Viral Video: ಹಗ್ಗ ಬಿಚ್ಚಿ ಕೋತಿಯನ್ನು ರಕ್ಷಿಸಿದವನನ್ನೇ ಅನುಮಾನಿಸಿದ ನೆಟ್ಟಿಗರು; ನೀವೇನಂತೀರಿ?
Animals: ಈ ಕೋತಿಯನ್ನು ಈ ವ್ಯಕ್ತಿ ರಕ್ಷಿಸಿದ್ದಾರೆ. ಆದರೆ ಕೆಲವರು ರೀಲಿಗಾಗಿ ಹೀಗೆಲ್ಲ ಮಾಡುತ್ತಾರೆ ಎಂದಿದ್ದಾರೆ. ಅನುಮಾನದ ರೋಗವಿದ್ದರೆ ಹೀಗೇ ಆಗುವುದು, ಮಾನವೀಯತೆ ಬಗ್ಗೆ ಅರಿವಿಲ್ಲದವರು ಮಾತ್ರ ಹೀಗೆಲ್ಲ ಪ್ರತಿಕ್ರಿಯಿಸುತ್ತಾರೆ ಎಂದು ಇನ್ನೂ ಕೆಲವರು ಹೇಳಿದ್ದಾರೆ. ಈ ವಿಡಿಯೋ ನೋಡಿದರೆ ನಿಮ್ಮಿಂದ ಏನು ಅಭಿಪ್ರಾಯ ಹೊಮ್ಮುತ್ತದೆ ಎಂಬ ಕುತೂಹಲ ನಮ್ಮದು.
Monkey Lover: ಕೋತಿ ಎಂದಮೇಲೆ ತುಂಟತನ ಅದರ ಜನ್ಮ ಸಿದ್ಧ ಹಕ್ಕು. ಆದರೆ ಅದು ಕಾಲಿಗೆ ಹಗ್ಗ ಕಟ್ಟಿಸಿಕೊಳ್ಳುವಂಥ ತಪ್ಪನ್ನು ಏನು ಮಾಡಿತ್ತೋ ಏನೋ. ಅಷ್ಟೇ ಅಲ್ಲ ನಿರ್ಜನ ಪ್ರದೇಶದಲ್ಲಿ ಅದನ್ನು ಬಿಟ್ಟು ಬೇರೆ ಹೋಗಿದ್ದಾರೆ. ಅಂತೂ ಅದು ಪ್ರಾಣಿಪ್ರಿಯರೊಬ್ಬರ (Animal Lover) ಕಣ್ಣಿಗೆ ಬಿದ್ದಿದೆ. ಎರಡೂ ಕಾಲುಗಳಿಗೆ ಕಟ್ಟಿದ್ದ ಹಗ್ಗವನ್ನು ಬಿಚ್ಚಿ ಅದನ್ನು ಪಾರು ಮಾಡಿದ್ದಾರೆ. ಕುಡಿಯಲು ನೀರು ಕೊಟ್ಟಿದ್ದಾರೆ. ಕಾಡಿನಲ್ಲೇ ಅದು ಮರೆಯಾಗಬಹುದೆಂದು ಕಾಯ್ದಿದ್ದಾರೆ. ಆದರೆ ಅದು ಅವರೊಂದಿಗೆ ನಡೆದುಕೊಂಡು ಬಂದಿದೆ. ಕೊನೆಗೊಂದು ಕಡೆ ಕುಳಿತಾಗ ಅವರ ಮಡಿಲನ್ನೂ ಏರಿ ಕುಳಿತಿದೆ.
ಇದನ್ನೂ ಓದಿ : Viral Video: ಡ್ಯಾನ್ಸಿಂಗ್ ದಾದೀ; ‘ಖಲಾಸೀ’ಗೆ ನರ್ತಿಸಿ ನವರಾತ್ರಿ ರಂಗೇರಿಸಿದ್ದ 65ರ ಅಜ್ಜಿಯ ವಿಡಿಯೋ ವೈರಲ್
ಸೆಪ್ಟೆಂಬರ್ 5ರಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾದ ಈ ವಿಡಿಯೋವನ್ನು ಈತನಕ 5 ಲಕ್ಷಕ್ಕಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಮಾನವೀಯತೆಯ ಈ ದೃಶ್ಯವನ್ನು ನೋಡಿ ಶ್ಲಾಘಿಸಿದ್ದಾರೆ. ಇನ್ನೂ ಕೆಲವರು ಇವರು ವಿಡಿಯೋಗಾಗಿಯೇ ಹೀಗೆಲ್ಲ ಮಾಡುತ್ತಾರೆ ಎಂದೆನ್ನಿಸುತ್ತದೆ ಎಂದಿದ್ದಾರೆ.
ಇಲ್ಲಿದೆ ಕೋತಿಗೆ ಸಹಾಯ ಮಾಡುತ್ತಿರುವ ವಿಡಿಯೋ
ಪ್ರಾಣಿ ಮಕ್ಕಳನ್ನು ಹಿಂಸೆ ಮಾಡುವ ಜನರಿಗೆಂದೇ ನರಕದಲ್ಲಿ ವಿಶೇಷ ಜಾಗವಿದೆ. ನೀವು ಈ ಮಗುವನ್ನು ಬದುಕಿಸಿದಿರಿ ನಿಮಗೆ ಒಳ್ಳೆಯದಾಗಲಿ ಎಂದಿದ್ದಾರೆ ಒಬ್ಬರು. ಯಾಕೆ ಜನರು ಹೀಗೆ ವಿಕೃತಿಯನ್ನು ಮೆರೆಯುತ್ತಾರೋ ಕಾಣೆ, ಅಂತೂ ಕೆಲವರಿಗಾದರೂ ದಯೆ ಕರುಣೆ ಇದೆಯಲ್ಲ ಸಾಕು ಎಂದಿದ್ದಾರೆ ಇನ್ನೊಬ್ಬರು. ಈ ಮನುಷ್ಯನೇ ಈ ಕೋತಿಗೆ ಹಗ್ಗ ಕಟ್ಟಿ ಕ್ಯಾಮೆರಾ ಎದುರು ಬಿಚ್ಚುತ್ತಿದ್ದರೆ? ಈ ವ್ಯಕ್ತಿಯನ್ನು ನಂಬುವುದು ಹೇಗೆ? ಎಂದಿದ್ದಾರೆ ಮತ್ತೊಬ್ಬರು. ನಂಬಿಕೆ ಎನ್ನುವುದು ಇರಬೇಕು, ಎಲ್ಲವನ್ನೂ ಅನುಮಾನಿಸುತ್ತೀರಾದರೆ ನಿಮಗೆ ಏನೋ ಸಮಸ್ಯೆ ಇದೆ ಎಂದರ್ಥ ಎಂದು ಮಗದೊಬ್ಬರು ಹೇಳಿದ್ದಾರೆ.
ಇದನ್ನೂ ಓದಿ : Viral Video: ‘ನನ್ನ ಮಕ್ಕಳನ್ನು ಕರೆದುಕೊಂಡು ಬಂದಿದ್ದೇನೆ ನೋಡುಬಾ’ ಜಿಂಕೆ ನಾಯಿಗೆ ಕರೆದಾಗ
ಹನುಮಂತನನ್ನು ಬಂಧಿಸಿದವರಿಗೆ ಶಿಕ್ಷೆ ಕಾದಿದೆ ಎಂದಿದ್ದಾರೆ ಒಬ್ಬರು. ರಾಮನು ಈ ಮನುಷ್ಯನ ರೂಪದಲ್ಲಿ ಬಂದು ಹನುಮಂತನನ್ನು ರಕ್ಷಿಸಿದ್ದಾನೆ ಎಂದಿದ್ದಾರೆ ಇನ್ನೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ