ಜೆಆರ್​ಡಿ ಟಾಟಾ ಮೊದಲ ಬಾರಿಗೆ ಪೈಲಟ್​ ಪರವಾನಗಿ ಪತ್ರ ಪಡೆದ ಪೋಸ್ಟ್​ ಹಂಚಿಕೊಂಡ ಟಾಟಾ ಗ್ರುಪ್​

ಭಾರತ ಕೈಗಾರಿಕೋದ್ಯಮಮದಲ್ಲಿ ಅಚ್ಚಳಿಯದೆ ಇರುವ ಹೆಸರು ಜೆಆರ್​ಡಿ ಟಾಟಾ (JRD TATA). ಭಾರತಕ್ಕೆ ವಿಮಾನ ಸೇವೆಯನ್ನು ಒದಗಿಸಿ ಬರೋಬ್ಬರಿ 53 ವರ್ಷಗಳ ಕಾಲ ಯಶಸ್ವಿಯಾಗಿ ಮುನ್ನಡೆಸಿ ಭಾರತದ ಕೈಗಾರಿಕಾ ನಕ್ಷೆಯಲ್ಲಿ ಮಹತ್ವದ ಛಾಪನ್ನು ಮೂಡಿಸಿದ ಭಾರತೀಯರಲ್ಲೊಬ್ಬರು. ಇವರು ಮೊದಲ ಬಾರಿಗೆ ವಾಣಿಜ್ಯ ಏವಿಯೇಟರ್​ ಪ್ರಮಾಣ ಪತ್ರವನ್ನು(commercial aviator’s certificate) ಗಳಿಸಿದ ಭಾರತದ ಮೊದಲ ಕೈಗಾರಿಕೋದ್ಯಮಿ. 1929ರಲ್ಲಿ ಜೆಆರ್​ಡಿ ಟಾಟಾ ಮೊದಲ ಬಾರಿಗೆ ಏರ್​ ಇಂಡಿಯಾಗೆ (Air India) ಪೈಲಟ್​ ಆಗಿ ವಿಮಾನ ಸೇವೆ ಆರಂಭಿಸಿದ್ದರು. ಇದೀಗ ಟಾಟಾ ಗ್ರುಪ್​ ಆ ಹಳೆಯ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ. ಸದ್ಯ ಈ ಪೋಸ್ಟ್​ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

ಟಾಟಾ ಸಂಸ್ಥೆ ಹಂಚಿಕೊಂಡಿರುವ ಪೋಸ್ಟ್​ನಲ್ಲಿ ಹಳೆಯ ಕತೆಯನ್ನು ಸಂಕ್ಷಿಪ್ತವಾಗಿ ಶೇರ್​ ಮಾಡಲಾಗಿದೆ. 1929ರಲ್ಲಿ  ಜೆಆರ್​ಡಿ ಟಾಟಾ ಮೊದಲ ಬಾರಿಗೆ ಪೀಲೆಟ್​ ಆಗಿದ್ದರ ಬಗ್ಗೆ ಗೊತ್ತಾ? ಎಂದು ಆರಂಭವಾಗುವ ಪೋಸ್ಟ್​ನ ಶೀರ್ಷಿಕೆ 1929ರ ಫೆ.10ರಂದು ಜೆಆರ್​ಡಿ ಟಾಟಾ ಪೈಲೆಟ್​​ ಆಗುವ ಮೂಲಕ ವಾಣಿಜ್ಯ ಏವಿಯೇಟರ್​ ಪ್ರಮಾಣ ಪತ್ರ ಪಡೆದ ಭಾರತದ ಮೊದಲ ಪೈಲೆಟ್​ ಎನಿಸಿಕೊಂಡಿದ್ದಾರೆ. ಈ ಮೊದಲು ಏರ್​ ಇಂಡಿಯಾ ಟಾಟಾ ಏರ್​ ಸರ್ವಿಸ್​ ಎನ್ನುವ ಹೆಸರಿನಲ್ಲಿ ಸೇವೆ ಸಲ್ಲಿಸುತ್ತಿತ್ತು.  1932ರಲ್ಲಿ ಮೊದಲ ಬಾರಿಗೆ  ಕರಾಚಿಯಿಂದ ಹಾರಾಟ ಆರಂಭಿಸಿದ ವಿಮಾನ ತಾಸಿಗೆ 100 ಮೈಲಿ ದೂರವನ್ನು ಕ್ರಮಿಸಿತ್ತು ಎಂದು ಮಾಹಿತಿ ನೀಡುವ ಮೂಲಕ ಎರಡು ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಲಾಗಿದೆ.

ನಿನ್ನೆ ಹಂಚಿಕೊಂಡ ಈ ಫೋಟೋ 5 ಸಾವಿರಕ್ಕೂ ಹೆಚ್ಚು ಲೈಕ್ಸ್​ಗಳಿಸಿದೆ. ಭಾರತೀಯ ಕೈಗಾರಿಕೋದ್ಯಮದಲ್ಲಿ ಇತಿಹಾಸವನ್ನೇ ಸೃಷ್ಟಿಸಿದ ಜೆಆರ್​ಡಿ ಟಾಟಾಅ ಅವರ ಬಗ್ಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿ ಕಾಮೆಂಟ್​ ಮಾಡಿದ್ದಾರೆ.

ಇದನ್ನೂ ಓದಿ:

ಅಲೆಕ್ಸಾದಿಂದ ಬಂದ ಹಾಡಿಗೆ ಕ್ಯೂಟ್​ ಸ್ಟೆಪ್​ ಹಾಕಿದ ಮಗು: ವಿಡಿಯೋ ವೈರಲ್​