ಬಲೂಚ್ ದಂಗೆಕೋರರು ಪಾಕ್ ಪ್ಯಾಸೆಂಜರ್ ರೈಲನ್ನು ಹೈಜಾಕ್ ಮಾಡಿದ್ದು ಹೇಗೆಂಬ ವಿಡಿಯೋ ಇಲ್ಲಿದೆ
Updated on: Mar 12, 2025 | 4:59 PM
ಬಲೂಚ್ ದಂಗೆಕೋರರು ಪಾಕಿಸ್ತಾನದ ಪ್ಯಾಸೆಂಜರ್ ರೈಲನ್ನು ಅಪಹರಿಸಿದ್ದು ಹೇಗೆ ಎಂಬುದನ್ನು ತೋರಿಸುವ ವೀಡಿಯೊ ವೈರಲ್ ಆಗಿದೆ. ಈ ವಿಡಿಯೋವನ್ನ ಬಲೂಚಿಸ್ತಾನದ ದಂಗೆಕೋರರೇ ಬಿಡುಗಡೆ ಮಾಡಿದ್ದಾರೆ. 400ಕ್ಕೂ ಹೆಚ್ಚು ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿದ್ದ ಜಾಫರ್ ಎಕ್ಸ್‌ಪ್ರೆಸ್ ರೈಲು ಸಿಬಿ ನಗರದ ಮೂಲಕ ಹಾದುಹೋಗುತ್ತಿರುವಾಗ ಹಳಿಗಳ ಮೇಲೆ ಬಾಂಬ್ ಸ್ಫೋಟ ಸಂಭವಿಸಿ ಅದು ನಿಂತಿದೆ.
ಬಲೂಚಿಸ್ತಾನ, (ಮಾರ್ಚ್ 12): ಪಾಕಿಸ್ತಾನದ ಬಲೂಚಿಸ್ತಾನ್ ಪ್ರಾಂತ್ಯದಲ್ಲಿ ಪೇಶಾವರಕ್ಕೆ ಹೋಗುವ ಪ್ಯಾಸೆಂಜರ್ ರೈಲನ್ನು ಅಪಹರಿಸಿದ ಬಲೂಚ್ ದಂಗೆಕೋರರು ಪ್ರಯಾಣಿಕರನ್ನು ಒತ್ತೆಯಾಳಾಗಿ ಇಟ್ಟುಕೊಳ್ಳುವ ಮೊದಲು ರೈಲು ಹಳಿಯನ್ನು ಸ್ಫೋಟಿಸಿ ಹೇಗೆ ರೈಲನ್ನು ನಿಲ್ಲಿಸಿದ್ದು ಎಂಬುದನ್ನು ತೋರಿಸುವ ವೀಡಿಯೊವನ್ನು ಬಿಡುಗಡೆ ಮಾಡಿದ್ದಾರೆ. ಉಗ್ರರು ಬಿಡುಗಡೆ ಮಾಡಿರುವ ಈ ವಿಡಿೋದಲ್ಲಿ ಹಳಿಗಳ ಮೇಲೆ ಬಾಂಬ್ ಸ್ಫೋಟ ಸಂಭವಿಸಿ, ರೈಲು ಸುರಂಗದ ಬಳಿ ನಿಲ್ಲುವುದನ್ನು ನೋಡಬಹುದು. ಹೆಚ್ಚಾಗಿ ಭದ್ರತಾ ಸಿಬ್ಬಂದಿಯಿದ್ದ 400ಕ್ಕೂ ಹೆಚ್ಚು ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿದ್ದ ಜಾಫರ್ ಎಕ್ಸ್‌ಪ್ರೆಸ್ ರೈಲು ಸಿಬಿ ನಗರದ ಮೂಲಕ ಹಾದುಹೋಗುತ್ತಿರುವಾಗ ಅದನ್ನು ಹೈಜಾಕ್ ಮಾಡಲಾಗಿತ್ತು. ಈ ಕಾರ್ಯಾಚರಣೆಯಲ್ಲಿ ಉಗ್ರರ ಗುಂಡೇಟಿಗೆ ರಕ್ಷಣಾ ಕಾರ್ಯಾಚರಣೆಯಲ್ಲಿದ್ದ 20ಕ್ಕೂ ಹೆಚ್ಚು ಪಾಕ್ ಸೈನಿಕರು ಮೃತಪಟ್ಟಿದ್ದರು. ಬಳಿಕ ಪಾಕ್ ಮಿಲಿಟರಿ 27 ಉಗ್ರರನ್ನು ಹತ್ಯೆ ಮಾಡಿ 155 ಒತ್ತೆಯಾಳಗಳನ್ನು ರಕ್ಷಣೆ ಮಾಡಿತ್ತು.
ಕ್ವೆಟ್ಟಾದಿಂದ ಪೇಶಾವರಕ್ಕೆ ಹೋಗುತ್ತಿದ್ದ ರೈಲಿನ ಎಂಜಿನ್ ಮತ್ತು ಮೊದಲ ಎರಡು ವಿಭಾಗಗಳಿಂದ ಕಪ್ಪು ಹೊಗೆಯ ದೊಡ್ಡ ದಂಗೆಗಳು ಹೊರಬರುವುದನ್ನು ವೀಡಿಯೊ ತೋರಿಸುತ್ತದೆ. ನಂತರ ಬಂದೂಕು ಹಿಡಿದ ಉಗ್ರಗಾಮಿಗಳು ಪ್ರಯಾಣಿಕರನ್ನು ಒತ್ತೆಯಾಳಾಗಿ ತೆಗೆದುಕೊಂಡು ರೈಲಿನಿಂದ ಇಳಿಸುವುದನ್ನು ವೀಡಿಯೊ ತೋರಿಸುತ್ತದೆ.
ಇನ್ನಷ್ಟು ವೀಡಿಯೊ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
