Cadbury Chocolate: ಡೇರಿ ಮಿಲ್ಕ್ ಚಾಕೋಲೇಟ್ನಲ್ಲಿ ದನದ ಮಾಂಸವಿದೆಯಾ?; ಕ್ಯಾಡ್ಬರಿಯಿಂದ ಅಚ್ಚರಿಯ ಸ್ಪಷ್ಟನೆ
Cadbury Beef Controversy: ಕ್ಯಾಡ್ಬರಿ ಚಾಕೋಲೇಟ್ಗಳಲ್ಲಿ ಬೀಫ್ ಅಂಶವನ್ನು ಬಳಸಲಾಗುತ್ತದೆ ಎಂದು ವೆಬ್ಸೈಟ್ ಒಂದರಲ್ಲಿ ಬರೆದ ಲೇಖನ ಭಾರೀ ಚರ್ಚೆಗೊಳಗಾಗಿದೆ. ಹಾಗಾದರೆ, ನೀವು ತಿನ್ನುವ ಕ್ಯಾಡ್ಬರಿ ಚಾಕೋಲೇಟ್ನಲ್ಲಿ ನಿಜಕ್ಕೂ ದನದ ಮಾಂಸವಿದೆಯಾ?
Updated on:Jul 19, 2021 | 3:10 PM
‘ಬಾಯಿ ಸಿಹಿ ಮಾಡೋಣ’ ಎಂದು ದಿನಕ್ಕೊಂದು ಹೊಸ ರೂಪದಲ್ಲಿ, ಹೊಸ ರುಚಿಯಲ್ಲಿ ಮಾರುಕಟ್ಟೆಗೆ ಬರುತ್ತಿರುವ ಡೇರಿ ಮಿಲ್ಕ್ (Dairy Milk) ಚಾಕೋಲೇಟ್ ಅಂದ್ರೆ ಯಾರಿಗೆ ತಾನೇ ಇಷ್ಟವಿಲ್ಲ? ಕ್ಯಾಡ್ಬರಿ (Cadbury Chocolates) ಕಂಪನಿಯ ಎಲ್ಲ ಚಾಕೋಲೇಟ್ಗಳೂ ಚಿಕ್ಕವರಿಂದ ದೊಡ್ಡವರವರೆಗೂ ಎಲ್ಲರಿಗೂ ಇಷ್ಟವಾಗುತ್ತದೆ. ಅದೇ ಕಾರಣಕ್ಕೆ ಚಾಕೋಲೇಟ್ ಉದ್ಯಮದಲ್ಲಿ ಸಾಕಷ್ಟು ಹೊಸ ಬ್ರ್ಯಾಂಡ್ಗಳು ಬಂದರೂ ಕ್ಯಾಡ್ಬರಿ ಇನ್ನೂ ಬೇಡಿಕೆ ಉಳಿಸಿಕೊಂಡಿವೆ. ಈ ಕ್ಯಾಡ್ಬರಿ ಕಂಪನಿಯ ಚಾಕೋಲೇಟ್ಗಳ ಬಗ್ಗೆ ಆಗಾಗ ಹೊಸ ವಿವಾದಗಳು ಏಳುತ್ತಲೇ ಇರುತ್ತವೆ. ಇತ್ತೀಚೆಗಷ್ಟೇ ಕ್ಯಾಡ್ಬರಿ ಚಾಲೋಕೋಟ್ಗಳಲ್ಲಿ ಬೀಫ್ (Beef in Cadbury Chocolates) ಅಂಶಗಳಿರುತ್ತವೆ ಎಂಬ ಸುದ್ದಿ ಎಲ್ಲೆಡೆ ಹರಿದಾಡಿತ್ತು. ಎಲ್ಲ ಸಮುದಾಯದ, ಎಲ್ಲ ವರ್ಗದ ಜನರೂ ಈ ಚಾಕೋಲೇಟ್ ತಿನ್ನುವುದರಿಂದ ದನದ ಮಾಂಸದ ಅಂಶಗಳನ್ನು ಹೊಂದಿರುವ ಕ್ಯಾಡ್ಬರಿ ಉತ್ಪನ್ನಗಳನ್ನು ಬ್ಯಾನ್ ಮಾಡಬೇಕೆಂದು ಟ್ವಿಟ್ಟರ್ನಲ್ಲಿ ಅಭಿಯಾನವೂ ನಡೆದಿತ್ತು. ಹಾಗಾದರೆ, ನೀವು ಇಷ್ಟಪಟ್ಟು ತಿನ್ನುವ ಕ್ಯಾಡ್ಬರಿ ಚಾಕೋಲೇಟ್ಗಳಲ್ಲಿ ನಿಜಕ್ಕೂ ಬೀಫ್ ಅಂಶ ಇದೆಯಾ? ಇಲ್ಲಿದೆ ಮಾಹಿತಿ.
ವೆಬ್ಸೈಟ್ ಒಂದರಲ್ಲಿ ಕ್ಯಾಡ್ಬರಿ ಚಾಕೋಲೇಟ್ಗಳಲ್ಲಿ ಬೀಫ್ ಅಂಶವನ್ನು ಬಳಸಲಾಗುತ್ತದೆ ಎಂದು ಬರೆದ ಲೇಖನವೊಂದು ಭಾರೀ ಚರ್ಚೆಗೆ ಕಾರಣವಾಗಿತ್ತು. ಆ ಸ್ಕ್ರೀನ್ಶಾಟ್ ಅನ್ನು ಶೇರ್ ಮಾಡಿಕೊಂಡು ಕಳೆದ ವೀಕೆಂಡ್ನಿಂದ ಟ್ವಿಟ್ಟರ್ನಲ್ಲಿ #BoycottCadburyProducts ಎಂಬ ಅಭಿಯಾನವೂ ನಡೆದಿತ್ತು. ಕ್ಯಾಡ್ಬರಿ ಚಾಕೋಲೇಟ್ ಅನ್ನು ತಯಾರಿಸಲು ಜಿಲೆಟಿನ್ ಬಳಸಲಾಗುತ್ತದೆ ಎಂದು ವೆಬ್ಸೈಟ್ ವರದಿ ಮಾಡಿತ್ತು. ಇದರಿಂದ ಹಿಂದೂಗಳ ಭಾವನೆಗೆ ಧಕ್ಕೆಯಾಗುತ್ತಿದೆ ಹಾಗೇ ನಮಗೆ ಅರಿವಿಲ್ಲದಂತೆ ದನದ ಮಾಂಸವನ್ನು ನಮಗೆ ತಿನ್ನಿಸಲಾಗುತ್ತಿದೆ. ಇದರಿಂದ ಕ್ಯಾಡ್ಬರಿ ಚಾಕೋಲೇಟ್ಗಳನ್ನು ಭಾರತದಲ್ಲಿ ಬ್ಯಾನ್ ಮಾಡಬೇಕೆಂಬ ಅಭಿಯಾನಗಳು ನಡೆದಿದ್ದವು.
Is this true @CadburyUK? If yes, Cadbury deserves to be sued for forcing Hindus to consume halaal certified beef products
Our ancestors &Gurus sacrificed their lives but didn’t accept eating beef. But post “independence”rulers have allowed our Dharma to be violated with impunity pic.twitter.com/Ub9hJmG8gO
— Madhu Purnima Kishwar (@madhukishwar) July 17, 2021
ಈ ವಿವಾದದ ಬಗ್ಗೆ ಟ್ವೀಟ್ ಮೂಲಕ ಸ್ಪಷ್ಟೀಕರಣ ನೀಡಿರುವ ಕ್ಯಾಡ್ಬರಿ ಕಂಪನಿ, ಭಾರತದಲ್ಲಿ ಮಾರಾಟ ಮಾಡಲಾಗುತ್ತಿರುವ ಕ್ಯಾಡ್ಬರಿ ಉತ್ಪನ್ನಗಳೆಲ್ಲವೂ ಶೇ. 100ರಷ್ಟು ಸಸ್ಯಾಹಾರಿಯಾಗಿವೆ. ವೆಬ್ಸೈಟ್ನಲ್ಲಿ ತಿಳಿಸಲಾಗಿರುವ ಉತ್ಪನ್ನಗಳನ್ನು ಭಾರತದ ಮಾರುಕಟ್ಟೆಗೆ ನಾವು ಬಿಟ್ಟಿಲ್ಲ. ಜಿಲೆಟಿನ್ ಅಂಶವನ್ನು ಹೊಂದಿರುವ ಕ್ಯಾಡ್ಬರಿ ಚಾಕೋಲೇಟ್ಗಳನ್ನು ಭಾರತದಲ್ಲಿ ಮಾರಾಟ ಮಾಡುತ್ತಿಲ್ಲ. ಕ್ಯಾಡ್ಬರಿ ಚಾಕೋಲೇಟ್ ಹಿಂಭಾಗದಲ್ಲಿ ಹಸಿರು ಬಣ್ಣದ ಚುಕ್ಕೆ ಇರುವುದನ್ನು ನೀವು ಗಮನಿಸಿರಬಹುದು. ಈ ಬಣ್ಣದ ಮಾರ್ಕ್ ಇರುವ ಉತ್ಪನ್ನಗಳೆಲ್ಲವೂ ಸಂಪೂರ್ಣ ಸಸ್ಯಾಹಾರಿಯಾಗಿರುತ್ತವೆ ಎಂದು ಖಚಿತಪಡಿಸಿದೆ.
— Cadbury Dairy Milk (@DairyMilkIn) July 18, 2021
ಹಾಗೇ, ಯಾವುದೇ ಒಂದು ಮಾಧ್ಯಮದಲ್ಲಿ ಬಂದ ಸುದ್ದಿಯನ್ನು ಅಥವಾ ಜನರಿಗೆ ಸಿಕ್ಕಿರುವ ಮಾಹಿತಿಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡುವ ಮುನ್ನ ಅದರ ಸತ್ಯಾಸತ್ಯತೆಯನ್ನು ಖಚಿತಪಡಿಸಿಕೊಳ್ಳಿ. ಈ ರೀತಿಯ ನೆಗೆಟಿವ್ ಪೋಸ್ಟ್ಗಳು ನಮ್ಮ ಬ್ರ್ಯಾಂಡ್ ಮೇಲೆ ಬಹಳ ಪರಿಣಾಮ ಬೀರುತ್ತವೆ. ಹಲವಾರು ವರ್ಷಗಳಿಂದ ಕ್ಯಾಡ್ಬರಿ ಬ್ರ್ಯಾಂಡ್ ಅನ್ನು ಎಲ್ಲ ಕಡೆ ತಲುಪಿಸಲು ನಾವು ಹಾಕಿರುವ ಶ್ರಮ ವ್ಯರ್ಥವಾಗುತ್ತದೆ. ಹಾಗೇ, ಈ ರೀತಿಯ ಮೆಸೇಜ್ ನೋಡಿದ ಗ್ರಾಹಕರು ನಮ್ಮ ಉತ್ಪನ್ನಗಳನ್ನು ಖರೀದಿಸಲು ಹಿಂದೇಟು ಹಾಕುತ್ತಾರೆ. ಇದರಿಂದ ನಾವು ನಮ್ಮ ಗ್ರಾಹಕರ ನಂಬಿಕೆಯನ್ನು ಕಳೆದುಕೊಳ್ಳುತ್ತೇವೆ ಎಂದು ಕ್ಯಾಡ್ಬರಿ ಟ್ವೀಟ್ ಮೂಲಕ ಮನವಿ ಮಾಡಿದೆ.
Hi, the screenshot shared in the Tweet is not related to Mondelez products manufactured in India. All the products manufactured and sold in India are 100% vegetarian. The green dot on the wrapper signifies that. -1/3
— Cadbury Dairy Milk (@DairyMilkIn) July 18, 2021
ಅಂದಹಾಗೆ, ಈಗಾಗಲೇ ವೈರಲ್ ಆಗಿರುವ ವೆಬ್ಸೈಟ್ನ ಲೇಖನ ಆಸ್ಟ್ರೇಲಿಯಾದಲ್ಲಿ ಪ್ರಕಟವಾದುದಾಗಿದೆ. ಆಸ್ಟ್ರೇಲಿಯಾದಲ್ಲಿ ಮಾರಾಟ ಮಾಡಲಾಗುವ ಕ್ಯಾಡ್ಬರಿ ಚಾಕೋಲೇಟ್ಗಳಲ್ಲಿ ಸಸ್ಯಾಹಾರ ಮತ್ತು ಮಾಂಸಾಹಾರ ಎರಡೂ ರೀತಿಯದ್ದಿರುತ್ತವೆ. ಆದರೆ, ಭಾರತದಲ್ಲಿ ಹಸಿರು ಮಾರ್ಕ್ ಇರುವ ಸಸ್ಯಾಹಾರಿ ಚಾಕೋಲೇಟ್ಗಳನ್ನು ಮಾತ್ರ ಮಾರಾಟ ಮಾಡುತ್ತಿದ್ದೇವೆ ಎಂದು ಕ್ಯಾಡ್ಬರಿ ಸ್ಪಷ್ಟಪಡಿಸಿದೆ. ಹೀಗಾಗಿ, ನಿಮ್ಮ ಫೇವರೆಟ್ ಡೇರಿ ಮಿಲ್ಕ್/ ಕ್ಯಾಡ್ಬರಿ ಚಾಕೋಲೇಟ್ಗಳನ್ನು ನೀವಿನ್ನು ಧೈರ್ಯವಾಗಿ ತಿನ್ನಬಹುದು!
ಇದನ್ನೂ ಓದಿ: Shocking News: ಮನುಷ್ಯರ ಮೂತ್ರದಿಂದ ತಯಾರಾದ ಬಿಯರ್ಗೆ ಭಾರೀ ಬೇಡಿಕೆ; ಏನಿದು ವಿಚಿತ್ರ ಸುದ್ದಿ?
Viral News | ಬರೋಬ್ಬರಿ 1 ಕೋಟಿಗೆ ಹರಾಜಾಯ್ತು ವಿಸ್ಕಿ ಬಾಟಲ್; ಇದರ ವಿಶೇಷತೆ ಕೇಳಿದರೆ ಕಿಕ್ ಏರುತ್ತೆ!
(Cadbury Clarifies on Viral Tweet about Cadbury Chocolates Beef Controversy Dairy Milk)
Published On - 2:00 pm, Mon, 19 July 21
