Head Bush: ‘ಮದುವೆಯಿಂದ ನನ್ನ ಜೀವನದಲ್ಲಿ ಏನೂ ಬದಲಾಗಿಲ್ಲ’; ಶ್ರುತಿ ಹರಿಹರನ್​

ನಟಿ ಶ್ರುತಿ ಹರಿಹರನ್ (Sruthi Hariharan)​ ಅವರು ಚಿಕ್ಕ ಗ್ಯಾಪ್​ ಬಳಿಕ ಮತ್ತೆ ಬಂದಿದ್ದಾರೆ. ಅನೇಕ ಸಿನಿಮಾಗಳಲ್ಲಿ ಅವರು ನಟಿಸುತ್ತಿದ್ದಾರೆ. ಡಾಲಿ ಧನಂಜಯ್​ ಮುಖ್ಯ ಭೂಮಿಕೆ ನಿಭಾಯಿಸಿರುವ ‘ಹೆಡ್​ ಬುಷ್​’ (Head Bush) ಚಿತ್ರದಲ್ಲಿ ಶ್ರುತಿ ಹರಿಹರನ್​ ಅವರು ನಟಿಸಿದ್ದಾರೆ. ಮದುವೆ ಬಳಿಕ ಕೆಲವು ನಟಿಯರು ತೆರೆಮರೆಗೆ ಸರಿಯುತ್ತಾರೆ. ಆದರೆ ಶ್ರುತಿ ಹರಿಹರನ್​ ಹಾಗಲ್ಲ. ಮದುವೆಯು ತಮ್ಮ ವೃತ್ತಿಜೀವನದ ಮೇಲೆ ಏನೂ ಪರಿಣಾಮ ಬೀರಿಲ್ಲ ಎಂದು ಅವರು ಹೇಳಿದ್ದಾರೆ. ‘ಮದುವೆ ನಂತರ ನನ್ನ ಜೀವನದಲ್ಲಿ ಏನೂ ಬದಲಾಗಿಲ್ಲ. ಪತಿ ರಾಮ್​ ಅವರು ಲೂಸಿಯಾಗಿಂತ ಮೊದಲೇ ನನ್ನ ಜೀವನದ ಮುಖ್ಯ ಭಾಗ ಆಗಿದ್ದರು. ಮದುವೆ ಬಳಿಕವೂ ಅದು ಮುಂದುವರಿದಿದೆ. ಮಗು ಜನಿಸಿದ ಬಳಿಕ ಜೀವನದಲ್ಲಿ ಬದಲಾವಣೆ ಆಯ್ತು. ಸಿನಿಮಾ ಮಾಡುವಾಗ ನನ್ನ ಅರ್ಧ ಮನಸ್ಸು ಮಗು ಕಡೆಗೆ ಇರುತ್ತದೆ’ ಎಂದು ಶ್ರುತಿ ಹರಿಹರನ್​ ಹೇಳಿದ್ದಾರೆ.