Viral Video: ಸೀರೆಯುಟ್ಟು ರೈಲಿನ ಕಿಟಕಿಯಲ್ಲೇ ಒಳನುಗ್ಗಿದ ಮಹಿಳೆ!; ಎಮರ್ಜೆನ್ಸಿ ಎಂಟ್ರಿಯ ವಿಡಿಯೋ ವೈರಲ್

ಕೆಲವೊಂದು ವಿಡಿಯೋಗಳನ್ನು ನೋಡಿದಾಗ ನಗಬಾರದು ಎಂದುಕೊಂಡರೂ ನಗು ಉಕ್ಕುಕ್ಕಿ ಬರುತ್ತದೆ. ಬಸ್ ಮತ್ತು ರೈಲಿನಲ್ಲೆಲ್ಲ ಎಮರ್ಜೆನ್ಸಿ ಎಕ್ಸಿಟ್ (Emergency Exit) ಇರುವುದನ್ನು ನೀವೆಲ್ಲರೂ ಗಮನಿಸಿರಬಹುದು. ರೈಲು ನಿಲ್ದಾಣಗಳು, ರೈಲಿನ ಪ್ರಯಾಣ ಸಾಕಷ್ಟು ಹಾಸ್ಯಮಯ ಸನ್ನಿವೇಶಗಳಿಗೆ ಕಾರಣವಾಗುತ್ತ ಇರುತ್ತವೆ. ರೈಲು ಹೊರಟ ಮೇಲೆ ರೈಲಿನ ಹಿಂದೆ ಓಡಿಬರುವವರು, ರೈಲು ನಿಂತಾಗ ಪ್ಲಾಟ್​ಫಾರ್ಮ್​ನಲ್ಲಿ ಇಳಿದಾಗ ಇದ್ದಕ್ಕಿದ್ದಂತೆ ರೈಲು ಹೊರಟುಬಿಡುವುದು, ಯಾವುದೋ ಸ್ಟೇಷನ್​ನಲ್ಲಿ ಇಳಿಯಬೇಕಾದರು ನಿದ್ರೆ ಮಾಡುತ್ತಾ ಇನ್ನೆಲ್ಲೋ ಇಳಿಯುವುದು, ಟಿಕೆಟ್ ಖರೀದಿಸದೆ ಸಿಕ್ಕಿಹಾಕಿಕೊಳ್ಳುವುದು ಇವೆಲ್ಲ ಮಾಮೂಲಿನ ಸಂಗತಿ. ಆದರೆ, ಇಲ್ಲೊಬ್ಬಳು ಮಹಿಳೆ ಸೀರೆಯುಟ್ಟುಕೊಂಡೇ ರೈಲಿನ ಕಿಟಕಿಯಿಂದ ಒಳಗೆ ನುಗ್ಗಿ ಸಾಹಸವೊಂದನ್ನು ಮಾಡಿದ್ದಾಳೆ. ಆ ವಿಡಿಯೋ ವೈರಲ್ (Video Viral)  ಆಗಿದೆ.

ರೈಲು ಹತ್ತುವ ಮೊದಲೇ ರೈಲು ಚಲಿಸತೊಡಗಿದ್ದರಿಂದ ಬಾಗಿಲಿನವರೆಗೂ ಹೋಗಲು ಸಾಧ್ಯವಾಗದ ಮಹಿಳೆಯೊಬ್ಬಳು ಕಿಟಿಕಿಯಿಂದಲೇ ರೈಲಿನೊಳಗೆ ತೂರಿಕೊಂಡಿದ್ದಾಳೆ. ಅಂದವಾಗಿ ಸೀರೆಯುಟ್ಟು ಈ ರೀತಿಯ ಸ್ಟಂಟ್ ಮಾಡಿದ ಆಕೆಯ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ನಗೆಯುಕ್ಕಿಸುತ್ತಿದೆ. ಹಾಗೇ, ಈ ರೀತಿ ಸಾಹಸ ಮಾಡುವಾಗ ಆಕೆಯ ಪ್ರಾಣಕ್ಕೆ ಏನಾದರೂ ಅಪಾಯವಾಗಿದ್ದರೆ ಏನು ಗತಿಯೆಂಬ ಆತಂಕದ ಕಮೆಂಟ್​ಗಳೂ ಈ ವಿಡಿಯೋಗೆ ಬಂದಿವೆ. ಎಮರ್ಜೆನ್ಸಿ ಎಕ್ಸಿಟ್ ಇರುವ ಕಿಟಕಿಯಲ್ಲಿ ನುಗ್ಗಿದ ಮಹಿಳೆ ಅಂತೂಇಂತೂ ರೈಲಿನೊಳಗೆ ಹೋಗಿದ್ದಾಳೆ.

ತನ್ನ ಚಪ್ಪಲಿಗಳನ್ನು ಬಿಚ್ಚಿದ ಆ ಮಹಿಳೆ ರೈಲಿನೊಳಗೆ ಕುಳಿತಿದ್ದ ವ್ಯಕ್ತಿಗೆ ಅವುಗಳನ್ನು ಕೊಟ್ಟಳು. ನಂತರ ನಿಧಾನವಾಗಿ ಎಮರ್ಜೆನ್ಸಿ ಎಕ್ಸಿಟ್​ನ ಕಿಟಕಿಯಿಂದ ರೈಲಿನೊಳಗೆ ನುಸುಳಿದಳು. ಆ ಕಿಟಕಿ ಇರುವುದು ಎಮರ್ಜೆನ್ಸಿ ಎಕ್ಸಿಟ್​ಗೇ ಹೊರತು ಎಮರ್ಜೆನ್ಸಿ ಎಂಟ್ರಿಗಲ್ಲ ಎಂದು ಹಲವರು ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: Viral Video: ಮದುವೆ ವೇಳೆ ಪ್ರಜ್ಞೆ ತಪ್ಪಿ ಬಿದ್ದ ವಧು; ಕಂಗಾಲಾಗಿ ಮಂಟಪದಿಂದ ಓಡಿಹೋದ ವರ!

Shocking News: ಮನುಷ್ಯರ ಮೂತ್ರದಿಂದ ತಯಾರಾದ ಬಿಯರ್​ಗೆ ಭಾರೀ ಬೇಡಿಕೆ; ಏನಿದು ವಿಚಿತ್ರ ಸುದ್ದಿ?

(Video of Woman Entering Train from Emergency Exit Window with Wearing Saree Goes Viral Watch Funny Video)