10 ಕೋಟಿ ರೂಪಾಯಿ ವಿವಾದ; ಎಲ್ಲಾ ತನಿಖೆ ಎದುರಿಸಲು ಧನ್ವೀರ್ ರೆಡಿ ಎಂದ ಲಾಯರ್

ನಟ ಧನ್ವೀರ್ ಮತ್ತು ವಿಜಯಲಕ್ಷ್ಮಿ ನಡುವಿನ 10 ಕೋಟಿ ರೂಪಾಯಿ ವ್ಯವಹಾರದ ಆರೋಪಗಳ ಕುರಿತು ಧನ್ವೀರ್ ಪರ ವಕೀಲರು ಸ್ಪಷ್ಟನೆ ನೀಡಿದ್ದಾರೆ. ಹಣಕಾಸಿನ ವಿಚಾರದಲ್ಲಿ ಬಂದಿರುವ ಆರೋಪಗಳಿಗೆ ಧನ್ವೀರ್ ಗೌಡ ಅವರು ಜಾರಿ ನಿರ್ದೇಶನಾಲಯ (ಇಡಿ) ಅಥವಾ ಸಿಬಿಐ (ಸಿಬಿಐ) ತನಿಖೆಗೆ ಸಿದ್ಧರಿದ್ದಾರೆ ಎಂದು ಅವರು ಮಾಧ್ಯಮಗಳಿಗೆ ತಿಳಿಸಿದರು. ರಾಜ್ಯದ ಯಾವುದೇ ತನಿಖಾ ಸಂಸ್ಥೆಗಳ ಎದುರು ಹಾಜರಾಗಲು ಧನ್ವೀರ್ ಸಿದ್ಧರಿದ್ದಾರೆ ಎಂದು ವಕೀಲರು ಸ್ಪಷ್ಟಪಡಿಸಿದರು.

‘ನಾವು ನ್ಯಾಯಾಂಗ ವ್ಯವಸ್ಥೆಯ ಮೇಲೆ ಅಪಾರವಾದ ನಂಬಿಕೆಯನ್ನು ಇಟ್ಟುಕೊಂಡಿದ್ದೇವೆ’ ಎಂದು ಧನ್ವೀರ್ ಪರ ವಕೀಲರು ಹೇಳಿದರು. ‘ದರ್ಶನ್ ಜೊತೆಗೆ ಧನ್ವೀರ್ ಹೊಂದಿದ್ದ ಸಂಬಂಧ ಈಗಲೂ ಅದೇ ರೀತಿ ಇದೆ. ಒಡೆದ ಮನಸ್ಸು ಅಥವಾ ಕನ್ನಡಿಗೆ ಹೋಲಿಸುವುದು ಬೇಡ. ಧನ್ವೀರ್ ಯಾವಾಗಲೂ ದರ್ಶನ್ ಅವರ ಪರವಾಗಿದ್ದರು, ಇವತ್ತಿಗೂ ಇದ್ದಾರೆ ಮತ್ತು ಮುಂದೆಯೂ ಇರುತ್ತಾರೆ’ ಎಂದು ಸ್ಪಷ್ಟಪಡಿಸಿದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.