Viral Video: ಕೊಳಕ್ಕೆ ಬೀಳುತ್ತಿದ್ದ ಮಗುವಿನ ಪ್ರಾಣ ಉಳಿಸಿದ ಶ್ವಾನ; ಸಾಕು ನಾಯಿಯ ಜಾಣತನಕ್ಕೆ ನೆಟ್ಟಿಗರು ಫಿದಾ
Dog Videos: ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ನಾಯಿಯೊಂದು ತನ್ನ ಒಡೆಯನ ಮಗುವಿನ ಪ್ರಾಣ ಕಾಪಾಡಿರುವುದನ್ನು ನೋಡಬಹುದು. ಈ ವಿಡಿಯೋ ಭಾರೀ ವೈರಲ್ ಆಗಿದೆ.
ನವದೆಹಲಿ: ನಾಯಿಗಳೆಂದರೆ (Dogs) ಜೀವಂತಿಕೆಯ ಸಂಕೇತ. ನಾಯಿಗಳು ಮನುಷ್ಯರ ಅತ್ಯಂತ ಉತ್ತಮ ಸ್ನೇಹಿತರು ಎಂಬುದರಲ್ಲಿ ಎರಡು ಮಾತಿಲ್ಲ. ನಾಯಿಗಳು ಸದಾ ತನ್ನ ಒಡೆಯ ಅಥವಾ ಒಡತಿಯ ಜೊತೆ ಖುಷಿಯಾಗಿ, ಫ್ರೆಂಡ್ಲಿಯಾಗಿರುತ್ತವೆ. ಆನ್ಲೈನ್ನಲ್ಲಿ ಮುದ್ದಾದ ನಾಯಿಮರಿಗಳ ಲಕ್ಷಾಂತರ ವಿಡಿಯೋಗಳು ನಿಮಗೆ ಸಿಗುತ್ತವೆ. ಮನೆಯ ಸದಸ್ಯರಲ್ಲೊಬ್ಬರಾಗಿಬಿಡುವ ನಾಯಿಗಳು ಕೆಲವೊಮ್ಮೆ ಮನೆಯವರಿಗಿಂತ ಹೆಚ್ಚಾಗುತ್ತವೆ. ಇದೀಗ ವೈರಲ್ (Viral Video) ಆಗಿರುವ ವಿಡಿಯೋದಲ್ಲಿ ನಾಯಿಯೊಂದು ತನ್ನ ಒಡೆಯನ ಮಗುವಿನ ಪ್ರಾಣ ಕಾಪಾಡಿರುವುದನ್ನು ನೋಡಬಹುದು. ಈ ವಿಡಿಯೋ ಭಾರೀ ವೈರಲ್ ಆಗಿದೆ.
ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿರುವ ವೀಡಿಯೊ ಕ್ಲಿಪ್‌ನಲ್ಲಿ, ನೆಟ್ಟಿಗರು ಸೇವಿಯರ್ ಎಂದು ಎಲ್ಲರಿಂದ ಮೆಚ್ಚುಗೆ ಗಳಿಸಿರುವ ನಾಯಿಯೊಂದು ಮಗುವನ್ನು ಕೊಳಕ್ಕೆ ಬೀಳದಂತೆ ರಕ್ಷಿಸುತ್ತದೆ. ಅಷ್ಟೇ ಅಲ್ಲ, ಬಾಲ್ ಆಟವಾಡುತ್ತಿದ್ದ ಮಕ್ಕಳು ಅಚಾನಕ್ಕಾಗಿ ಚೆಂಡನ್ನು ಕೊಳದೊಳಗೆ ಹಾಕಿದ್ದರು. ಆ ಮಕ್ಕಳು ಕೊಳಕ್ಕೆ ಹಾರಿ ಬಾಲ್ ಎತ್ತಬೇಕು ಎಂದುಕೊಳ್ಳುವಷ್ಟರಲ್ಲಿ ನಾಯಿ ಓಡಿಹೋಗಿ ಕೊಳದಿಂದ ಬಾಲ್ ಅನ್ನು ಎತ್ತಿಕೊಟ್ಟು ಆ ಮಕ್ಕಳು ಕೊಳಕ್ಕೆ ಬೀಳದಂತೆ ತಡೆದಿದೆ.
47 ಸೆಕೆಂಡುಗಳ ವಿಡಿಯೋ ಕ್ಲಿಪ್‌ನಲ್ಲಿ, ಇಬ್ಬರು ಮಕ್ಕಳು ತಮ್ಮ ಮನೆಯ ತೋಟದಲ್ಲಿ ಆಡುತ್ತಿದ್ದಾಗ ಆ ಚೆಂಡು ಕೊಳಕ್ಕೆ ಬೀಳುವುದನ್ನು ನೋಡಬಹುದು. ಅಷ್ಟರಲ್ಲಿ ಓಡಿಬಂದ ಸಾಕು ನಾಯಿ ಆ ಚೆಂಡನ್ನು ಎತ್ತಿಕೊಟ್ಟಿರುವುದನ್ನು ನೋಡಬಹುದು. ಇನ್ನೇನು ಆ ಮಕ್ಕಳು ಕೊಳಕ್ಕೆ ಹಾರುವಷ್ಟರಲ್ಲಿ ನಾಯಿ ಅವರಿಬ್ಬರನ್ನೂ ತನ್ನ ಜಾಣತನದಿಂದ ಕೊಳಕ್ಕೆ ಇಳಿಯದಂತೆ ಕಾಪಾಡಿದೆ. ಆ ಮಕ್ಕಳು ಕೊಳಕ್ಕೆ ಹಾರಬಹುದು ಎಂದು ಊಹಿಸಿದ ನಾಯಿ ಆ ಹುಡುಗನನ್ನು ಆತನ ಟಿ-ಶರ್ಟ್‌ನಿಂದ ಎಳೆದು ಕೊಳದಿಂದ ದೂರ ಕರೆದೊಯ್ದಿದೆ.
ಇದನ್ನೂ ಓದಿ: Viral Video: ಮದುವೆ ದಿನ ವಧು-ವರರ ಜೊತೆ ವೇದಿಕೆಯಲ್ಲಿ ಡ್ಯಾನ್ಸ್ ಮಾಡಿದ ಮುದ್ದು ನಾಯಿ; ವಿಡಿಯೋ ವೈರಲ್
Viral Video: ಸೇಬು, ಚಿಕ್ಕು, ಬಾಳೆಹಣ್ಣು ಹಾಕಿ ಟೀ ಮಾಡಿದ ಚಾಯ್ವಾಲ; ವಿಡಿಯೋ ನೋಡಿ ನೆಟ್ಟಿಗರು ಸುಸ್ತು!