‘ಜೊತೆ ಜೊತೆಯಲಿ’ ತಂಡ ಮಾಡಿದ ಆರೋಪಗಳಿಗೆ ಸುದ್ದಿಗೋಷ್ಠಿಯಲ್ಲಿ ಅನಿರುದ್ಧ್​ ತಿರುಗೇಟು

‘ಜೀ ಕನ್ನಡ’ ವಾಹಿನಿಯ ‘ಜೊತೆ ಜೊತೆಯಲಿ’ ಸೀರಿಯಲ್​ ತಂಡದಲ್ಲಿ ಬಿರುಕು ಮೂಡಿದೆ. ಕಿರುತೆರೆಯಿಂದ ಅನಿರುದ್ಧ್​ (Anirudh Jatkar) ಅವರನ್ನು ಹೊರಗಿಡಬೇಕು ಎಂದು ನಿರ್ಮಾಪಕರು ತೀರ್ಮಾನ ತೆಗೆದುಕೊಂಡಿದ್ದಾರೆ. ಧಾರಾವಾಹಿ ತಂಡದ ಜೊತೆ ಅನಿರುದ್ಧ್​ ಸರಿಯಾಗಿ ಸಹಕರಿಸಿಲ್ಲ ಎಂದು ನಿರ್ಮಾಪಕ-ನಿರ್ದೇಶಕ ಆರೂರು ಜಗದೀಶ್​ (Aroor Jagadish) ಆರೋಪಿಸಿದ್ದರು. ತಂಡದ ಎಲ್ಲ ಆರೋಪಗಳಿಗೆ ಅನಿರುದ್ಧ್​ ಪ್ರತ್ಯುತ್ತರ ನೀಡಿದ್ದಾರೆ. ಸುದ್ದಿಗೋಷ್ಠಿ ಕರೆದಿರುವ ಅವರು ಅನೇಕ ವಿಚಾರಗಳನ್ನು ಬಹಿರಂಗಪಡಿಸಿದ್ದಾರೆ. ‘ಜೊತೆ ಜೊತೆಯಲಿ’ (Jothe Jotheyali Kannada Serial) ಧಾರಾವಾಹಿಯ ತೆರೆಹಿಂದೆ ಏನೆಲ್ಲ ನಡೆಯಿತು ಎಂಬುದನ್ನು ಅವರು ಎಳೆಎಳೆಯಾಗಿ ವಿವರಿಸಿದ್ದಾರೆ.