KIAL Terminal 2: ಸ್ವರ್ಗ ಲೋಕದಂತಿದೆ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್ 2
Updated on: Sep 12, 2023 | 2:48 PM
ಬೆಂಗಳೂರು ವಿಮಾನ ನಿಲ್ದಾಣದ ಟರ್ಮಿನಲ್ 2 ಇವತ್ತಿನಿಂದ ವಿದೇಶಿ ಪ್ರಯಾಣಿಕರಿಗೆ ಮುಕ್ತವಾಗುತ್ತಿದೆ. ಒಟ್ನಲ್ಲಿ, ಸಾವಿರಾರು ಕೋಟಿ ಖರ್ಚು ಮಾಡಿ ನೂತನ ಗಾರ್ಡನ್ ಟರ್ಮಿನಲ್ ಮತ್ತಷ್ಟು ದೇಶ ವಿದೇಶಿ ಪ್ರಯಾಣಿಕರ ಪ್ರಯಾಣಕ್ಕೆ ಲಭ್ಯವಾಗ್ತಿದೆ. ಸುಮಾರು 2 ಲಕ್ಷ 55 ಸಾವಿರದ 661 ಚದರ ಮೀಟರ್ನಲ್ಲಿ ನಿರ್ಮಾಣವಾಗಿರೋ ಟರ್ಮಿನಲ್-2 ಅಕ್ಷರಶಃ ಹೈಟೆಕ್ ಗಾರ್ಡನ್ನಂತಿದೆ.
ಬೆಂಗಳೂರು, ಸೆ.12: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್ 2ರಲ್ಲಿ ಇಂದಿನಿಂದ ವಿದೇಶಿ ವಿಮಾನಗಳ ಹಾರಾಟ ಪ್ರಾರಂಭವಾಗಿದೆ. ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್ 2 ಕಳೆದ ವರ್ಷ ನವಂಬರ್ನಲ್ಲಿ ಪ್ರಧಾನಿ ಮೋದಿ ಉದ್ಘಾಟಿಸಿದ್ರು. ಅಂದಿನಿಂದ ಕೆಲ ತಾಂತ್ರಿಕ ಕಾಮಗಾರಿಗಳನ್ನ ನಡೆಸ್ತಿದ್ದ ಅಧಿಕಾರಿಗಳು ಈಗ ಕೆಐಎಬಿಯ ನೂತನ ಗಾರ್ಡನ್ ಟರ್ಮಿನಲ್ ಸಂಪೂರ್ಣ ಕಾರ್ಯಾರಂಭ ಆರಂಭಿಸಿದೆ. ಇಡೀ ಟರ್ಮಿನಲ್-2 ನಾಲ್ಕು ಸ್ತಂಭಗಳ ಆಧಾರದಲ್ಲಿ ನಿರ್ಮಿಸಲಾಗಿದೆ.
ಸುಮಾರು 2 ಲಕ್ಷ 55 ಸಾವಿರದ 661 ಚದರ ಮೀಟರ್ನಲ್ಲಿ ನಿರ್ಮಾಣವಾಗಿರೋ ಟರ್ಮಿನಲ್-2 ಅಕ್ಷರಶಃ ಹೈಟೆಕ್ ಗಾರ್ಡನ್ನಂತಿದೆ. ಟರ್ಮಿನಲ್ 2 ನಿರ್ಮಾಣವಾಗಿರೋದು 4 ಸ್ತಂಭಗಳ ಆಧಾರದಲ್ಲಿ. ಒಂದು ಉದ್ಯಾನದಲ್ಲಿ ಟರ್ಮಿನಲ್. ಅಂದ್ರೆ ನಾವು ಭಾರತದ ಗಾರ್ಡನ್ ಸಿಟಿ ಅನ್ನೋ ಸಂದೇಶ ಸಾರುತ್ತೆ. ಎರಡು ತಂತ್ರಜ್ಞಾನ. ಯಾಕಂದ್ರೆ, ನಾವು ಭಾರತದ ಸಿಲಿಕಾನ್ ವ್ಯಾಲಿ. ಮತ್ತು ಈ ಏರ್ಪೋರ್ಟ್ ನವೀಕರಿಸಬಹುದಾದ ಇಂಧನದಲ್ಲಿ ಕಾರ್ಯನಿರ್ವಹಿಸಬೇಕು. ನಾವು ಈಗಾಗ್ಲೇ ಶೇ.100ರಷ್ಟು ನವೀಕರಿಸಬಹುದಾದ ಇಂಧನ ಬಳಸುತ್ತಿದ್ದೇವೆ. ಸೌರಶಕ್ತಿ, ಪವನಶಕ್ತಿ, ಜಲಶಕ್ತಿ ಬಳಸುತ್ತಿದ್ದೇವೆ. ಮತ್ತು ನೀವು ಸುತ್ತು ಹಾಕಿದ್ರೆ ಗೊತ್ತಾಗುತ್ತೆ ಬೆಂಗಳೂರು, ಕರ್ನಾಟಕ ಮತ್ತು ದಕ್ಷಿಣ ಭಾರತದ ಕಲೆ, ಸಂಸ್ಕೃತಿ ಮತ್ತು ಅಸ್ಮಿತೆಯನ್ನು ಪ್ರತಿಬಿಂಬಿಸುತ್ತೆ.
