಲ್ಲಿ ಇದೇ ರೀತಿಯ ಘಟನೆಯೊಂದು ನಡೆದಿತ್ತು. ದೆಹಲಿಯ ಜನಪ್ರಿಯ ಉಪಾಹಾರ ಗೃಹದಿಂದ ಒಬ್ಬ ವ್ಯಕ್ತಿ ಖರೀದಿಸಿದ ಚಿಕನ್ ಸಲಾಡ್‌ನಲ್ಲಿ ಸತ್ತ ಹಲ್ಲಿ ಪತ್ತೆಯಾಗಿತ್ತು. “ಅತ್ಯಂತ ಪ್ರಸಿದ್ಧವಾದ ಡಿಗ್ಗಿನ್ ಕೆಫೆಯಲ್ಲಿ ಖರೀದಿಸಿದ ಆಹಾರದಲ್ಲಿ ಹಲ್ಲಿಯನ್ನು ಕಂಡಿದ್ದೇವೆ” ಎಂದು ವ್ಯಕ್ತಿ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada