ಕೆಪಿಎಸ್ಸಿ ಅಕ್ರಮ: ಕಲಬುರ್ಗಿಯ ಅಭ್ಯರ್ಥಿಗೆ ಶಾಕ್ ಕೊಟ್ಟ ಸಿಐಡಿ; ಶಾಂತಾ ಹೊಸಮನಿ-ಮಮಿತಾ ಲಿಂಕ್ ಬಗ್ಗೆಯೂ ತನಿಖೆ
Updated on:Sep 09, 2026 | 4:48 PM
ಪಶು ವೈದ್ಯಾಧಿಕಾರಿ ಹುದ್ದೆ ಅಕ್ರಮದ ತನಿಖೆ ತೀವ್ರಗೊಳಿಸಿರುವ ಸಿಐಡಿ, ಕಲಬುರ್ಗಿಯ ಮಮಿತಾ ಮನೆ ಮೇಲೆ ದಾಳಿ ನಡೆಸಿದೆ. ಕೆಪಿಎಸ್ಸಿ ಸದಸ್ಯೆ ಶಾಂತಾ ಹೊಸಮನಿ ಮೂಲಕ ಮಮಿತಾ ಅಕ್ರಮದಲ್ಲಿ ಭಾಗಿಯಾಗಿದ್ದಾರೆಂಬ ಆರೋಪವಿದ್ದು, ನಾಪತ್ತೆಯಾಗಿರುವ ಶಾಂತಾ ಹೊಸಮನಿಗಾಗಿ ಹುಡುಕಾಟ ನಡೆಸಿರುವ ಸಿಐಡಿ, ಈ ಡೀಲ್ನ ಇನ್ನಷ್ಟು ಸುಳಿವುಗಳನ್ನು ಪತ್ತೆ ಹಚ್ಚಲು ಮುಂದಾಗಿದೆ.
ಕಲಬುರಗಿ, ಸೆಪ್ಟೆಂಬರ್ 09: ಕೆಪಿಎಸ್ಸಿ ಪಶುವೈಧ್ಯಾಧಿಕಾರಿ ನೇಮಕಾತಿ ಅಕ್ರಮ ಸಂಬಂಧ ಸಿಐಡಿ ತನಿಖೆ ಕಲಬುರಗಿವರೆಗೂ ವ್ಯಾಪಿಸಿದ್ದು, ಇಷ್ಟು ದಿನ ಮಧ್ಯವರ್ತಿಗಳು-ಕೆಪಿಎಸ್ ಸಿ ಅಧಿಕಾರಿಗಳ ಮೇಲೆ ದಾಳಿ ಮಾಡಿದ್ದ ಸಿಐಡಿ ಇವತ್ತು ಓರ್ವ ಅಭ್ಯರ್ಥಿ ಮನೆ ಮೇಲೆ ದಾಳಿ ಮಾಡಿ ಶಾಕ್ ಕೊಟ್ಟಿದೆ. ಕೆಪಿಎಸ್ಸಿ ಸದಸ್ಯೆ ಶಾಂತಾ ಹೊಸಮನಿ ಮೂಲಕ ಡೀಲ್ ಮಾಡಿಕೊಂಡು ಹುದ್ದೆ ಪಡೆಯೋಕೆ ಯತ್ನಿಸಿದ ಆರೋಪದ ಹಿನ್ನೆಲೆ ಕಲಬುರಗಿ ನಗರದ ನ್ಯೂ ಓಜಾ ಬಡಾವಣೆಯ ಮಮಿತಾ ಎಂಬವರ ಮನೆ ಮೇಲೆ ಅಧಿಕಾರಿಗಳು ರೇಡ್ ನಡೆಸಿದ್ದಾರೆ. ಮಮಿತಾ ಎಷ್ಡು ಹಣಕ್ಕೆ ಡೀಲ್ ಮಾಡಿದ್ದರು, ಯಾವ ಹುದ್ದೆಗೆ ಡೀಲ್ ಮಾಡಿದ್ದರು ಎಂಬ ಬಗ್ಗೆ ಅಧಿಕಾರಿಗಳು ದಾಖಲೆ ಕಲೆಹಾಕುತ್ತಿದ್ದು, ನಾಪತ್ತೆಯಾಗಿರೋ ಕೆಪಿಎಸ್ಸಿ ಸದಸ್ಯೆ ಶಾಂತಾ ಹೊಸಮನಿಗೂ ಮಮಿತಾಗೂ ಇರೋ ಲಿಂಕ್ ಬಗ್ಗೆಯೂ ಸಿಐಡಿ ಶೋಧ ನಡೆಸುತ್ತಿದೆ.
ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್ ಮಾಡಿ.
Published on: Sep 09, 2026 04:47 PM
Follow Us
