ದರ್ಶನ್ ಮೊದಲ ಸಿನಿಮಾ ‘ಮೆಜೆಸ್ಟಿಕ್’ನ ನಿರ್ಮಾಪಕರು ಹೇಳಿದ್ದು ಒಂದೇ ಮಾತು

ದರ್ಶನ್ (Darshan) ಅವರು ಕನ್ನಡ ಚಿತ್ರರಂಗದಲ್ಲಿ 25 ವರ್ಷ ಕಳೆದಿದ್ದಾರೆ. ದರ್ಶನ್ ಮೊದಲು ನಾಯಕ ನಟನಾಗಿ ನಟಿಸಿದ್ದು ‘ಮೆಜೆಸ್ಟಿಕ್’ ಸಿನಿಮಾನಲ್ಲಿ. ಆ ಸಿನಿಮಾ ದರ್ಶನ್ ಅವರನ್ನು ಸ್ಟಾರ್ ಅನ್ನಾಗಿಸಿತು. ಅಲ್ಲಿಯವರೆಗೂ ನಾಯಕ ನಟನಾಗಿ ನಟಿಸದಿದ್ದ ದರ್ಶನ್ ಅವರನ್ನು ನಾಯಕನನ್ನಾಗಿ ಮಾಡಿದ್ದು ‘ಮೆಜೆಸ್ಟಿಕ್’ ಸಿನಿಮಾದ ನಿರ್ಮಾಪಕ ರಾಮಮೂರ್ತಿ. ಇಂದು ದರ್ಶನ್ 25 ಕಾರ್ಯಕ್ರಮಕ್ಕೆ ಆಗಮಿಸಿದ್ದರು ರಾಮಮೂರ್ತಿ. ದರ್ಶನ್ ಒತ್ತಾಯದ ಮೇರೆಗೆ ವೇದಿಕೆ ಏರಿದ ನಿರ್ಮಾಪಕ ರಾಮಮೂರ್ತಿ ಹೆಚ್ಚೇನೂ ಮಾತನಾಡಲಿಲ್ಲ, ಬದಲಿಗೆ ‘ನಾನು ಕಲಾವಿದನೂ ಅಲ್ಲ, ರಾಜಕಾರಣಿಯೂ ಅಲ್ಲ ಹೆಚ್ಚು ಮಾತನಾಡಲು ಬರಲ್ಲ, ದರ್ಶನ್ ಹೂ ಅಂದರೆ ಈಗಲೂ ಸಿನಿಮಾ ಮಾಡ್ತೀನಿ’ ಎಂದಷ್ಟೆ ಹೇಳಿ ಹೊರಟೇ ಬಿಟ್ಟರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ