ಬದಲಾಯ್ತು ಬಿಗ್ ಬಾಸ್ ಧ್ವನಿ: ಖಡಕ್ ವಾಯ್ಸ್ ಕೇಳಿ ಸ್ಪರ್ಧಿಗಳು ಗಡಗಡ

‘ಬಿಗ್ ಬಾಸ್’ (Bigg Boss Kannada) ರಿಯಾಲಿಟಿ ಶೋನಲ್ಲಿ ಕೇಳಿಸುವ ಬಿಗ್ ಬಾಸ್ ಧ್ವನಿಗೆ ಒಂದು ತಾಕತ್ತು ಇದೆ. ಆ ಧ್ವನಿ ಕೇಳಿದರೆ ಎಲ್ಲ ಸ್ಪರ್ಧಿಗಳು ಸೈಲೆಂಟ್ ಆಗುತ್ತಾರೆ. ಆ ಧ್ವನಿಯ ಮುಂದೆ ಎಲ್ಲರೂ ಗಪ್ ಚುಪ್ ಆಗಲೇಬೇಕು. ಅದು ರಿಯಾಲಿಟಿ ಶೋನ ಮೂಲ ನಿಯಮ. ಅಚ್ಚರಿ ಎಂದರೆ, ಈಗ ‘ಬಿಗ್ ಬಾಸ್ ಕನ್ನಡ ಸೀಸನ್ 12’ ಶೋನಲ್ಲಿ ಆ ಧ್ವನಿ (Bigg Boss Kannada Voice) ಬದಲಾಗಿದೆ. ಬಿಗ್ ಬಾಸ್ ಬದಲು ವಿಲನ್ ಆಗಮಿಸಿದ್ದಾರೆ. ಇಷ್ಟು ದಿನ ಬಿಗ್ ಬಾಸ್ ನೀಡುತ್ತಿದ್ದ ಸೂಚನೆಗಳ ಬದಲಿಗೆ ವಿಲನ್ ಸೂಚನೆ ನೀಡುತ್ತಿದ್ದಾರೆ. ವಿಲನ್ ಧ್ವನಿ ಖಡಕ್ ಆಗಿದೆ. ಆ ವಾಯ್ಸ್ ಕೇಳಿ ಸ್ಪರ್ಧಿಗಳು ಗಡಗಡ ನಡುಗುತ್ತಿದ್ದಾರೆ. ಚೈತ್ರಾ ಕುಂದಾಪುರ ಅವರು ಹದರಿಕೊಂಡಿದ್ದಾರೆ. ಆ ಧ್ವನಿಯ ಝಲಕ್ ಹೇಗಿದೆ ಎಂಬುದು ಈ ಪ್ರೋಮೋದಲ್ಲಿ ನೋಡಬಹುದು. ‘ಕಲರ್ಸ್ ಕನ್ನಡ’ ಮತ್ತು ‘ಜಿಯೋ ಹಾಟ್​ಸ್ಟಾರ್’ ಒಟಿಟಿ ಮೂಲಕ ಪೂರ್ತಿ ಸಂಚಿಕೆ ವೀಕ್ಷಿಸಿ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.