Viral Video: ನವಿಲಿಗೆ ಕೈಯಾರೆ ಕಾಳು ತಿನ್ನಿಸಿದ ತರಕಾರಿ ಮಾರುವ ಮಹಿಳೆ; ವೈರಲ್ ವಿಡಿಯೋಗೆ ಭಾರೀ ಮೆಚ್ಚುಗೆ

ಸಾಮಾಜಿಕ ಜಾಲತಾಣಗಳಲ್ಲಿ ಬಹಳ ಆ್ಯಕ್ಟಿವ್ ಆಗಿರುವ ಆನಂದ್ ಮಹೀಂದ್ರಾ ಆಗಾಗ ತಮಗೆ ಬಹಳ ಇಷ್ಟವಾದ, ಪ್ರೇರಣೆ ನೀಡುವಂತಹ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಇದೀಗ ಆನಂದ್ ಮಹೀಂದ್ರಾ ಹಂಚಿಕೊಂಡಿರುವ ಭಾವನಾತ್ಮಕವಾದ ಹೊಸ ವಿಡಿಯೋ ಟ್ವಿಟ್ಟಿಗರ ಮನ ಗೆದ್ದಿದೆ. ತರಕಾರಿ ಮಾರುವ ಹೆಂಗಸೊಬ್ಬರು ತಾನೇ ಕೈಯಾರೆ ನವಿಲಿಗೆ ಕಾಳು ತಿನ್ನಿಸುತ್ತಿರುವ ಈ ವಿಡಿಯೋ ನೋಡಿ ಖುಷಿಯಾಗಿರುವ ಆನಂದ್ ಮಹೀಂದ್ರಾ ಆ ವಿಡಿಯೋವನ್ನು ತಮ್ಮ ಪೇಜಿನಲ್ಲಿ ಹಂಚಿಕೊಂಡಿದ್ದಾರೆ.

ಪ್ರತಿದಿನವೂ ನವಿಲಿಗೆ ಕಾಳು ತಿನ್ನಿಸುವ ತರಕಾರಿ ಮಾರುವ ಹೆಂಗಸಿನ ಮಾತೃಹೃದಯಕ್ಕೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಆನಂದ್ ಮಹೀಂದ್ರಾ ಶೇರ್ ಮಾಡಿರುವ ಈ ವಿಡಿಯೋ ಈಗಾಗಲೇ 10 ಲಕ್ಷಕ್ಕೂ ಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟಿದೆ. 56 ಸೆಕೆಂಡ್​ಗಳ ಈ ವಿಡಿಯೋದಲ್ಲಿ ತರಕಾರಿಗಳ ಮಧ್ಯೆ ಕುಳಿತಿರುವ ಹೆಂಗಸು ತನ್ನ ಬಳಿ ನಡೆದುಕೊಂಡು ಬರುವ ನವಿಲಿಗೆ ಕಾಳು ತಿನ್ನಿಸತೊಡಗುತ್ತಾಳೆ. ಆ ಮಹಿಳೆಯೊಂದಿಗೆ ಬಹಳ ಆತ್ಮೀಯತೆ ಹೊಂದಿರುವ ಆ ನವಿಲು ಯಾವುದೇ ಭಯವಿಲ್ಲದೆ, ಹಿಂಜರಿಕೆಯಿಲ್ಲದೆ ಧೈರ್ಯವಾಗಿ ಆಕೆಯ ಪಕ್ಕದಲ್ಲಿ ನಿಂತು ಕಾಳು ತಿನ್ನುತ್ತದೆ. ಪ್ರತಿದಿನವೂ ಆ ಜಾಗಕ್ಕೆ ಬರುವ ನವಿಲಿಗೆ ಆ ಹೆಂಗಸು ಕಾಳು ತಿನ್ನಿಸುತ್ತಾಳೆ ಎಂಬುದನ್ನು ಆಕೆ ಹೇಳಿಕೊಂಡಿದ್ದಾಳೆ.

ಮಾನವೀಯತೆ ಇನ್ನೂ ಉಳಿದಿದೆ ಎಂದು ತೋರಿಸಲೆಂದೇ ಕೆಲವೊಮ್ಮೆ ನಮ್ಮ ನಡುವೆ ಇಂತಹ ದೃಶ್ಯಗಳು ಕಣ್ಮುಂದೆ ಬರುತ್ತವೆ ಎಂದು ಆನಂದ್ ಮಹೀಂದ್ರಾ ಖುಷಿಯಿಂದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ಭಾರತದ ರಾಷ್ಟ್ರಪಕ್ಷಿಗೆ ಭಾರತಮಾತೆ ಊಟ ಮಾಡಿಸುತ್ತಿದ್ದಾಳೆ ಎಂದು ಕೆಲವರು ಟ್ವಿಟ್ಟರ್​ನಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: Viral Video: ಕಂಠಪೂರ್ತಿ ಕುಡಿದು ನಡುರಸ್ತೆಯಲ್ಲೇ ಯೋಗಾಸನ ಮಾಡಿದ ಯುವತಿ; ಶಾಕಿಂಗ್ ವಿಡಿಯೋ ಇಲ್ಲಿದೆ

Shocking News: ಮನುಷ್ಯರ ಮೂತ್ರದಿಂದ ತಯಾರಾದ ಬಿಯರ್​ಗೆ ಭಾರೀ ಬೇಡಿಕೆ; ಏನಿದು ವಿಚಿತ್ರ ಸುದ್ದಿ?

( Anand Mahindra shares viral video of woman vegetable vendor feeding a peacock by Hand)