ಟಿವಿ9 ಹಿರಿಯ ನಿರೂಪಕ ರಂಗನಾಥ್ ಭಾರದ್ವಾಜ್​ಗೆ ಬಿಲ್ವ ಪ್ರಶಸ್ತಿ

ಉತ್ತರ ಕನ್ನಡ ಅಥವಾ ಸಹ್ಯಾದ್ರಿ ಪರಿಚಯ ಮಾಡಿಸ್ತಾ ತಮ್ಮ ಧ್ವನಿಯ ಮೂಲಕ ಪ್ರಾಮಾಣಿಕ ಸೇವೆ ಸಲ್ಲಿಸುತ್ತಾ ಶ್ರದ್ಧೆ ಮತ್ತು ಉತ್ಸಾಹದ ಚಿಲುಮೆಯಾಗಿ ನಂದಾದೀಪದಂತೆ ಬೆಳಗುತ್ತಿದ್ದೀರಿ. ಸುದ್ದಿ ಸಮಾಚಾರಗಳೆಂಬ ಸದಾ ಸುತ್ತಿ ಸುಳಿಯುವ ಭಯಂಕರ ಗದ್ದಲದ ಮಧ್ಯೆ ಪರಿಸರದ ಸಂಕಟಗಳ ಮೌನವನ್ನು ಆಲಿಸುವ ಕಿವಿಯಾಗಿ, ಅದರತ್ತ ಜನರ ಗಮನ ಸೆಳೆಯುವಲ್ಲಿ ನಿಜವಾದ ಚಿಂತನೆ ಮತ್ತು ಕಾಳಜಿಯನ್ನಿಟ್ಟುಕೊಂಡು ಗಟ್ಟಿ ಧ್ವನಿಯಲ್ಲಿ ಮಾತನಾಡಿದ್ದೀರಿ. ವಿಪತ್ತುಗಳಲ್ಲಿ ನೆರವು ನೀಡುವುದರಿಂದ ಹಿಡಿದು ಬಡ ಮಕ್ಕಳ ಶಿಕ್ಷಣದವರೆಗೆ ನೀವು ಅನೇಕ ಹಿರಿಕಿರಿಯ ಜೀವಗಳನ್ನು ಸ್ಪರ್ಶಿಸಿದ್ದೀರಿ. ಅನಾಥರು, ವಿಧವೆಯರು ಮತ್ತು ಸಂಕಷ್ಟದಲ್ಲಿರುವ ಕುಟುಂಬಗಳಿಗೆ ದಯೆಯಲ್ಲಿ ಅಡಗಿದ ಕರುಣೆ ಕಲ್ಪವೃಕ್ಷವಾಗಿದ್ದೀರಿ. ಹೀಗಾಗಿ, ಬಿಲ್ವ ಪ್ರಶಸ್ತಿ ನೀಡಲಾಗುತ್ತಿದೆ ಎಂದು ಟಿವಿ9ನ ರಂಗನಾಥ್ ಭಾರದ್ವಾಜ್ ಅವರನ್ನು ಉದ್ದೇಶಿಸಿ ಆಯೋಜಕರು ಹೇಳಿದ್ದಾರೆ.