ಬೆಂಗಳೂರಿನಲ್ಲಿ ಒಂದೇ ಕುಟುಂಬ 7 ಜನರ ಹತ್ಯೆ: ಮೃತ ದೇಹಗಳನ್ನ ಸಾಗಿದ ಸಿಸಿಟಿವಿ ದೃಶ್ಯ ಇಲ್ಲಿದೆ

ಬೆಂಗಳೂರು, (ನವೆಂಬರ್ 6): ರಾಜ್ಯ ರಾಜಧಾನಿ ಬೆಂಗಳೂರಿನ ರಾಜಾಜಿನಗರದ ಭಾಷ್ಯಂ ಸರ್ಕಲ್ ಸಮೀಪದ ಮನೆಯೊಂದರಲ್ಲಿ ಮಹಾ ಹತ್ಯಾಕಾಂಡವೊಂದು ನಡೆದು ಹೋಗಿದೆ. ಹೆಂಡತಿ ಮೇಲಿನ ಕೋಪ, ಅತ್ತೆ ಮನೆಯವರ ಮೇಲಿನ ದ್ವೇಷ ಒಂದೇ ಕುಟುಂಬದ ಏಳು ಮಂದಿಯ ಜೀವವನ್ನೇ ಬಲಿಪಡೆದಿದೆ. ಹೌದು… ಪತ್ನಿ, ಅತ್ತೆ, ಇಬ್ಬರು ಬಾಮೈದರು, ಇಬ್ಬರು ನಾದಿನಿಯರು, ಏಳು ವರ್ಷದ ಪುಟ್ಟ ಬಾಲಕನನ್ನು ಇಂದುಶೇಖರ್ ಹತ್ಯೆ ಮಾಡಿದ್ದಾನೆ. ರಾಕ್ಷಸ 20 ದಿನಗಳ ಅಂತರಲ್ಲಿ ಬರೋಬ್ಬರಿ 7 ಮಂದಿಯನ್ನು ಕೊಂದು ಮುಗಿಸಿ ಬಿಟ್ಟಿದ್ದಾನೆ.

ಊಟಕ್ಕೆ ಕರೆಸಿ, ಮತ್ತು ಬರಿಸೋ ಮಾತ್ರೆ ಕೊಟ್ಟು, ಪ್ರಜ್ಞೆ ತಪ್ಪಿದವರನ್ನ ರುಬ್ಬೋ ಕಲ್ಲಿನಿಂದ ಜಜ್ಜಿ ಕೊಂದಿದ್ದಾನೆ. ಕೊಲೆ ಮಾಡಿದ ಬಳಿಕವೂ ಈತನ ಕ್ರೌರ್ಯ ನಿಂತಿರಲಿಲ್ಲ. ಮೃತದೇಹಗಳನ್ನ ಚೀಲಗಳಲ್ಲಿ ತುಂಬಿ, ಬೆಟ್ಟಗುಡ್ಡಗಳಲ್ಲಿ ಎಸೆದಿದ್ದಾನೆ. ಇನ್ನು ಮೃತದೇಹಗಳನ್ನು ಕಾರಿನಲ್ಲಿ ಸಾಗಿಸುತ್ತಿರುವ ಸಿಸಿಟಿವಿ ದೃಶ್ಯ ಟಿವಿ9ಗೆ ಲಭ್ಯವಾಗಿದೆ.