ಕರ್ನಾಟಕ ಬುಲ್ಡೋಜರ್ಸ್​ ಆಟಗಾರರಿಗೆ ತಿಲಕ ಇಟ್ಟು ವಿಶ್​ ಮಾಡಿದ ಪ್ರಿಯಾ ಸುದೀಪ್​

ತಿರುವನಂತಪುರಂನಲ್ಲಿ ‘ಸೆಲೆಬ್ರಿಟಿ ಕ್ರಿಕೆಟ್ ಲೀಗ್​’ (Celebrity Cricket League) ಫೈನಲ್​ ಪಂದ್ಯ ನಡೆಯುತ್ತಿದೆ. ಕರ್ನಾಟಕ ಬುಲ್ಡೋಜರ್ಸ್​ ಮತ್ತು ಬೆಂಗಾಲ್​ ಟೈಗರ್ಸ್​ ತಂಡಗಳು ಅಂತಿಮ ಪಂದ್ಯದಲ್ಲಿ ಹಣಾಹಣಿ ನಡೆಸುತ್ತಿವೆ. 10 ಓವರ್​ಗಳ ಎರಡು ಇನ್ನಿಂಗ್ಸ್​ನಲ್ಲಿ ಸೆಣೆಸಾಟ ನಡೆಯುತ್ತಿದೆ. ಕರ್ನಾಟಕ ಬುಲ್ಡೋಜರ್ಸ್​ (Karnataka Bulldozers) ಕಂಡದಲ್ಲಿ ಕಿಚ್ಚ ಸುದೀಪ್​, ಜೆಕೆ, ಡಾರ್ಲಿಂಗ್​ ಕೃಷ್ಣ, ಸುನೀಲ್​ ರಾವ್​, ಪ್ರದೀಪ್​ ಮುಂತಾದವರು ಆಡುತ್ತಿದ್ದಾರೆ. ಆಟಗಾರರನ್ನು ಹುರಿದುಂಬಿಸಲು ಕನ್ನಡ ಚಿತ್ರರಂಗದ ಅನೇಕ ತಾರೆಯರು ತಿರುವನಂತಪುರಂಗೆ ತೆರಳಿದ್ದಾರೆ. ಕಿಚ್ಚ ಸುದೀಪ್​ ಅವರ ಪತ್ನಿ ಪ್ರಿಯಾ ಕೂಡ ಆಟಗಾರರಿಗೆ ಪ್ರೋತ್ಸಾಹ ನೀಡಿದ್ದಾರೆ. ಕರ್ನಾಟಕ ಬುಲ್ಡೋಜರ್ಸ್​ ತಂಡದ ಆಟಗಾರರಿಗೆ ತಿಲಕ ಇಟ್ಟು ಪ್ರಿಯಾ ಸುದೀಪ್​ (Priya Sudeep) ಅವರು ಆಲ್​ದಿ ಬೆಸ್ಟ್​ ಹೇಳಿದ್ದಾರೆ. ಬೆಂಗಾಲ್​ ಟೈಗರ್ಸ್​ ತಂಡವು 10 ಓವರ್​ಗಳ ಮೊದಲ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್​ ಮಾಡಿ 118 ರನ್​ ಕಲೆಹಾಕಿದೆ. ಕರ್ನಾಟಕ ಬುಲ್ಡೋಜರ್ಸ್​ ಗೆಲ್ಲಬೇಕು ಎಂದು ಫ್ಯಾನ್ಸ್​ ಹಾರೈಸುತ್ತಿದ್ದಾರೆ. ಕಿಚ್ಚ ಸುದೀಪ್ ಅವರು ನಟನೆಯ ಜೊತೆಗೆ ಕ್ರಿಕೆಟ್​ನಲ್ಲೂ ಅಪಾರ ಆಸಕ್ತಿ ಹೊಂದಿದ್ದಾರೆ. ಸಿಸಿಎಲ್​ನಲ್ಲಿ ಅವರು ಸಕ್ರಿಯವಾಗಿ ಭಾಗಿ ಆಗುತ್ತಾರೆ. ಎಲ್ಲ ಭಾಷೆಯ ಸೆಲೆಬ್ರಿಟಿಗಳನ್ನು ಒಂದೆಡೆ ಸೇರಿಸುವಲ್ಲಿಯೂ ಸಿಸಿಎಲ್​ ಮಹತ್ವದ ಪಾತ್ರ ವಹಿಸಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.