ಬೆಂಗಳೂರು: ಬಾಗಲೂರು ಅಪಘಾತದಲ್ಲಿ ಮಡಿದ ನಂದಿನಿ ಏರೋನಾಟಿಕಲ್ ಇಂಜಿನೀಯರ್, ದುಃಖ ತಡೆಯಲಾಗದ ತಂದೆ

ಬೆಂಗಳೂರು, ಜೂನ್ 27: ಕೆಲವರ ಬದುಕಿನಲ್ಲಿ ವಿಧಿ ಏನೆಲ್ಲ ಆಟಗಳನ್ನಾಡುತ್ತದೆ ಅಂತ ನೋಡಿ. ಇವರ ಮಗಳು ನಂದಿನಿ ನಿನ್ನೆ ಸಾಯಂಕಾಲ ಕೆಲಸ ಮುಗಿಸಿಕೊಂಡು ಬಾಗಲೂರಿನಲ್ಲಿರುವ ತನ್ನ ಪಿಜಿಗೆ ಹೋಗುವಾಗ ನಡೆದ ರಸ್ತೆ ಅಪಘಾತದಲ್ಲಿ ದಾರುಣ ಸಾವನ್ನಪ್ಪಿದ್ದಾರೆ. 24 ವರ್ಷದವರಾಗಿದ್ದ ನಂದಿನಿ [Nandini (24)] ಖಾಸಗಿ ಕಂಪನಿಯೊಂದರಲ್ಲಿ ಏರೋನಾಟಿಕಲ್ ಇಂಜಿನೀಯರ್ ಆಗಿ ಕೆಲಸ ಮಾಡುತ್ತಿದ್ದರೆಂದು ತಂದೆ ಹೇಳುತ್ತಾರೆ. ತಮಗಿರುವ ಎರಡು ಹೆಣ್ಣುಮಕ್ಕಳನ್ನು ಅವರು ಗಂಡು ಮಕ್ಕಳೆಂದೇ ಸಲುಹಿ ಬೆಳಸಿದ್ದಾರೆ, ದೊಡ್ಡವಳು ನಂದಿನಿ ಬಿಟೆಕ್ ಎಎಂಈ ಮಾಡಿಕೊಂಡು ಕೆಲಸಕ್ಕೆ ಸೇರಿದ್ದರೆ ಚಿಕ್ಕವಳು ಇನ್ನೂ ಓದುತ್ತಿದ್ದಾಳೆ. ಬಾಗಲೂರು ಕೆಐಎಡಿಬಿ ಜಂಕ್ಷನ್​ನಲ್ಲಿ ನಂದಿನಿ ದ್ವಿಚಕ್ರವಾಹನಕ್ಕೆ ಗುದ್ದಿ ಸುಮಾರು ದೂರದವರೆಗೆ ಎಳೆದೊಯ್ದ ಕಾರಿನ ಚಾಲಕಿ ಮದ್ಯದ ಅಮಲಿನಲ್ಲಿದ್ದಳು ಎಂದು ನಂದಿನಿ ತಂದೆ ಹೇಳುತ್ತಾರೆ.

ಇದನ್ನೂ ಓದಿ: ರಸ್ತೆ ಅಪಘಾತದಲ್ಲಿ ಇಂಡಿಯನ್ ಐಡಲ್ ವಿನ್ನರ್ ಪವನ್​ದೀಪ್​ ರಾಜನ್​ಗೆ ಗಂಭೀರ ಗಾಯ

ವಿಡಿಯೋ ಸುದ್ದಿಗಳಿಗಾಗಿ ಕ್ಲಿಕ್ ಮಾಡಿ