Shocking News: ಮನುಷ್ಯರ ಮೂತ್ರದಿಂದ ತಯಾರಾದ ಬಿಯರ್​ಗೆ ಭಾರೀ ಬೇಡಿಕೆ; ಏನಿದು ವಿಚಿತ್ರ ಸುದ್ದಿ?

Pisner Beer: ಈ ಪ್ರಯೋಗ ಕೊಂಚ ಹಳೆಯದೇ ಆದರೂ ಬಹಳಷ್ಟು ಜನರಿಗೆ ಈ ಬಗ್ಗೆ ಮಾಹಿತಿ ಇಲ್ಲ. ಪಿಸ್ನೆರ್ ಬಿಯರ್​ಗೂ ಬೇಡಿಕೆಯಿದ್ದು, ಇದನ್ನು 50,000 ಲೀಟರ್ ಮೂತ್ರದಿಂದ ತಯಾರಿಸಲಾಗಿದೆ.

Shocking News: ಮನುಷ್ಯರ ಮೂತ್ರದಿಂದ ತಯಾರಾದ ಬಿಯರ್​ಗೆ ಭಾರೀ ಬೇಡಿಕೆ; ಏನಿದು ವಿಚಿತ್ರ ಸುದ್ದಿ?
ಪಿಸ್ನೆರ್ ಬಿಯರ್

ಈ ಜಗತ್ತಿನಲ್ಲಿ ಮದ್ಯಪ್ರಿಯರಿಗೇನೂ ಬರವಿಲ್ಲ. ಅವರಲ್ಲಿ ಒಬ್ಬೊಬ್ಬರಿಗೆ ಒಂದೊಂದು ಬ್ರ್ಯಾಂಡ್ ಇಷ್ಟ. ಮದ್ಯಪ್ರಿಯರ ಪೈಕಿ ಬಿಯರ್ ಇಷ್ಟಪಡದಿರುವವರೇ ಕಡಿಮೆ. ಈ ಬಿಯರ್ ಅನ್ನು ಮನುಷ್ಯನ ಮೂತ್ರದಿಂದಲೂ ಮಾಡಬಹುದು ಎಂಬ ವಿಷಯ ನಿಮಗೆ ಗೊತ್ತಾ? ಮೂತ್ರದಿಂದ ಬಿಯರ್ ತಯಾರಿಸುತ್ತಾರಾ? ಎಂದು ಮೂಗು ಮುರಿಯಬೇಡಿ. ಅಂಥದ್ದೊಂದು ಪ್ರಯೋಗ ಈಗಾಗಲೇ ನಡೆದಿದ್ದು, ಹೊಸ ಬಗೆಯ ಬಿಯರ್ ಟ್ರೈ ಮಾಡಬೇಕು ಎಂದು ಬಯಸುವವರು ಈ ಬಿಯರ್ ಟೇಸ್ಟ್ ಮಾಡಬಹುದು!

ನೊರಬ್ರೋ ಕಂಪನಿ ಮನುಷ್ಯರ ಮೂತ್ರದಿಂದ ಬಿಯರ್​ ತಯಾರಿಸಿದೆ. ನೀವೇನಾದರೂ ಪಿಸ್ನೆರ್ ಬಿಯರ್ ಕುಡಿದಿದ್ದರೆ ನೀವು ಮನುಷ್ಯರ ಮೂತ್ರವನ್ನು ಕುಡಿದಿದ್ದೀರಿ ಎಂದೇ ಅರ್ಥ. ಈ ಪ್ರಯೋಗ ಕೊಂಚ ಹಳೆಯದೇ ಆದರೂ ಬಹಳಷ್ಟು ಜನರಿಗೆ ಈ ಬಗ್ಗೆ ಮಾಹಿತಿ ಇಲ್ಲ. ಪಿಸ್ನೆರ್ ಬಿಯರ್​ಗೂ ಬೇಡಿಕೆಯಿದ್ದು, ಇದನ್ನು 50,000 ಲೀಟರ್ ಮೂತ್ರದಿಂದ ತಯಾರಿಸಲಾಗಿದೆ.

ಕೆಲವು ವರ್ಷಗಳ ಹಿಂದೆ ನೊರಬ್ರೋ ಕಂಪನಿ ಸಂಗೀತ ಕಾರ್ಯಕ್ರಮದಲ್ಲಿ 50,000 ಲೀಟರ್ ಮನುಷ್ಯರ ಮೂತ್ರವನ್ನು ಸಂಗ್ರಹ ಮಾಡಿತ್ತು. ನಂತರವೇ ಅವರು ಪಿಸ್ನೆರ್ ಬಿಯರ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದರು. ಈ ಬಿಯರ್ ಅನ್ನು ನಾವು ಮಾರ್ಕೆಟ್​ಗೆ ತಂದಾಗ ಅನೇಕರು ನಾವು ಮನುಷ್ಯರ ಮೂತ್ರವನ್ನೇ ಬಾಟಲಿಗೆ ತುಂಬಿ ಬಿಯರ್ ಎಂದು ಮಾರಾಟ ಮಾಡುತ್ತಿದ್ದೇವೆ ಎಂದು ಭಾವಿಸಿದ್ದರು. ಆದರೆ, ಅದು ತಪ್ಪು ಕಲ್ಪನೆ. ನಾವು ಈ ಹೊಸ ಬಗೆಯ ಬಿಯರ್​ಗಾಗಿ ಮೂತ್ರವನ್ನು ಬಳಸುತ್ತೇವೆ ಎಂಬುದು ಸತ್ಯ. ಆದರೆ, ಅದಕ್ಕೂ ಮೊದಲು ಸಾಕಷ್ಟು ಹಂತಗಳನ್ನು ಅನುಸರಿಸುತ್ತೇವೆ ಎಂದು ಕಂಪನಿ ತಿಳಿಸಿದೆ.

ಮೂತ್ರವನ್ನು ಪರಿಷ್ಕರಿಸಿ ಮಾಡಲಾಗುವ ಬಿಯರ್​ನಲ್ಲಿ ಸ್ವಲ್ಪವೇ ಸ್ವಲ್ಪ ಅದರ ಟೇಸ್ಟ್​ ಬಂದರೂ ನಾವು ಆ ಉತ್ಪನ್ನವನ್ನು ಮತ್ತೆ ಬಳಸುವುದಿಲ್ಲ. ನಾವು ಹೇಳದೆ ಹಾಗೇ ನೀಡಿದರೆ ಅದು ಮೂತ್ರದಿಂದ ಮಾಡಿದ ಬಿಯರ್ ಎಂದು ಯಾರಿಗೂ ಗೊತ್ತಾಗುವುದೇ ಇಲ್ಲ. ಮನುಷ್ಯನ ದೇಹದಿಂದ ಹೊರಹೋಗುವ ರಾಸಾಯನಿಕಯುಕ್ತ ಮೂತ್ರವನ್ನು ಮರುಬಳಕೆ ಮಾಡಿ, ಬಿಯರ್​ಗೆ ಬಳಸಲಾಗುತ್ತದೆ. ಇದಕ್ಕೆ ಬೀರ್​ಸೈಕ್ಲಿಂಗ್ ಎಂದು ಹೆಸರಿಡಲಾಗಿದೆ ಎಂದು ಪಿಸ್ನೆರ್ ಬಿಯರ್ ಕಂಪನಿ ಮಾಹಿತಿ ನೀಡಿದೆ.

ಇದನ್ನೂ ಓದಿ: ಬಿಯರ್​ ಬಾಟಲ್​ ಸಾಗಿಸುತ್ತಿದ್ದ ಲಾರಿ ಪಲ್ಟಿ, ಕೊರೊನಾ ನಡುವೆ ಭಯವಿಲ್ಲದೆ ಬಿಯರ್​ಗಾಗಿ ಮುಗಿಬಿದ್ದ ಜನ .!

ಇದನ್ನೂ ಓದಿ: Viral Video: ಇದಪ್ಪಾ ಬ್ಯಾಲೆನ್ಸಿಂಗ್​​ ಅಂದ್ರೆ! ಈ ’ಬಾಟಲಿಪುತ್ರಿ‘ಯ ಸಾಹಸವನ್ನು ನೋಡಿದರೆ ಮೈ ಜುಂ ಎನ್ನದೇ ಇರದು

Click on your DTH Provider to Add TV9 Kannada