Shocking Video: ಹೋಟೆಲ್ ಊಟದಲ್ಲಿ ಶಿಶ್ನದ ತುಂಡು ಪತ್ತೆ!; ತಿನ್ನೋ ಆಹಾರದಲ್ಲಿ ಗುಪ್ತಾಂಗ ಕಂಡು ಮಹಿಳೆ ಶಾಕ್
Viral News: ಘಾನಾದ ಮಹಿಳೆಯೊಬ್ಬರಿಗೆ ಬೀದಿ ಬದಿಯ ಸಣ್ಣ ಹೋಟೆಲ್ನಲ್ಲಿ ಖರೀದಿಸಿದ ಆಹಾರದಲ್ಲಿ ಮನುಷ್ಯನ ಶಿಶ್ನದಂತಹ ವಸ್ತು ಸಿಕ್ಕಿದೆ. ಈ ಆಘಾತಕಾರಿ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
Updated on:Dec 07, 2021 | 8:07 PM
ನವದೆಹಲಿ: ಹೋಟೆಲ್ಗೆ ಹೋದಾಗ ನಾವು ತಿನ್ನುವ ಊಟ-ತಿಂಡಿಯಲ್ಲಿ ಜಿರಲೆ, ಹಲ್ಲಿ, ಕೂದಲು, ಇಲಿ ಹೀಗೆ ನಾನಾ ವಸ್ತುಗಳು ಸಿಕ್ಕಿರುವ ಉದಾಹರಣೆಗಳು ಸಾಕಷ್ಟಿವೆ. ಹೀಗಾಗಿ, ನಾವು ಏನು ತಿನ್ನುತ್ತೇವೋ ಅದನ್ನು ಒಮ್ಮೆ ಪರಿಶೀಲಿಸಿ ತಿನ್ನುವುದು ಉತ್ತಮ. ಆದರೆ, ತಿನ್ನುವ ಆಹಾರದಲ್ಲಿ ಮನುಷ್ಯನ ಅಂಗಾಂಗಗಳು ಸಿಕ್ಕರೆ ತುತ್ತನ್ನು ಬಾಯಿಗಿಟ್ಟವರ ಸ್ಥಿತಿ ಹೇಗಿರಬಹುದು? ಘಾನಾದ ಮಹಿಳೆಯೊಬ್ಬರಿಗೆ ಬೀದಿ ಬದಿಯ ಸಣ್ಣ ಹೋಟೆಲ್ನಲ್ಲಿ ಖರೀದಿಸಿದ ಆಹಾರದಲ್ಲಿ ಮನುಷ್ಯನ ಶಿಶ್ನದಂತಹ ವಸ್ತು ಸಿಕ್ಕಿದೆ. ಈ ಆಘಾತಕಾರಿ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳಲಾದ ವಿಡಿಯೋದಲ್ಲಿ ಮಹಿಳೆಯೊಬ್ಬರು ತಾನು ತಿನ್ನುತ್ತಿರುವ ಆಹಾರದಲ್ಲಿ ಸಿಕ್ಕ ಗಂಡಿನ ಗುಪ್ತಾಂಗದ ರೀತಿಯ ವಸ್ತುವನ್ನು ತೋರಿಸಿದ್ದಾರೆ. ಇದನ್ನು ನೋಡಿದ ನೆಟಿಜನ್‌ಗಳು ಅಸಹ್ಯದಿಂದ ಕಮೆಂಟ್ ಮಾಡಿದ್ದಾರೆ. ಘಾನಾದಲ್ಲಿ ಲಭ್ಯವಿರುವ ಪ್ರಮುಖ ಆಹಾರವಾದ ತುವೋ ಝಾಫಿ ಎಂಬ ಭಕ್ಷ್ಯದಲ್ಲಿ ಸಿಕ್ಕಿದ ಮಾಂಸದ ತುಂಡನ್ನು ಮಹಿಳೆ ವಿಡಿಯೋ ಮಾಡಿ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಧಾನ್ಯಗಳು ಮತ್ತು ಮಾಂಸದಿಂದ ತಯಾರಿಸಿದ ಆಹಾರಗಳು ಇಲ್ಲಿನ ಬೀದಿ ಬದಿಯ ಆಹಾರ ಮಳಿಗೆಗಳಲ್ಲಿ ಲಭ್ಯವಿದೆ.
View this post on Instagram
ಬೀದಿ ಬದಿಯ ಸ್ಟಾಲ್‌ಗಳಿಂದ ಖರೀದಿಸಿದ ಆಹಾರ ಪದಾರ್ಥಗಳನ್ನು ಸೇವಿಸುವ ಮೊದಲು ಎಚ್ಚರಿಕೆಯಿಂದ ಇರುವಂತೆ ಮಹಿಳೆ ನೆಟ್ಟಿಗರನ್ನು ವಿನಂತಿಸಿದ್ದಾರೆ. ಘಾನಾ ಮೂಲದ ಮಹಿಳೆಯೊಬ್ಬರಿಗೆ ಆಹಾರದಲ್ಲಿ ಸಿಕ್ಕ ಮಾನವನ ಶಿಶ್ನದಂತಹ ವಸ್ತುವಿನ ಆಘಾತಕಾರಿ ವಿಡಿಯೋ ನೋಡಿದವರು ಹೇಸಿಗೆಯಿಂದ ಕಮೆಂಟ್ ಮಾಡಿದ್ದಾರೆ. ಈ ವಿಷಯವನ್ನು ಪೊಲೀಸರಿಗೆ ತಿಳಿಸುವಂತೆ ನೆಟ್ಟಿಗರು ಮಹಿಳೆಯನ್ನು ಕೇಳಿಕೊಂಡಿದ್ದಾರೆ ಎಂದು ಇಂಡಿಯಾ ಟುಡೆ ವರದಿ ಮಾಡಿದೆ.
ಘಾನಾದಲ್ಲಿ ಆಹಾರದ ಪ್ಯಾಕೆಟ್‌ನಿಂದ ಇಂತಹ ಅಸಹ್ಯಕರ ವಿಷಯ ನಡೆದಿರುವುದು ಇದೇ ಮೊದಲೇನಲ್ಲ. 2016ರಲ್ಲಿ ಅಕೌಸಾ ಎಂಬ ಮಹಿಳೆ ತನ್ನ ಆಹಾರದಲ್ಲಿ ಶಿಶ್ನದಂತಹ ಮಾಂಸದ ತುಂಡು ಸಿಕ್ಕಿದ್ದನ್ನು ಶೇರ್ ಮಾಡಿದ್ದರು. ಘಾನಾದ ಅಕ್ರಾದಲ್ಲಿ ಈ ಘಟನೆ ನಡೆದಿತ್ತು. ಆ ಮಾಂಸದ ತುಂಡಿನ ಮೇಲೆ ಡಿಎನ್‌ಎ ಪರೀಕ್ಷೆ ಮಾಡಲು ಅಕೌಸಾ ಪೊಲೀಸರನ್ನು ಸಂಪರ್ಕಿಸಿದ್ದರು.
ಇದನ್ನೂ ಓದಿ: Shocking News: ಮನೆಯಲ್ಲಿದ್ದ ಹಾವುಗಳನ್ನು ಓಡಿಸಲು ಹೋಗಿ 13 ಕೋಟಿ ಮೌಲ್ಯದ ಬಂಗಲೆಯನ್ನೇ ಸುಟ್ಟ ಆಸಾಮಿ!
Shocking News: ಹೋಂ ವರ್ಕ್ ಮಾಡದ ಮಗನ ಕೈ-ಕಾಲು ಕಟ್ಟಿ ಫ್ಯಾನ್ಗೆ ನೇತು ಹಾಕಿದ ಅಪ್ಪ!
Published On - 8:07 pm, Tue, 7 December 21
