Daily Devotional: ಪಿತೃಪಕ್ಷದ ಮಹತ್ವ ಹಾಗೂ ಆಚರಣೆಯ ವಿಧಾನ ತಿಳಿಯಿರಿ

ಬೆಂಗಳೂರು, ಸೆಪ್ಟೆಂಬರ್​ 21: ಪಿತೃಪಕ್ಷವು ಹಿಂದೂ ಧರ್ಮದಲ್ಲಿ ಅತ್ಯಂತ ಮಹತ್ವದ ಸಂಪ್ರದಾಯವಾಗಿದೆ. ಈ 15 ದಿನಗಳ ಪವಿತ್ರ ಅವಧಿಯಲ್ಲಿ, ಪಿತೃಗಳನ್ನು ಸ್ಮರಿಸಿ, ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಗುತ್ತದೆ. ಪಿತೃ ಋಣ ತೀರಿಸುವುದು ಜೀವನದ ಐದು ಋಣಗಳಲ್ಲಿ ಒಂದಾಗಿದೆ. ಪಿತೃಪಕ್ಷದಲ್ಲಿ, ಮರಣಿಸಿದ ಪೂರ್ವಜರ ಆತ್ಮಗಳಿಗೆ ಶಾಂತಿ ದೊರೆಯುವಂತೆ ವಿವಿಧ ಪೂಜೆಗಳು ಮತ್ತು ಶ್ರಾದ್ಧಗಳನ್ನು ನಡೆಸಲಾಗುತ್ತದೆ. ಪಂಚಾಂಗದ ಪ್ರಕಾರ, ಈ 15 ದಿನಗಳಲ್ಲಿ ಯಾವ ತಿಥಿಯಲ್ಲಿ ಮರಣಿಸಿದ್ದಾರೋ ಅವರಿಗೆ ಅಂದು ಶ್ರಾದ್ಧ ಮಾಡಲಾಗುತ್ತದೆ. ಮಹಾಲಯ ಅಮಾವಾಸ್ಯೆಯಂದು ಸರ್ವ ಪಿತೃಗಳಿಗೆ ಶ್ರಾದ್ಧ ಮಾಡುವುದು ವಾಡಿಕೆ.