ಕಳ್ಳರ ಪತ್ತೆಗೆ ಅಂಗಡಿಗಳಿಗೆ ಅಳವಡಿಸಿದ್ದ ಸಿಸಿ ಕ್ಯಾಮೆರಾವನ್ನೇ ಕದ್ದ ಖದೀಮ

ಹಾಸನ, ಸೆಪ್ಟೆಂಬರ್‌ 19:  ಕಳ್ಳತನ, ಅಪರಾಧಗಳನ್ನು ತಡೆಯುವುದು ಮತ್ತು ಅವುಗಳನ್ನು ದಾಖಲಿಸುವ ಸಲುವಾಗಿ ಸಿಸಿ ಟಿವಿ ಕ್ಯಾಮೆರಾಗಳನ್ನು (CCTV camera) ಅಳವಡಿಸುತ್ತಾರೆ. ಆದರೆ ಇದೀಗ ಅದೇ ಕ್ಯಾಮೆರಾವನ್ನು ಖದೀಮನೊಬ್ಬ ಕಳ್ಳತನ ಮಾಡಿದ್ದಾನೆ. ಹಾಸನದ ಹೊಳೆನರಸೀಪುರ ಪೇಟೆ ಬೀದಿಯಲ್ಲಿ ಪೊಲೀಸರ ಸೂಚನೆಯ ಮೇರೆಗೆ ಅಂಗಡಿಗಳಲ್ಲಿ ಅಳವಡಿಸಲಾಗಿದ್ದ 3 ಸಿಸಿ ಕ್ಯಾಮೆರಾವನ್ನು ಕಳ್ಳನೊಬ್ಬ ಕದ್ದಿದ್ದಾನೆ.  ನಮ್ಮ ಸೇಫ್ಟಿಗಾಗಿ ನಾವು ಅಳವಿಡಿಸಿದ ಕ್ಯಾಮೆರಾಗಳನ್ನೇ ಕದ್ದರೆ ಏನು ಕಥೆ, ಈ ಬಗ್ಗೆ ಸಂಬಂಧಪಟ್ಟ ಅಧಿಕಾರಿಗಳು ಗಮನಹರಿಸಿ, ಎಲ್ಲಾ ವರ್ತಕರು ಹಾಗೂ ಮನೆಯವರಿಗೆ ತೊಂದರೆಯಾಗದಂತೆ ವ್ಯವಸ್ಥೆ ಮಾಡಿಕೊಡಿ ಎಂದು ಸ್ಥಳೀಯರೊಬ್ಬರು ಕೇಳಿಕೊಂಡಿದ್ದಾರೆ.

ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ