Viral Video: ಸಲ್ಮಾನ್, ಕತ್ರೀನಾಳ ಮಾಶಾಅಲ್ಲಾಹ್ ಹಾಡಿಗೆ ಯುವತಿಯ ಬೆಲ್ಲೀ ಡ್ಯಾನ್ಸ್; ಬೆರಗಾದ ನೆಟ್ಟಿಗರು
Monday Blues: ಬೆಲ್ಲಿ ಡ್ಯಾನ್ಸ್ ಬಗ್ಗೆ ನನಗೆ ಒಳ್ಳೆಯ ಅಭಿಪ್ರಾಯವಿರಲಿಲ್ಲ, ತುಂಬಾ ಮಡಿವಂತಿಕೆಯಿಂದ ಯೋಚಿಸುತ್ತಿದ್ದೆ. ಆದರೆ ಇದನ್ನು ಕಲೆಯಾಗಿ ನೋಡಬೇಕು, ಕಲಾವಿದರ ಪರಿಶ್ರಮ, ಆಸ್ಥೆ, ಕೌಶಲ ಗಮನಿಸಬೇಕು ಎಂದೆನ್ನಿಸಿದ್ದು ಈ ವಿಡಿಯೋ ನೋಡಿದ ಮೇಲೆ ಎಂದು ಕೆಲವರು. ಮಂಡೇ ಬ್ಲ್ಯೂಸ್ ಮಾಯವಾಯಿತು ಎಂದೂ ಇನ್ನೂ ಕೆಲವರು. ನೀವು?
Updated on: Aug 21, 2023 | 11:03 AM
Mashallah: ಸಲ್ಮಾನ್ ಖಾನ್ ಮತ್ತು ಕತ್ರೀನಾ ಕೈಫ್ ಅಭಿನಯದ ‘ಮಾಶಾಅಲ್ಲಾಹ್’ ಹಿಟ್ ಟ್ರ್ಯಾಕ್ಗೆ ಯುವತಿಯೊಬ್ಬಳು ಬೆಲ್ಲೀ ಡ್ಯಾನ್ಸ್ ಮಾಡಿದ್ದು ಭಾರೀ ವೈರಲ್ ಆಗುತ್ತಿದೆ. ನೆಟ್ಟಿಗರು ಈಕೆಯ ನೃತ್ಯದ ಬೆರಗನ್ನು ಕಂಡು ಶ್ಲಾಘಿಸುತ್ತಿದ್ದಾರೆ. ಮಂಡೇ ಬ್ಲ್ಯೂಸ್ (Monday Blues) ಮಂಡೆಯಿಂದ ಓಡಿಹೋಯಿತು ಎಂದು ಪ್ರತಿಕ್ರಿಯಿಸುತ್ತಿದ್ದಾರೆ. ನೃತ್ಯಗಾತಿ ಜೂಹಿ ಶೇಖ್ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಈ ವಿಡಿಯೋ ಅಪ್ಲೋಡ್ ಮಾಡಿದ್ದಾರೆ. ತಿಳಿಹಸಿರು ಉಡುಪು ಹಿತಮಿತವಾದ ಮೇಕಪ್ನಲ್ಲಿ ಇವರು ಅತ್ಯಂತ ಆಕರ್ಷಕವಾಗಿ ಕಾಣುತ್ತಿದ್ದಾರೆ. ಈತನಕ ಸುಮಾರು 24,000 ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ.
ಇದನ್ನೂ ಓದಿ : Viral Video: ನಾಗರಹಾವಿನ ತಲೆಗೆ ಚುಂಬಿಸಿದ ಯುವತಿ; ಧೈರ್ಯಶಾಲಿಗಳು ಮಾತ್ರ ನೋಡಿ
ಬೆಲ್ಲೀ ಡ್ಯಾನ್ಸ್ ನೋಡುವುದರಿಂದ ಇಷ್ಟು ವರ್ಷವೂ ಅದ್ಯಾಕೋ ದೂರ ಇದ್ದೆ. ಅರೆಬರೆ ಬಟ್ಟೆಯಲ್ಲಿ ಅದೇನಂಥ ನರ್ತಿಸುತ್ತಾರೋ ಎಂದು ಬೇಸರಿಸಿಕೊಳ್ಳುತ್ತಿದ್ದೆ. ಆದರೆ ಈ ವಿಡಿಯೋ ನೋಡಿದ ಮೇಲೆ ಈಕೆಯ ಕೌಶಲ ನೋಡಿ ಬೆಲ್ಲಿ ಡ್ಯಾನ್ಸ್ ಬಗ್ಗೆ ಇದ್ದ ಇರಿಸುಮುರುಸು ಕಡಿಮೆಯಾಯಿತು. ನಿಜಕ್ಕೂ ಈಕೆ ಅದ್ಭುತವಾಗಿ ನರ್ತಿಸಿದ್ದಾರೆ. ಹೀಗೆ ನರ್ತಿಸಲು ಈಕೆ ಸಾಕಷ್ಟು ತಾಲೀಮು ಮಾಡಿರುತ್ತಾರೆ ಎನ್ನುವ ಅರಿವು ಕೂಡ ಆಯಿತು ಎಂದಿದ್ದಾರೆ ಒಬ್ಬರು.
ಏಕ್ ಥಾ ಟೈಗರ್ ಟ್ರ್ಯಾಕ್ಗೆ ಜೂಹಿ ಶೇಖ್ ಬೆಲ್ಲಿ ಡ್ಯಾನ್ಸ್
View this post on Instagram
ಎಂಥ ಛಂದ ನೀವು, ಸೌಮ್ಯವಾದ ನಿಮ್ಮ ಉಡುಗೆತೊಡುಗೆ, ಮೇಕಪ್, ಡ್ಯಾನ್ಸ್! ಅದ್ಭುತ ಎಂದಿದ್ದಾರೆ ಇನ್ನೊಬ್ಬರು. ನಿಮ್ಮ ಬೆಲ್ಲೀ ಡ್ಯಾನ್ಸ್ ನೋಡಿ ನನಗೆ ಈ ಸಿನೆಮಾದ ಮೂಲ ಡ್ಯಾನ್ಸ್ ನೋಡಬೇಕು ಎನ್ನಿಸಿತು. ನೀವು ಆಕರ್ಷಕವಾಗಿಯೇ ನರ್ತಿಸಿದ್ದೀರಿ, ಒಳ್ಳೆಯದಾಗಲಿ ನಿಮಗೆ ಎಂದಿದ್ದಾರೆ ಮತ್ತೊಬ್ಬರು. 2012 ರಲ್ಲಿ ಬಿಡುಗಡೆಯಾದ ‘ಏಕ್ ಥಾ ಟೈಗರ್’ ಸಿನೆಮಾದ ಹಾಡಿದು. ಕೌಸರ್ ಮುನೀರ್ ಅವರ ಸಾಹಿತ್ಯ, ವಾಜಿದ್ ಮತ್ತು ಶ್ರೇಯಾ ಘೋಷಾಲ್ ಗಾಯನ.
ಮಾಶಾ ಅಲ್ಲಾಹ್ ಮೂಲ ಹಾಡಿನ ವಿಡಿಯೋ ನೋಡಿ
ನಿಮ್ಮ ರೀಲ್ಸ್ ಅನ್ನು ಮತ್ತೆ ಮತ್ತೆ ನೋಡುತ್ತಿದ್ದೇನೆ, ಸೋಮವಾರದ ನನ್ನ ಸೋಮಾರಿತನವನ್ನು ನೀವು ನಿಜಕ್ಕೂ ಓಡಿಸಿದ್ದೀರಿ, ನಿಮ್ಮೊಳಗಿನ ಕಲಾವಿದೆಗೆ ಧನ್ಯವಾದ ಎಂದಿದ್ದಾರೆ ಮತ್ತೊಬ್ಬರು. ನಿಮ್ಮ ಉಳಿದ ರೀಲ್ಸ್ಗಳನ್ನೂ ನೋಡುತ್ತಾ ಹೋದೆ ಇನ್ಸ್ಟಾಗ್ರಾಮಿನಲ್ಲಿ, ನೀವು ಪ್ರತಿಭಾವಂತರು ಎಂದಿದ್ದಾರೆ ಮಗದೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
