ಆಮ್​ ಆದ್ಮಿ ಪಕ್ಷಕ್ಕೆ ಸೇರ್ಪಡೆಯಾದ ಟೆನ್ನಿಸ್​ ಕೃಷ್ಣ; ಖ್ಯಾತ ಹಾಸ್ಯ ನಟ ಈಗ ರಾಜಕಾರಣಿ

ನಟ ಟಿನ್ನಿಸ್​ ಕೃಷ್ಣ (Tennis Krishna) ಅವರು ಈಗ ರಾಜಕೀಯಕ್ಕೆ ಕಾಲಿಟ್ಟಿದ್ದಾರೆ. ಚಿತ್ರರಂಗದಲ್ಲಿ ಯಶಸ್ಸು ಕಂಡ ನಂತರ ರಾಜಕಾರಣಕ್ಕೆ ಎಂಟ್ರಿ ನೀಡಿದ ಹಲವರ ಸಾಲಿಗೆ ಅವರು ಕೂಡ ಸೇರ್ಪಡೆ ಆಗಿದ್ದಾರೆ. ಆಮ್​ ಆದ್ಮಿ ಪಕ್ಷದಿಂದ (Aam Aadmi Party) ಅವರು ಈಗ ಹೊಸ ಇನ್ನಿಂಗ್ಸ್​ ಆರಂಭಿಸಿದ್ದಾರೆ. ಟೆನ್ನಿಸ್​ ಕೃಷ್ಣ ಅವರನ್ನು ಆಮ್​ ಆದ್ಮಿ ಪಕ್ಷದ (AAP) ರಾಜ್ಯಾಧ್ಯಕ್ಷ ಪೃಥ್ವಿ ರೆಡ್ಡಿ ಬರಮಾಡಿಕೊಂಡಿದ್ದಾರೆ. ‘ಅಧಿಕಾರಕ್ಕಾಗಿ ಪಕ್ಷಕ್ಕೆ ಸೇರಿಲ್ಲ. ಜನಸೇವೆಯಾಗಿ ಸೇರಿದ್ದೇನೆ’ ಎಂದು ಟೆನ್ನಿಸ್​ ಕೃಷ್ಣ ಹೇಳಿದ್ದಾರೆ.