ಈ ಹುಡುಗಿ ಹೀಗೆ ನರ್ತಿಸಿದರೆ, ರಾಧಾ ಕೈಸೆ ನಾ ಜಲೇ?

Viral Video : ಲಗಾನ್​ ಚಿತ್ರದಲ್ಲಿ ಅಮೀರ್​ ಖಾನ್​ ಮತ್ತು ಗ್ರೇಸಿ ಸಿಂಗ್​ ಅಭಿನಯದ ಈ ಹಾಡನ್ನು ಹೇಗೆ ಮರೆಯಲು ಸಾಧ್ಯ? ಎ ಆರ್ ರೆಹಮಾನ್​ ಸಂಗೀತ ಸಂಯೋಜನೆಯಲ್ಲಿ ಉದಿತ್​ ನಾರಾಯಣ್​, ಆಶಾ ಭೋಸ್ಲೆ ಹಾಡಿರುವ ಈ ಹಾಡಿಗೆ ಅದೆಷ್ಟೋ ಜನರು ದನಿಯಾಗಿದ್ದಾರೆ. ಹೆಜ್ಜೆ ಹಾಕಿದ್ದಾರೆ. ಮತ್ತೂ ಮತ್ತೂ ಈ ಹಾಡು ಕೇಳುಗರನ್ನು ನೋಡುಗರನ್ನು ಮರುಳು ಮಾಡುತ್ತಲೇ ಇರುತ್ತದೆ. ಅಂಥ ಛಂದದ ಸಾಹಿತ್ಯ, ಸಂಗೀತ ಇದಕ್ಕಿದೆ.  ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಈ ಹಾಡಿಗೆ ಈ ಬೆಡಗಿ ನರ್ತಿಸಿದ ರೀತಿ ಆನಂದಿಸಿ.

ನೆಟ್ಟಿಗರನೇಕರು ಈಕೆಯ ನೃತ್ಯವನ್ನು ನೋಡಿ ವಾಹ್​ ಎಂದಿದ್ದಾರೆ. ಯಾರೋ ಒಬ್ಬರು, ಅರೆ ರಾಧಾ ನಿಮ್ಮ ಹೈಟ್​ ಎಷ್ಟು ಎಂದು ಕಾಲೆಳೆದಿದ್ದಾರೆ. ಇಂಥಾ ಬಿಸಿಲಿಲ್ಲ ಮಹಡಿ ಮೇಲೆ ಅದೂ ಇಂಥ ಬಟ್ಟೆ ಹಾಕಿಕೊಂಡು ಅದು ಹೇಗೆ ನರ್ತಿಸಿದ್ದೀರಿ ರಾಧೇ? ಎಂದಿದ್ದಾರೆ ಮತ್ತೊಬ್ಬರು. ನಿಮ್ಮ ನೃತ್ಯ ನನಗೆ ತುಂಬಾ ಇಷ್ಟವಾಯಿತು ಎಂದು ಮಗದೊಬ್ಬರು ಹೇಳಿದ್ಧಾರೆ.

ಇದನ್ನೂ ಓದಿ : ವೈರಲ್ ವಿಡಿಯೋ; ಈ ನಾಯಿಗೆ ನಮ್ಮಂತೆ ಕೈಗಳಿದ್ದಿದ್ದರೆ ಇಷ್ಟೊತ್ತಿಗೆ

2001 ರಲ್ಲಿ ಬಿಡುಗಡೆಯಾದ ಈ ಸಿನೆಮಾಗೆ ಫಿಲ್ಮ್​ ಫೇರ್​ ಅವಾರ್ಡ್​, ಬೆಸ್ಟ್​ ಲಿರಿಸಿಸ್ಟ್​ ಅವಾರ್ಡ್​ ಸಂದಿದೆ. 22 ವರ್ಷಗಳ ನಂತರವೂ ಈ ಹಾಡು ಇನ್ನೂ ಈ ಪೀಳಿಗೆಯನ್ನು ಹಿಡಿದಿಟ್ಟಿದೆ ಎಂದರೆ!? ಇದು ಭಾರತೀಯ ಸಿನೆಮಾಗಳ ವೈಶಿಷ್ಟ್ಯತೆ. ಭಾರತೀಯ ಕಲಾಪ್ರಕಾರಗಳಿಂದ ಪೋಷಿತವಾದ ನಮ್ಮ ಸಿನೆಮಾಗಳನ್ನು ವಿದೇಶಿಗರು ಕೂಡ ಅಷ್ಟೇ ಆಸ್ಥೆಯಿಂದ ಇಂದಿಗೂ ನೋಡುತ್ತಾರೆ. ನಮ್ಮ ಕಲೆ ಸಂಸ್ಕೃತಿಯ ಹಿರಿಮೆ ಇದು.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ