ಹಿಮನಾಡಿನ ಈ ಬಿಲ್ಲುಗಾರ್ತಿ ಉರಿಬಾಣವನ್ನು ಕಾಳ್ಬೆರಳಿನಿಂದ ಹೊಡೆದಾಗ
Archer : ಎಂಥ ಗುರಿ! ಹೆಣ್ಣು ಎಂದರೆ ಹೀಗಿರಬೇಕು, ಜಾಣತನವೂ ಮಾದಕತೆಯೂ ಸಾಧನೆಯೂ... ಒರಿಸ್ಸಾ ಕೆಲ್ಲಿ ತಲೆಕೆಳಗಾಗಿ ನಿಂತು ಕಾಲ್ಬೆರಳಿನಿಂದ ಬಾಣ ಹೊಡೆಯುವ ರೀತಿಗೆ ನೆಟ್ಟಿಗರು ಶರಣಾಗುತ್ತಿದ್ಧಾರೆ.
Viral Video : ಸಾಮಾಜಿಕ ಜಾಲತಾಣಗಳಲ್ಲಿ ಈ ಹಿಮಗಾಲದ್ದೇ ಹಾವಳಿ. ಅನೇಕರು ಸಾಹಸಮಯ ಪ್ರದರ್ಶನಗಳನ್ನು ವಿಡಿಯೋ ಮಾಡಿ ಅಪ್ಲೋಡ್ ಮಾಡುತ್ತ ಬದುಕಿಗೆ ಉತ್ಸಾಹವನ್ನು ತುಂಬಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ಹಿಮನೀರಿನಲ್ಲಿ ಸ್ನಾನ ಮಾಡಿ ಮಳುಗು ಹೊಡೆದು ಕಾಫಿ ಕುಡಿದ ತರುಣಿಯ ವಿಡಿಯೋ ವೈರಲ್ ಆಗಿದ್ದನ್ನು ನೋಡಿರಬಹುದು. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿ, ಈ ತರುಣಿ ಹಿಮನಾಡಿನಲ್ಲಿ ಬಿಲ್ಲುಗಾರಿಕೆ ಮಾಡುತ್ತಿದ್ದಾಳೆ. ಅಂಥಾ ಏನು ವಿಶೇಷ ಇದೆ ಇದರಲ್ಲಿ ಎಂದು ಯೋಚಿಸುತ್ತಿದ್ದೀರಾ? ಈ ವಿಡಿಯೋ ನೋಡಿ, ವಾವ್! ಎಂಬ ಉದ್ಗಾರ ಬಾರದೇ ಇರದು ನಿಮ್ಮಿಂದ.
ಒರಿಸ್ಸಾ ಕೆಲ್ಲಿ ಎಂಬ ಬಿಲ್ಲು ಪರಿಣತಿ ಹೊಂದಿದ ಈಕೆ ಬಾಣಕ್ಕೆ ಲೈಟರ್ನಿಂದ ಬೆಂಕಿ ಹೊತ್ತಿಸುತ್ತಾಳೆ. ನಂತರ ಹ್ಯಾಂಡ್ಸ್ಟ್ಯಾಂಡ್ ಮೇಲೆ ತಲೆಕೆಳಗಾಗಿ ನಿಲ್ಲುತ್ತಾಳೆ. ಕಾಲಬೆರಳಿನಲ್ಲಿ ಹಿಡಿದುಕೊಂಡ ಬಾಣವನ್ನು ಗುರಿ ಇಟ್ಟು ಹೊಡೆಯುತ್ತಾಳೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವ ಈಕೆಯ ಜಾಣ್ಮೆಯನ್ನು ನೋಡಿದ ನೆಟ್ಟಿಗರು ಬೆರಗಾಗುತ್ತಿದ್ದಾರೆ.
ಇದನ್ನೂ ಓದಿ : ರಾಮೆನ್ ಥಣ್ಣಗಾಗಿದ್ದಾನೆ! ಚಮಚ ಸಮೇತ ಹಿಮಗಟ್ಟಿದ ನೂಡಲ್ಸ್ ವಿಡಿಯೊ ವೈರಲ್
ಈಗಾಗಲೇ ಈ ವಿಡಿಯೋ ಅನ್ನು ಮೂರು ಮಿಲಿಯನ್ ಜನರು ನೋಡಿದ್ದಾರೆ. ಕತ್ತಲೆಯಲ್ಲಿ ನನ್ನ ಕಾಲುಗಳಿಗೆ ಸಾಕ್ಸ್ ಹಾಕಿಕೊಳ್ಳುವಲ್ಲಿ ಗೊಂದಲವಾಗುತ್ತದೆ. ಆದರೆ ಈಕೆ ಮಾತ್ರ ಅದ್ಭುತ! ಎಂದಿದ್ದಾರೆ ಒಬ್ಬರು. ಹೆಣ್ಣು ಎಂದರೆ ಹೀಗಿರಬೇಕು ಎಂದು ಕೆಲವರು ಹೇಳಿದ್ಧಾರೆ. ಜಾಣ್ಮೆಯೊಂದಿಗೆ ಉನ್ಮಾದವೂ ನಿಮ್ಮಲ್ಲಿ ಮೇಳೈಸಿದೆ ಎಂದಿದ್ದಾರೆ ಮತ್ತೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:04 am, Thu, 12 January 23