Shani Jayanti and Dog: ಶನಿ ಜಯಂತಿಯ ದಿನ ನವಗ್ರಹಗಳ ಸುತ್ತ 11 ಪ್ರದಕ್ಷಿಣೆ ಹಾಕಿದ ನಾಯಿ! ವಿಡಿಯೋ ನೋಡಿ

ತೆಲಂಗಾಣ ರಾಜ್ಯದ ಕರೀಂನಗರ ಜಿಲ್ಲೆಯ (Karimnagar District ) ಎಲ್ಲರೆಡ್ಡಿಪೇಟೆ ಮಂಡಲದ ರಾಚರ್ಲ ಗೊಲ್ಲಪಲ್ಲಿಯಲ್ಲಿ ಪವಾಡ ಸದೃಶ ಘಟನೆಯೊಂದು ನಡೆದಿದೆ. ಗುರುವಾರ ಶನಿ ಜಯಂತಿ ನಿಮಿತ್ತ ಗ್ರಾಮದ ಗೀತಾ ಮಂದಿರದಲ್ಲಿರುವ ನವ ಗ್ರಹಗಳಿಗೆ (Navagraha) ನಾಯಿಯೊಂದು (Dog) 11 ಪ್ರದಕ್ಷಿಣೆ ಹಾಕಿದ್ದು ಎಲ್ಲರಲ್ಲೂ ಅಚ್ಚರಿ ಮೂಡಿಸಿತು. ಸಾಮಾನ್ಯವಾಗಿ ಶನಿ ಜಯಂತಿಯಂದು (Shani Jayanti) ಭಕ್ತರು ದೇವಸ್ಥಾನದಲ್ಲಿರುವ ನವಗ್ರಹಗಳ ಸುತ್ತ ವಿಶೇಷ ಪೂಜೆಗಳನ್ನು ಶ್ರದ್ಧಾ ಭಕ್ತಿಯಿಂದ ಮಾಡುತ್ತಾರೆ. ನವಗ್ರಹ ದೋಷಗಳನ್ನು ಹೋಗಲಾಡಿಸಲು ಸಾಮಾನ್ಯವಾಗಿ 9 ಅಥವಾ 11 ಬಾರಿ ಪ್ರದಕ್ಷಿಣೆ ಹಾಕುವುದು. ನವಧಾನ್ಯಗಳನ್ನು ಅರ್ಪಿಸುವುದು ಮತ್ತು ತೆಂಗಿನಕಾಯಿ ಒಡೆಯುವುದು ಮಾಡಲಾಗುತ್ತದೆ.

ಆದರೆ ದೇವಸ್ಥಾನದಲ್ಲಿ ಭಕ್ತರು ನವಗ್ರಹಗಳಿಗೆ ಪ್ರದಕ್ಷಿಣೆ ಹಾಕುತ್ತಿದ್ದಾಗ ನಾಯಿಯೊಂದು ಬಂದು ಈ ರೀತಿ ನವಗ್ರಹಗಳಿಗೆ ಪ್ರದಕ್ಷಿಣೆ ಹಾಕಲು ಆರಂಭಿಸಿತು. ಅಲ್ಲಿದ್ದ ಭಕ್ತರು ಪಕ್ಕಕ್ಕೆ ಸರಿದು, ಪ್ರದಕ್ಷಿಣೆ ಹಾಕಲು ನಾಯಿಗೆ ಅವಕಾಶ ಮಾಡಿಕೊಟ್ಟರು. ಅದರಂತೆ ನವಗ್ರಹಗಳ ಪ್ರದಕ್ಷಿಣೆ ಹಾಕಿ ಶ್ವಾನವೂ ತನ್ನ ಭಕ್ತಿಯನ್ನು ತೋರಿತು. ಇದು ಅಲ್ಲಿನ ಭಕ್ತರಲ್ಲಿ ಕುತೂಹಲ ಮೂಡಿಸಿತು. ತಕ್ಷಣ ಅಲ್ಲಿದ್ದ ಭಕ್ತರು ತಮ್ಮ ಮೊಬೈಲ್ ನಲ್ಲಿ ವಿಡಿಯೋ ಹಾಗೂ ಫೋಟೋ ತೆಗೆದು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದ್ದು, ಅದೀಗ ಭಾರೀ ವೈರಲ್ ಆಗಿದೆ (Viral Video).

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂ ಓದಿ: ಧರ್ಮ-ಅಧರ್ಮಗಳ ವ್ಯಾಖ್ಯಾನ ಮಾಡಲಾರೆ, ಚುನಾವಣೆಯಲ್ಲಿ ಸ್ಪರ್ಧೆ ಆರೋಗ್ಯಕರವಾಗಿರಬೇಕು: ಡಾ ಸಿಎನ್ ಮಂಜುನಾಥ್