Viral Video: ಡ್ಯಾನ್ಸಿಂಗ್ ದಾದೀ; ‘ಖಲಾಸೀ’ಗೆ ನರ್ತಿಸಿ ನವರಾತ್ರಿ ರಂಗೇರಿಸಿದ್ದ 65ರ ಅಜ್ಜಿಯ ವಿಡಿಯೋ ವೈರಲ್
Viral Dance: ರವಿ ಬಾಲಾ ಶರ್ಮಾ ಈ ಅಜ್ಜಿ ನೆಟ್ಟಿಗರಿಗೆ ಅಚ್ಚುಮೆಚ್ಚು. ಅಜ್ಜಿ ಮತ್ತೆ ಹೊಸ ರೀಲ್ ಯಾವಾಗ ಪೋಸ್ಟ್ ಮಾಡ್ತಾರೆ ಅಂತ ನೆಟ್ಟಿಗರು ಕಾಯ್ತಾ ಇರ್ತಾರೆ. ಇವರ ಡ್ಯಾನ್ಸ್ ರೀಲ್ಗಳು ವೈರಲ್ ಆಗುತ್ತಲೇ ಇರುತ್ತವೆ. ಇದೀಗ ಖಲಾಸಿ ಹಾಡಿಗೆ ಇವರು ಡ್ಯಾನ್ಸ್ ಮಾಡಿದ್ದು ಮತ್ತೆ ವೈರಲ್ ಆಗಿದೆ ಇವರ ರೀಲ್. ನೀವು ಇವರ ವಿಡಿಯೋ ನೋಡಬೇಕಾ? ಬನ್ನಿ ಹಾಗಿದ್ದರೆ...
Updated on:Nov 08, 2023 | 1:29 PM
Dance: 65 ವರ್ಷದ ರವಿ ಬಾಲಾ ಶರ್ಮಾ ನೆಟ್ಟಿಗರ ಕಣ್ಮಣಿ. ಡ್ಯಾನ್ಸಿಂಗ್ ದಾದೀ ಎಂದೇ ಪರಿಚಿತರು. ಅವರು ಮಾಡುವ ಡ್ಯಾನ್ಸ್ ರೀಲ್ಗಳು ಆಗಾಗ ವೈರಲ್ ಆಗುತ್ತಿರುತ್ತವೆ. ಅವರ ಉತ್ಸಾಹ ಮತ್ತು ನೃತ್ಯಕೌಶಲವನ್ನು ಕೊಂಡಾಡುವ ಸಾವಿರಾರು ಅಭಿಮಾನಿಗಳು ಅವರ ಹೊಸ ರೀಲ್ಗಾಗಿ (New Reel) ಕಾಯುತ್ತಿರುತ್ತಾರೆ. ನವರಾತ್ರಿ ಸಮಯದಲ್ಲಿ ಕೋಕ್ ಸ್ಟುಡಿಯೋದ ‘ಖಲಾಸಿ’ ಹಾಡಿಗೆ ಗರ್ಭಾ ನೃತ್ಯವನ್ನು ಪ್ರಸ್ತುತಪಡಿಸಿದ್ದಾರೆ ಈ ಅಜ್ಜಿ. ಹಳದಿ ಬಣ್ಣದ ಉಡುಪಿನಲ್ಲಿ ಅತ್ಯಂತ ಮೋಹಕವಾಗಿ ಕಂಗೊಳಿಸಿದ್ದಾರೆ ನೆಟ್ಟಿಗರು ಆಹಾ ಅದ್ಭುತ ಎಂದು ಹುರಿದುಂಬಿಸಿದ್ದಾರೆ.
ಇದನ್ನೂ ಓದಿ : Viral Video: ‘ಕಬ್ಬಿನ ಟೋಲ್’ ಇಲ್ಲಿಯ ಆನೆಗಳಿಗೆ ಕೇಳಿ ಪಡೆಯುವ ಸುಖ ಗೊತ್ತು
ಅಕ್ಟೋಬರ್ 15 ರಂದು ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈತನಕ ಎಂಟು ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ನೋಡಿದ್ದಾರೆ. ನಯನಮನೋಹರವಾದ ಈ ನೃತ್ಯವನ್ನು ಅನೇಕರು ಶ್ಲಾಘಿಸಿದ್ದಾರೆ. ನಿಮ್ಮ ಶಕ್ತಿ ನಿಜಕ್ಕೂ ಅದ್ಭುತ ಎಂದಿದ್ದಾರೆ ಒಬ್ಬರು. ನೀವು ಸ್ಫೂರ್ತಿಯ ಗಣಿ ಎಂದಿದ್ದಾರೆ ಇನ್ನೊಬ್ಬರು. ಸೂಪರ್ ದಾದೀಮಾ ಎಂದಿದ್ದಾರೆ ಮತ್ತೊಬ್ಬರು.
ಇಲ್ಲಿದೆ ಅಜ್ಜಿಯ ಡ್ಯಾನ್ಸ್
View this post on Instagram
ನೀವು ನೋಡಲು ಬಹಳ ಸುಂದರವಾಗಿದ್ದೀರಿ, ವಯಸ್ಸು ಎನ್ನುವುದು ಕೇವಲ ಅಂಕಿ ಸಂಖ್ಯೆ ಎನ್ನುವುದನ್ನು ನಿರೂಪಿಸಿದ್ದೀರಿ ಎಂದಿದ್ದಾರೆ ಒಬ್ಬರು. ನಿಮಗೆ ವಯಸ್ಸೇ ಆಗುವುದಿಲ್ಲ, ಯುವತಿಯರೂ ಕೂಡ ನಾಚುವಂತೆ ನರ್ತಿಸುತ್ತೀರಿ ಎಂದಿದ್ದಾರೆ ಇನ್ನೊಬ್ಬರು. ನನಗೂ ಈಗ ಈ ಹಾಡಿಗೆ ಡ್ಯಾನ್ಸ್ ಮಾಡಬೇಕು ಅನ್ನಿಸುತ್ತಿದೆ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral Brain Teaser: ಈ ಮೋಜಿನ ಗಣಿತದೊಂದಿಗೆ ನಿಮ್ಮ ದಿನವನ್ನು ಆರಂಭಿಸಿ
ಖಲಾಸಿ ಹಾಡನ್ನು ಅಚಿಂತ್ ನಿರ್ಮಿಸಿದ್ದಾರೆ ಮತ್ತು ಸಂಯೋಜಿಸಿದ್ದಾರೆ, ಸೌಮ್ಯ ಜೋಶಿ ಈ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ಆದಿತ್ಯ ಗಾದ್ವಿ ಈ ಹಾಡನ್ನು ಹಾಡಿದ್ದಾರೆ. ಈ ಹಾಡು ಸದ್ಯದಲ್ಲಿ ಟ್ರೆಂಡಿಂಗ್ನಲ್ಲಿದ್ದು ಸಿನೆಮಾ ತಾರೆಯರು, ರೀಲಿಗರು ಮತ್ತು ವೃತ್ತಿಪರ ನೃತ್ಯ ಕಲಾವಿದರು ಡ್ಯಾನ್ಸ್ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಅಪ್ಲೋಡ್ ಮಾಡಿದ್ದಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 1:24 pm, Wed, 8 November 23
