‘ರೈತ’ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ ಎಲ್ಲಾ ಪಕ್ಷದ ರಾಜಕೀಯ ನಾಯಕರು; ಹಾಡಿನ ವಿಶೇಷತೆಗಳನ್ನು ತಿಳಿಸಿದ ‘ಆಲ್ ಓಕೆ’

‘ಆಲ್ ಓಕೆ’ (All Ok) ಎಂದೇ ಗುರುತಿಸಿಕೊಂಡಿರುವ ಕನ್ನಡದ ಪ್ರಸಿದ್ಧ ಗಾಯಕ, ರ್ಯಾಪರ್ ಅಲೋಕ್ ಗುರುವಾರ ಅಂದರೆ ಇಂದು ಹೊಸ ಹಾಡನ್ನು ಬಿಡುಗಡೆ ಮಾಡುತ್ತಿದ್ದಾರೆ. ‘ರೈತ’ (Raitha Song) ಎಂದು ಶೀರ್ಷಿಕೆಯಿರುವ ಈ ನೂತನ ಹಾಡು ಯುಟ್ಯೂಬ್​ನಲ್ಲಿ ತೆರೆಕಾಣಲಿದೆ. ಟಿವಿ9 ಜತೆ ಮಾತನಾಡುತ್ತಾ ರೈತ ಹಾಡಿನ ವಿಶೇಷವನ್ನು ಅಲೋಕ್ ವಿವರಿಸಿದ್ದಾರೆ.

ಅಲೋಕ್ ಹಾಡುಗಳ ವಿಶೇಷವೆಂದರೆ ಅದರಲ್ಲಿ ಸಾರ್ವಜನಿಕರು, ವಿವಿಧ ಕ್ಷೇತ್ರಗಳ ಗಣ್ಯರು ಕಾಣಿಸಿಕೊಳ್ಳುತ್ತಾರೆ. ಇದೀಗ ಹೊಸ ಹಾಡಿನಲ್ಲೂ ಈ ಪರಂಪರೆ ಮುಂದುವರೆದಿದೆ. ‘ರೈತ’ ಹಾಡಿನ ಸೌಂದರ್ಯವೆಂದರೆ ಇದರಲ್ಲಿ ಎಲ್ಲಾ ಪಕ್ಷದ ನಾಯಕರಿದ್ದಾರೆ. ಎಲ್ಲರಿಗೂ ರೈತರ ಮೇಲೆ ಪ್ರೀತಿಯಿದೆ. ಅವರವರ ಸರ್ಕಾರ ಇದ್ದಾಗ ಎಲ್ಲರೂ ಕೆಲಸ ಮಾಡಿದವರೇ. ನಿಜ ಜೀವನದಲ್ಲೂ ಕೃಷಿಕರಾಗಿ ಗುರುತಿಸಿಕೊಂಡಿರುವ ನಟ ಕಿಶೋರ್ ಕೂಡ ಹಾಡಿನಲ್ಲಿದ್ದಾರೆ. ಈ ಎಲ್ಲರಿಗಿಂತಲೂ ಹಾಡಿನಲ್ಲಿ ಇರುವ ದೊಡ್ಡ ಸೂಪರ್ ಸ್ಟಾರ್ ಎಂದರೆ ಅದು ರೈತ. ಕಾರಣ ಅವರ ಅನ್ನ ತಿಂದೇ ಎಲ್ಲರೂ ಬೆಳೆದವರು ಎಂದಿದ್ದಾರೆ ಅಲೋಕ್.

ಹಾಡುಗಳ ಕುರಿತು ಮಾತನಾಡುತ್ತಾ ಅವರು ಪುನೀತ್ ರಾಜ್​ಕುಮಾರ್ ಅವರನ್ನು ನೆನಪು ಮಾಡಿಕೊಂಡಿದ್ದಾರೆ. ‘ಯಾಕಿಂಗೆ 2’ ತನಕದ ಎಲ್ಲಾ ಹಾಡುಗಳನ್ನು ಅಪ್ಪು ಅವರಿಗೆ ಕೇಳಿಸಿದ್ದೆ ಎಂದಿರುವ ಅಲೋಕ್, ‘ರೈತ’ ಗೀತೆಯನ್ನು ಕೇಳಿಸಲಾಗಲಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ರ್ಯಾಪ್​ಗಳು ಜನರಿಗೆ ಅರ್ಥವಾಗುವಂತಿರಬೇಕು. ಕೇಳುಗನಿಗೆ ಇಂಪಾಗಿರಬೇಕು ಎಂದು ಪುನೀತ್ ಯಾವಾಗಲೂ ಹೇಳುತ್ತಿದ್ದರು. ತಮ್ಮ ಗೀತೆಗಳನ್ನು ಮೆಚ್ಚಿಕೊಂಡಿದ್ದರು ಎಂದು ಅಲೋಕ್ ಸ್ಮರಿಸಿದ್ದಾರೆ.

ಇದನ್ನೂ ಓದಿ:

‘ಆಲ್ ಓಕೆ’ ಹಾಡುಗಳನ್ನು ಕೇಳಿ ಪುನೀತ್ ಹೇಗೆ ಪ್ರತಿಕ್ರಿಯಿಸುತ್ತಿದ್ದರು? ಅಲೋಕ್ ಹಂಚಿಕೊಂಡ್ರು ಕುತೂಹಲಕರ ವಿಚಾರ

ಮಗುವನ್ನು ದತ್ತು ಪಡೆಯಲು ಯೋಚಿಸಿದ್ದ ಆರ್​ಜೆ ರಚನಾ; ಗೆಳತಿಯ ಕುರಿತು ನೆನಪುಗಳನ್ನು ಹಂಚಿಕೊಂಡ ರ‍್ಯಾಪಿಡ್ ರಶ್ಮಿ