Viral Video: ಮದುವೆ ವೇಳೆ ಪ್ರಜ್ಞೆ ತಪ್ಪಿ ಬಿದ್ದ ವಧು; ಕಂಗಾಲಾಗಿ ಮಂಟಪದಿಂದ ಓಡಿಹೋದ ವರ!

ಮದುವೆಯೆಂದ ಮೇಲೆ ತಮಾಷೆ, ಮೋಜು, ಮಸ್ತಿ, ಎಮೋಷನಲ್ ಎಲ್ಲವೂ ಸಾಮಾನ್ಯ. ಆದರೆ, ಕೆಲವೊಮ್ಮೆ ಮುಜುಗರಕ್ಕೀಡಾದ ಘಟನೆಗಳೂ ನಡೆಯುತ್ತವೆ. ಮದುವೆಯ ವಿಡಿಯೋವನ್ನು ನೋಡುವುದೇ ಒಂದು ರೀತಿಯ ಖುಷಿ. ಒಂದೊಂದು ಮದುವೆಯ ಜೊತೆಗೂ ಅನೇಕ ಅಚ್ಚರಿಯ ಕತೆಗಳಿರುತ್ತವೆ, ತಮಾಷೆಗೆ ಘಟನೆಗಳಿರುತ್ತವೆ. ಅದೇ ರೀತಿ ಮದುವೆಯ ಫನ್ನಿ ವಿಡಿಯೋವೊಂದು (Funny Video) ಈಗ ಭಾರೀ ವೈರಲ್ ಆಗಿದೆ. ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ (Viral Video) ವರನೇ ಮಂಟಪದಿಂದ ಕಾಲು ಕಿತ್ತಿದ್ದಾನೆ. ಅಷ್ಟಕ್ಕೂ ಅಲ್ಲಿ ಆಗಿದ್ದೇನು?

ಉತ್ತರ ಕರ್ನಾಟಕದಲ್ಲಿ ನಡೆಯುವ ಮದುವೆಯಲ್ಲಿ ಮಾಂಗಲ್ಯದಷ್ಟೇ ಪ್ರಾಮುಖ್ಯತೆ ಸಿಂಧೂರಕ್ಕೂ ಇರುತ್ತದೆ. ಮದುವೆಯಲ್ಲಿ ತನ್ನ ವಧುವಿನ ಹಣೆಗೆ ಸಿಂಧೂರ ಹಚ್ಚಲು ಹೋದ ವರನಿಗೆ ಶಾಕ್ ಆಗಿದೆ. ಆಕೆಯ ಹಣೆಗೆ ಕುಂಕುಮ ಇಡುತ್ತಿದ್ದಂತೆ ವಧು ಮೂರ್ಛೆ ತಪ್ಪಿ ಕೆಳಗೆ ಬಿದ್ದಿದ್ದಾಳೆ. ತಕ್ಷಣ ಸುತ್ತಮುತ್ತಲಿನವರು ಓಡಿಬಂದು ಆಕೆಯನ್ನು ಎತ್ತಿ ಕೂರಿಸಿದ್ದಾರೆ. ಇದನ್ನು ನೋಡಿದ ವರ ತನ್ನ ಹಾರವನ್ನು ಕಿತ್ತೆಸೆದು ಮಂಟಪದಿಂದ ಓಡಿಹೋಗಿದ್ದಾನೆ.

View this post on Instagram

A post shared by Niranjan Mahapatra (@official_niranjanm87)

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. ಮದುವೆಯ ಹಾಲ್​ನಿಂದ ಹೊರಗೆ ಹೋದ ವರನನ್ನು ಅಲ್ಲಿದ್ದವರು ತಡೆದು ನಿಲ್ಲಿಸಲು ಪ್ರಯತ್ನಿಸಿದರೂ ಆತ ಕೇಳದೆ ಅಲ್ಲಿಂದ ಹೊರನಡೆದಿದ್ದಾನೆ. ಆ ವಧು ಇದ್ದಕ್ಕಿದ್ದಂತೆ ಪ್ರಜ್ಞೆ ತಪ್ಪಿ ಬೀಳಲು ಕಾರಣವೇನೆಂಬುದು ಗೊತ್ತಾಗಿಲ್ಲ. ಆಕೆಗೆ ಆರೋಗ್ಯ ಸರಿಯಾಗಿರಲಿಲ್ಲವೇ, ಆಕೆ ನಂತರ ಸುಧಾರಿಸಿಕೊಂಡಳೇ ಎಂಬ ಬಗ್ಗೆ ಮಾಹಿತಿ ಸಿಕ್ಕಿಲ್ಲ.

ಈ ವಿಡಿಯೋವನ್ನು 14 ಸಾವಿರಕ್ಕೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಆಕೆಗೆ ಈ ಮದುವೆ ಇಷ್ಟವಿಲ್ಲದ ಕಾರಣ ಈ ರೀತಿ ನಾಟಕ ಮಾಡಿರಬಹುದು ಎಂಬ ಚರ್ಚೆಗಳೂ ಸೋಷಿಯಲ್ ಮೀಡಿಯಾದಲ್ಲಿ ನಡೆದಿವೆ.

ಇದನ್ನೂ ಓದಿ: Shocking News: ಮನುಷ್ಯರ ಮೂತ್ರದಿಂದ ತಯಾರಾದ ಬಿಯರ್​ಗೆ ಭಾರೀ ಬೇಡಿಕೆ; ಏನಿದು ವಿಚಿತ್ರ ಸುದ್ದಿ?

Cadbury Chocolate: ಡೇರಿ ಮಿಲ್ಕ್ ಚಾಕೋಲೇಟ್​ನಲ್ಲಿ ದನದ ಮಾಂಸವಿದೆಯಾ?; ಕ್ಯಾಡ್​ಬರಿಯಿಂದ ಅಚ್ಚರಿಯ ಸ್ಪಷ್ಟನೆ

(Scared Groom Runs Away After Bride Falls Unconscious During Sindoor Ceremony Funny Video Viral)

Published On - 6:01 pm, Mon, 19 July 21