ಕುಸಿದ ಫ್ಲೈಓವರ್, ದಿಕ್ಕಾಪಾಲಾಗಿ ಓಡಿದ ರಸ್ತೆಯಲ್ಲಿದ್ದ ಜನ: ವಿಡಿಯೋ ನೋಡಿ
ಅವ್ಯವಸ್ಥೆ, ಅನಾಹುತದ ಮಧ್ಯೆ, ಮೇಲ್ಸೇತುವೆ ನಿರ್ಮಾಣದಲ್ಲಿ ಸಂಭಾವ್ಯ ಭ್ರಷ್ಟಾಚಾರದ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಕಳವಳಗಳು ವ್ಯಕ್ತವಾಗಿವೆ. ಅನೇಕರು ಮೇಲ್ಸೇತುವೆ ಕುಸಿತಕ್ಕೆ ಭ್ರಷ್ಟಾಚಾರವನ್ನು ದೂಷಿಸಿದ್ದಾರೆ. ಭ್ರಷ್ಟಾಚಾರವು ಗರಿಷ್ಠ ಮಟ್ಟದಲ್ಲಿದೆ ಎಂದಿದ್ದಾರೆ. ಸಚಿವರೊಬ್ಬರು ಸೇತುವೆಯನ್ನು ಉದ್ಘಾಟಿಸುತ್ತಿರುವಾಗಲೇ ಈ ಘಟನೆ ನಡೆದಿದ್ದರೆ... ಎಂದು ಮತ್ತೊಬ್ಬ ನೆಟಿಜನ್ ಬಯಸಿದ್ದಾರೆ
ಮುಂಬೈ-ಗೋವಾ ಹೆದ್ದಾರಿಯ ( Mumbai-Goa highway) ಮಹಾರಾಷ್ಟ್ರದ ಚಿಪ್ಲುನ್‌ನಲ್ಲಿ ನಿರ್ಮಾಣ ಹಂತದಲ್ಲಿದ್ದ ಮೇಲ್ಸೇತುವೆ (under construction flyover) ಕುಸಿದಿದೆ. ಮೇಲ್ಸೇತುವೆ ಕಟ್ಟಡದ ಗರ್ಡರ್ (girder) ಸೋಮವಾರ ಕುಸಿದಿದ್ದು (collapsed) ಭಾರಿ ಹಾನಿಯಾಗಿದೆ. ನಿರ್ಮಾಣ ಹಂತದಲ್ಲಿದ್ದ ಹೆದ್ದಾರಿ ಕುಸಿತದ ಈ ಭಯಾನಕ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾಗಳಲ್ಲಿ (CCTV camera) ಸೆರೆಯಾಗಿವೆ. ಅದೃಷ್ಟವಶಾತ್, ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂದು ಸುದ್ದಿ ಸಂಸ್ಥೆ ANI ದೃಢಪಡಿಸಿದೆ. ಮಹಾರಾಷ್ಟ್ರದ ರತ್ನಗಿರಿ ಜಿಲ್ಲೆಯ ಚಿಪ್ಲುನ್ ನಗರದಲ್ಲಿ ಈ ಘಟನೆ ನಡೆದಿದೆ. ಪಿಲ್ಲರ್ ಕುಸಿದು, ಫ್ಲೈಓವರ್‌ನ ಒಂದು ಭಾಗ ಕುಸಿದಿದೆ. ಇದರ ಪರಿಣಾಮವಾಗಿ ಸೈಟ್‌ನಲ್ಲಿದ್ದ ಕ್ರೇನ್‌ಗೆ ಹಾನಿಯಾಗಿದೆ.
ಅಧಿಕೃತ ವಕ್ತಾರರ ಪ್ರಕಾರ, ಮುಂಜಾನೆ ಸೇತುವೆಯ ಎತ್ತರದ ಸ್ಥಾನದಲ್ಲಿ ಗರ್ಡರ್ ಇರಿಸುವ ಪ್ರಕ್ರಿಯೆಯಲ್ಲಿ ಬಿರುಕು ಬಿಟ್ಟುಕೊಂಡು ಈ ಅನಾಹುತ ಸಂಭವಿಸಿದೆ. ಬಹಳಷ್ಟು ಕಾಲ ಗರ್ಡರ್ ತೂಗುಯ್ಯಾಲೆಯಾಡುತ್ತಿತ್ತು. ಮುಂಜಾಗ್ರತಾ ಕ್ರಮವಾಗಿ, ಸುತ್ತಮುತ್ತಲಿನ ಪ್ರದೇಶದಲ್ಲಿ ತಕ್ಷಣವೇ ಸಂಚಾರ ಸ್ಥಗತಿಗೊಳಿಸಲಾಯಿತು. ಸರಿಸುಮಾರು ಮಧ್ಯಾಹ್ನದ ವೇಳೆಗೆ ಗರ್ಡರ್ ಅಂತಿಮವಾಗಿ ಪೂರ್ಣವಾಗಿ ಕುಸಿಯಿತು. ಸುಮಾರು 30 ಮೀಟರ್ ಕೆಳಕ್ಕೆ ಕುಸಿದಿದೆ.
#WATCH | Maharashtra | A pillar at the under-construction site of Mumbai-Goa four-lane highway collapsed today morning in Chiplun. Soon after, a portion of the flyover also collapsed, damaging a crane machine that was being used at the site. No injuries or casualties were… pic.twitter.com/m5iVsXCPhi
— ANI (@ANI) October 16, 2023
ಅವ್ಯವಸ್ಥೆ, ಅನಾಹುತದ ಮಧ್ಯೆ, ಮೇಲ್ಸೇತುವೆ ನಿರ್ಮಾಣದಲ್ಲಿ ಸಂಭಾವ್ಯ ಭ್ರಷ್ಟಾಚಾರದ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಕಳವಳಗಳು ವ್ಯಕ್ತವಾಗಿವೆ. ಅನೇಕರು ಮೇಲ್ಸೇತುವೆ ಕುಸಿತಕ್ಕೆ ಭ್ರಷ್ಟಾಚಾರವನ್ನು ದೂಷಿಸಿದ್ದಾರೆ. ಭ್ರಷ್ಟಾಚಾರವು ಗರಿಷ್ಠ ಮಟ್ಟದಲ್ಲಿದೆ ಎಂದಿದ್ದಾರೆ. ಸಚಿವರೊಬ್ಬರು ಸೇತುವೆಯನ್ನು ಉದ್ಘಾಟಿಸುತ್ತಿರುವಾಗಲೇ ಈ ಘಟನೆ ನಡೆದಿದ್ದರೆ… ಎಂದು ಮತ್ತೊಬ್ಬ ನೆಟಿಜನ್ ಬಯಸಿದ್ದು, ನಿರ್ಮಾಣ ಯೋಜನೆ ನಿರ್ವಹಣೆಯಲ್ಲಿ ಅಸಡ್ಡೆ ಎದ್ದುಕಾಡುತ್ತಿದೆ ಎಂದಿದ್ದಾರೆ.
Published On - 5:51 pm, Thu, 19 October 23
