Daily Devotional: ಮಂಗಳ ಗೌರಿ ವ್ರತದ ಮಹತ್ವ ಹಾಗೂ ಆಚರಣೆಯ ಫಲ ತಿಳಿಯಿರಿ

ಬೆಂಗಳೂರು, ಆಗಸ್ಟ್​ 01: ಮಂಗಳ ಗೌರಿ ವ್ರತವು ಶ್ರಾವಣ ಮಾಸದಲ್ಲಿ, ಮುಖ್ಯವಾಗಿ ಮಂಗಳವಾರಗಳಂದು ಆಚರಿಸಲಾಗುವ ಒಂದು ಪುಣ್ಯಕರ ವ್ರತ. ಈ ವ್ರತವು ಪಾರ್ವತಿ ದೇವಿಗೆ ಸಮರ್ಪಿತವಾಗಿದ್ದು, ವಿವಾಹಿತ ಮಹಿಳೆಯರು ತಮ್ಮ ಪತಿಯ ಆರೋಗ್ಯ ಮತ್ತು ಕುಟುಂಬದ ಒಳಿತಿಗಾಗಿ, ಅವಿವಾಹಿತ ಮಹಿಳೆಯರು ಒಳ್ಳೆಯ ವರ ಮತ್ತು ಸುಖಮಯ ಜೀವನಕ್ಕಾಗಿ ಈ ವ್ರತವನ್ನು ಆಚರಿಸುತ್ತಾರೆ. ಐದು ವರ್ಷಗಳ ಕಾಲ ಈ ವ್ರತವನ್ನು ಆಚರಿಸುವುದು ವಾಡಿಕೆಯಾಗಿದ್ದು, ಪ್ರತಿ ವರ್ಷದ ಆಚರಣೆಗೆ ತನ್ನದೇ ಆದ ವಿಶೇಷತೆಗಳಿವೆ. ಪ್ರಥಮ ವರ್ಷ ತವರು ಮನೆಯಲ್ಲಿ ಮತ್ತು ಉಳಿದ ನಾಲ್ಕು ವರ್ಷಗಳು ಪತಿಯ ಮನೆಯಲ್ಲಿ ವ್ರತವನ್ನು ಆಚರಿಸಲಾಗುತ್ತದೆ.