ಸೈಕಲ್ ಸವಾರಿಯೊಂದಿಗೆ ಅಲ್ಕಾ ಯಾಜ್ಞಿಕ್, ಕುಮಾರ ಸಾನು ಹಾಡಿಗೆ ಅಭಿನಯಿಸಿದ ಯುವತಿಯ ವಿಡಿಯೋ ವೈರಲ್
Cycling : ಅದ್ಭುತ! ಕೈಬಿಟ್ಟು ಸೈಕಲ್ ಓಡಿಸುವುದಲ್ಲದೆ, ಕ್ಯಾಮೆರಾ ಎದುರು ಹಾಡಿಗೆ ತಕ್ಕಂತೆ ಅಭಿನಯಿಸುವುದು ಬೇರೆ! ಮಿಲಿಯನ್ಗಟ್ಟಲೆ ನೆಟ್ಟಿಗರು ಈ ವಿಡಿಯೋಗೆ ಫಿದಾ...
Updated on:Jan 11, 2023 | 6:40 PM
Viral Video : ರೆಟ್ರೋ ಸ್ಟೈಲ್ನಲ್ಲಿ ಹೀಗೆ ಅಲಂಕರಿಸಿಕೊಂಡು ಸೈಕಲ್ ಏರಿ, ಎರಡೂ ಕೈ ಬಿಟ್ಟು ಹಾಡೊಂದಕ್ಕೆ ಅಭಿನಯಿಸುತ್ತ ರಸ್ತೆಯಲ್ಲಿ ಹೀಗೆ ಪ್ರತ್ಯಕ್ಷವಾದರೆ ನೋಡಿದ ಯಾರಿಗೂ ಅಚ್ಚರಿಯೇ! ಈ ಯುವತಿ ಇದೀಗ ನೆಟ್ಟಿಗರ ಮನ ಕದ್ದಿದ್ದಾಳೆ. ಅಲ್ಕಾ ಯಾಜ್ಞಿಕ್ ಮತ್ತು ಕುಮಾರ್ ಸಾನು ಅವರ ಹಾಡಿನ ಹಿನ್ನೆಲೆಯನ್ನು ಈ ವಿಡಿಯೋದಲ್ಲಿ ಕೇಳಬಹುದಾಗಿದೆ. ಬಂಗಾರ ವರ್ಣದ ಅವಳ ದಿರಿಸು, ಜಡೆಗೆ ಹೆಣೆದ ಹೂಮಾಲೆ ಎಲ್ಲವೂ ಎಷ್ಟೊಂದು ಮನಾಕರ್ಷಕವಾಗಿದೆಯಲ್ಲ?
ಆಪ್ ಕಾ ಆನಾ ಹಾಡಿಗೆ ಈಕೆ ಅಭಿನಯಿಸಿದ್ದಾಳೆ. ಎರಡೂ ಕೈ ಬಿಟ್ಟು ಹೀಗೆ ರಸ್ತೆಯಲ್ಲಿ ಸೈಕಲ್ ಓಡಿಸುತ್ತ, ಹಾಡಿನ ಭಾವಕ್ಕೆ ತಕ್ಕಂತೆ ಅಭಿನಯಿಸುವುದೆಂದರೆ ಸುಲಭದ ಮಾತೆ? ಇದು ಸೆಕೆಂಡುಗಳ ಲೆಕ್ಕದ ರೀಲ್ ಆದರೂ ಇದರ ಹಿಂದೆ ಅದೆಷ್ಟು ಪರಿಶ್ರಮವಿರುತ್ತದೆ!
ಇದನ್ನೂ ಓದಿ : ಜಿಮ್ಪ್ರಿಯೆ! ಮದುವೆಯಲ್ಲಿ ಪುಲ್ಅಪ್ಸ್ ತೆಗೆದ ವಧುವಿನ ವಿಡಿಯೋ ವೈರಲ್
ಡಿಸೆಂಬರ್ 25ರಂದು ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈತನಕ 3 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ಧಾರೆ. ನಾಲ್ಕು ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಆಹಾ ಇದು ಅದ್ಭುತವಾಗಿದೆ ಎಂದಿದ್ದಾರೆ ಅನೇಕರು. ಅದೆಷ್ಟು ಚೆನ್ನಾಗಿ ಸೈಕಲ್ ಬ್ಯಾಲೆನ್ಸ್ ಮಾಡುತ್ತೀರಿ, ಹಾಗೇ ಅಭಿನಯವನ್ನೂ ಎಂದು ಹಲವಾರು ಜನ ಶ್ಲಾಘಿಸಿದ್ದಾರೆ. ಕ್ಯಾಮೆರಾವಾಲಾಗೆ ಹ್ಯಾಟ್ಸ್ ಆಫ್ ಎಂದಿದ್ದಾರೆ ಇನ್ನೂ ಕೆಲವರು. ಈ ಬ್ಯಾಲೆನ್ಸ್ ನಿಮ್ಮ ಬದುಕಿನುದ್ದಕ್ಕೂ ಇರಲಿ, ಒಳ್ಳೆಯದಾಗಲಿ ಎಂದ ಹಾರೈಸಿದ್ಧಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 6:37 pm, Wed, 11 January 23
