Viral Video: ರಾಖಿ ಕಟ್ಟಿದವನನ್ನೇ ಕಚ್ಚಿ ಕೊಂದ ಹಾವುಗಳು!; ಈ ವಿಡಿಯೋ ನೋಡಿದರೆ ಬೆಚ್ಚಿ ಬೀಳ್ತೀರಿ

ರಕ್ಷಾಬಂಧನದ ದಿನ ಅಣ್ಣ, ತಮ್ಮಂದಿರಿಗೆ ರಾಖಿ ಕಟ್ಟುವುದು ಭಾರತೀಯರ ಸಂಸ್ಕೃತಿ. ಸಹೋದರರಿಗೆ ರಾಖಿ ಕಟ್ಟಿ, ಸಿಹಿ ತಿನ್ನಿಸುವ ಮೂಲಕ ಜೀವನಪೂರ್ತಿ ತಮಗೆ ರಕ್ಷೆ ನೀಡುವಂತೆ ಸೋದರಿಯರು ಕೇಳಿಕೊಳ್ಳುವ ದಿನವಿದು. ಈಗೀಗ ಮನೆಯಲ್ಲಿ ತಮಗೆ ರಕ್ಷಣೆ ನೀಡುವ, ಸೋದರರಂತೆ ಜೊತೆಗಿರುವ ನಾಯಿ, ಬೆಕ್ಕುಗಳಿಗೆ ಕೂಡ ಜನರು ರಾಖಿ ಕಟ್ಟುವ ಸಂಪ್ರದಾಯ ಶುರುವಾಗಿದೆ. ಆದರೆ, ಇಲ್ಲೊಬ್ಬ ಆಸಾಮಿ ವಿಷಕಾರಿ 2 ಹಾವುಗಳಿಗೆ ರಾಖಿ ಕಟ್ಟಿದ್ದಾನೆ. ಹಾವುಗಳಿಗೆ ರಾಖಿ ಕಟ್ಟಿದ ಮರುಕ್ಷಣವೇ ವಿಷ ಕಾರಿ ಸಾವನ್ನಪ್ಪಿದ್ದಾನೆ. ಈ ಭಯಾನಕ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಭಾರತದಲ್ಲಿ ಕಳೆದ 20 ವರ್ಷಗಳಲ್ಲಿ 12 ಲಕ್ಷ ಜನರು ಹಾವು ಕಚ್ಚಿ ಸಾವನ್ನಪ್ಪಿದ್ದಾರೆ. ಅಂದರೆ, ವರ್ಷಕ್ಕೆ 58,000 ಜನರು ಹಾವು ಕಚ್ಚಿದ ಕಾರಣಕ್ಕೆ ಸಾವನ್ನಪ್ಪುತ್ತಿದ್ದಾರೆ. ಆದರೆ, ಹಾವು ಕಚ್ಚಿ ಸಾವನ್ನಪ್ಪಿರುವ ಬಿಹಾರದ ಈ ವ್ಯಕ್ತಿಯ ಸುದ್ದಿ ಈಗ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. ಯಾಕೆಂದರೆ ಈತ ಮಹಾನ್ ಸಾಧನೆ ಮಾಡುತ್ತೇನೆಂದು ಹಾವುಗಳನ್ನು ಹಿಡಿದು ಅದಕ್ಕೆ ರಾಖಿ ಕಟ್ಟಿ, ಅದೇ ಹಾವುಗಳಿಂದ ಸಾವನ್ನಪ್ಪಿದ್ದಾನೆ!

ಬಿಹಾರ ರಾಜ್ಯದ ಸರನ್ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ವೈರಲ್ ಆಗಿರುವ ವಿಡಿಯೋದಲ್ಲಿ ಮನಮೋಹನ್ ಎಂಬ ಬಿಹಾರಿ ವ್ಯಕ್ತಿ ಈ ಬಾರಿ ರಕ್ಷಾಬಂಧನವನ್ನು ವಿಭಿನ್ನವಾಗಿ ಆಚರಣೆ ಮಾಡಲು ನಿರ್ಧರಿಸಿದ್ದ. ಹೀಗಾಗಿ, ಎರಡು ಹಾವುಗಳನ್ನು ಮನೆಗೆ ತಂದ ಆತ ತನಗೆ ರಕ್ಷಣೆ ನೀಡು ಎಂದು ಆ ಹಾವುಗಳಿಗೆ ರಾಖಿ ಕಟ್ಟಿದ್ದ. ಆದರೆ, ಅದಾದ ಕೆಲವೇ ಸೆಕೆಂಡುಗಳಲ್ಲಿ ಒಂದು ಹಾವು ಆತನ ಕೈಗೆ ಕಚ್ಚಿದ್ದರಿಂದ ಆತ ವಿಷ ಕಾರಿ ಸಾವನ್ನಪ್ಪಿದ್ದಾನೆ. ವಿಭಿನ್ನವಾಗಿ ರಕ್ಷಾಬಂಧನ ಆಚರಿಸಲು ಹೋದ ವ್ಯಕ್ತಿ ಇಹಲೋಕವನ್ನೇ ತ್ಯಜಿಸಿದ್ದಾನೆ.

25 ವರ್ಷದ ಮನಮೋಹನ್ ಹಾವಿನಿಂದ ಕಚ್ಚಿಸಿಕೊಂಡು ಸಾವನ್ನಪ್ಪಿದಾತ. ಎರಡೂ ಹಾವಿನ ಬಾಲವನ್ನು ಹಿಡಿದು ಮನೆಯವರ ಬಳಿ ವಿಡಿಯೋ ಮಾಡಲು ಹೇಳಿದ್ದ ಆತ ಈ ವಿಭಿನ್ನವಾದ ರಕ್ಷಾಬಂಧನದ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಅಪ್​ಲೋಡ್ ಮಾಡಲು ಯೋಚಿಸಿದ್ದ. ಎರಡು ಹಾವನ್ನು ಹಿಡಿದು ಒಂದು ಹಾವಿಗೆ ರಾಖಿ ಕಟ್ಟಿದ ಕೂಡಲೇ ಆತ ತಮಗೇನೋ ಅಪಾಯ ಮಾಡುತ್ತಿದ್ದಾನೆ ಎಂದು ಭಾವಿಸಿದ ಇನ್ನೊಂದು ಹಾವ ಆತ ತನಗೆ ರಾಖಿ ಕಟ್ಟುತ್ತಿದ್ದಂತೆ ಆತನ ಕೈಗೆ ಕಚ್ಚಿದೆ. ತಕ್ಷಣ ಆತನನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಯಿತು. ಆದರೆ, ಅಷ್ಟರಲ್ಲಿ ಆತನಿಗೆ ವಿಷವೇರಿ ಸಾವನ್ನಪ್ಪಿದ್ದಾನೆ.

ಇದನ್ನೂ ಓದಿ: Shocking Video: ಮೈಕೆಲ್ ಜಾಕ್ಸನ್ ದೆವ್ವವನ್ನೇ ಮದುವೆಯಾದ ಮಹಿಳೆ; ಥ್ರಿಲ್ಲಿಂಗ್ ಲವ್ ಸ್ಟೋರಿ ಇಲ್ಲಿದೆ

Viral News: ಬೆಕ್ಕಿಗಾಗಿಯೇ ಈ ಬಂಗಲೆಯಲ್ಲಿದೆ ಎಸಿ ರೂಂ, ಬೆಡ್, ಕಾರ್ಟೂನ್ ಥಿಯೇಟರ್!

(Viral Video: Bihar Man Ties Rakhi to Snakes on Raksha Bandhan Dies After Snake Bites Him watch Shocking Video)