ಜೆಫ್ ಬೆಜೋಸ್​​ನ ಬ್ಲೂ ಒರಿಜಿನ್ ತಂಡದ ಮಹಾರಾಷ್ಟ್ರದ ಮಹಿಳೆ; ಸಂಜಲ್​​ಗಿದು ಕನಸು ನನಸಾದ ಕ್ಷಣ

ಮುಂಬೈ: ಜುಲೈ 20 ರಂದು ಬ್ಲೂ ಒರಿಜಿನ್ ಸಂಸ್ಥಾಪಕ ಜೆಫ್ ಬೆಜೋಸ್ ಮತ್ತು ಇತರ ಮೂವರನ್ನು ಬಾಹ್ಯಾಕಾಶಕ್ಕೆ ಕೊಂಡೊಯ್ಯುವ ಬ್ಲೂ ಆರಿಜಿನ್ ನ ಸಬೋರ್ಬಿಟಲ್ ಬಾಹ್ಯಾಕಾಶ ರಾಕೆಟ್ ನ್ಯೂ ಶೆಫರ್ಡ್ ಅನ್ನು ನಿರ್ಮಿಸಿದ ಎಂಜಿನಿಯರ್‌ಗಳ ತಂಡದಲ್ಲಿ ಮಹಾರಾಷ್ಟ್ರದ 30 ವರ್ಷದ ಮಹಿಳೆ ಇದ್ದಾರೆ. ಆಕೆಯ ಹೆಸರು ಸಂಜಲ್ ಗವಾಂಡೆ. ಮಹಾರಾಷ್ಟ್ರದ ಕಲ್ಯಾಣ್ ನಲ್ಲಿ ಜನಿಸಿದ ಸಂಜಲ್ ಬಾಲ್ಯದಲ್ಲಿಯೇ ಗಗನನೌಕೆ ನಿರ್ಮಿಸುವ ಕನಸು ಕಂಡಿದ್ದರು. ನನ್ನ ಬಾಲ್ಯದ ಕನಸು ನನಸಾಗಿದ್ದಕ್ಕೆ ತುಂಬಾ ಸಂತೋಷವಾಗಿದೆ. ಟೀಮ್ ಬ್ಲೂ ಒರಿಜಿನ್ ನ ಭಾಗವಾಗಲು ನನಗೆ ಹೆಮ್ಮೆ ಅನಿಸುತ್ತಿದೆ ಎಂದು ಗವಾಂಡೆ ಯುಎಸ್ ನಿಂದ ದೂರವಾಣಿ ಕರೆ ಮೂಲಕ ತಿಳಿಸಿದ್ದಾರೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.

ಸಂಜಲ್ ಗವಾಂಡೆ ಕಲ್ಯಾಣ್-ಡೊಂಬಿವಿಲಿ ಮುನ್ಸಿಪಲ್ ಕಾರ್ಪೋರೇಶನ್‌ನ ನಿವೃತ್ತ ಉದ್ಯೋಗಿ ಅಶೋಕ್ ಗವಾಂಡೆ ಮತ್ತು ನಿವೃತ್ತ ಎಂಟಿಎನ್‌ಎಲ್ ಉದ್ಯೋಗಿ ಸುರೇಖಾ ಅವರ ಪುತ್ರಿ. ಮಗಳಿಗೆ ಬಾಲ್ಯದಲ್ಲಿಯೇ ಅಂತರಿಕ್ಷ ಬಗ್ಗೆ ಅತೀವ ಆಸಕ್ತಿ ಇತ್ತು ಅಂತಾರೆ ಸುರೇಖಾ.

ಮುಂಬೈ ವಿಶ್ವವಿದ್ಯಾಲಯದಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಮುಗಿಸಿದ ನಂತರ, ಸಂಜಲ್ ಗವಾಂಡೆ ಮಿಶಿಗನ್ ಟೆಕ್ನಾಲಜಿಕಲ್ ಯೂನಿವರ್ಸಿಟಿಯಲ್ಲಿ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಪಡೆಯಲು ಅಮೆರಿಕಾಗೆ ತೆರಳಿದರು. “ಅವರು ವಿಸ್ಕಾನ್ಸಿನ್‌ನಲ್ಲಿ ಮಾಸ್ಟರ್ಸ್ ಮುಗಿಸಿದ ನಂತರ ಮರ್ಕ್ಯುರಿ ಮೆರೈನ್‌ನೊಂದಿಗೆ ಕೆಲಸ ಮಾಡಿದರು. ನಂತರ ಅವರು ಕ್ಯಾಲಿಫೋರ್ನಿಯಾದ ಆರೆಂಜ್ ಸಿಟಿಯಲ್ಲಿ ಟೊಯೋಟಾ ರೇಸಿಂಗ್ ಡೆವಲೆಪ್ ಮೆಂಟ್ ಗೆ ಕೆಲಸ ಮಾಡಲು ಹೋದರು” ಎಂದು ಆಕೆಯ ತಂದೆ ಅಶೋಕ್ ಗವಾಂಡೆ ಇಂಡಿಯಾ ಟುಡೆಗೆ ತಿಳಿಸಿದ್ದಾರೆ.

2016 ರಲ್ಲಿ ಪೈಲಟ್ ಪರವಾನಗಿ ಪಡೆದ ನಂತರ, ಗವಾಂಡೆ ನಾಸಾದಲ್ಲಿ ಕೆಲಸಕ್ಕೆ ಅರ್ಜಿ ಸಲ್ಲಿಸಿದರು. ಆದರೆ ಪೌರತ್ವ ಸಮಸ್ಯೆಗಳಿಂದಾಗಿ ಅವರನ್ನು ಆಯ್ಕೆ ಮಾಡಲಾಗಿಲ್ಲ ಎಂದು ಅವರ ತಾಯಿ ಹೇಳಿದ್ದಾರೆ. ಅಡೆತಡೆಯಿಲ್ಲದ ಅವಳು ನಂತರ ಬ್ಲೂ ಒರಿಜಿನ್‌ನಲ್ಲಿ ಕೆಲಸಕ್ಕೆ ಅರ್ಜಿ ಸಲ್ಲಿಸಿದಳು ಮತ್ತು ಸಿಸ್ಟಮ್ಸ್ ಎಂಜಿನಿಯರ್ ಆಗಿ ಆಯ್ಕೆಯಾದಳು.

“ಅವಳು ಹೆಣ್ಣು, ಅವಳು ಅವಳು ಯಾಕೆ ಮೆಕ್ಯಾನಿಕಲ್ ಎಂಜಿನಿಯರಿಂಗ್ ಅನ್ನು ಆರಿಸಿಕೊಂಡಿದ್ದಾಳೆ? ಎಂದು ಜನರು ಕೇಳುತ್ತಿದ್ದರು. ಅಂತಹ ಕಠಿಣ ಪರಿಶ್ರಮವನ್ನು ನಿಭಾಯಿಸಲು ಆಕೆಗೆ ಸಾಧ್ಯವಾಗುತ್ತದೆಯೇ ಎಂಬ ಬಗ್ಗೆಯೂ ನಾನು ಕೆಲವೊಮ್ಮೆ ಯೋಚಿಸುತ್ತಿದ್ದೆ. ಅವಳು ಈಗ ನಾವೆಲ್ಲರೂ ಹೆಮ್ಮೆಪಡುವಂತೆ ಮಾಡಿದ್ದಾಳೆ. ಏರೋಸ್ಪೇಸ್ ರಾಕೆಟ್‌ಗಳ ವಿನ್ಯಾಸ ಅವಳ ಕನಸಾಗಿತ್ತು ಅವಳು ಅದನ್ನು ಸಾಧಿಸಿದ್ದಾಳೆ ”ಎಂದು ಗವಾಂಡೆ ಅವರ ತಾಯಿ ಹೆಮ್ಮೆಯಿಂದ ಹೇಳುತ್ತಾರೆ.

ಇದನ್ನೂ ಓದಿ:Jeff Bezos: ಅಮೆಜಾನ್ ಸಿಇಒ ಹುದ್ದೆಯಿಂದ ಕೆಳಗಿಳಿದ ಜಗತ್ತಿನ ನಂಬರ್ ಒನ್ ಶ್ರೀಮಂತ ಜೆಫ್ ಬೆಜೋಸ್; ಪಿಕ್ಚರ್ ಅಭೀ ಬಾಕಿ ಹೈ 

(Sanjal Gavande 30-year-old woman from Maharashtra art Of Jeff Bezos Team Blue Origin)