ಬಿಗ್ ಬಾಸ್ನಲ್ಲಿ ‘ಕಣ್ಣೇ ಅದಿರಿಂದಿ’ ಗಾಯಕಿ ಮಂಗ್ಲಿ? ಹೆಚ್ಚಿತು ವೀಕ್ಷಕರ ನಿರೀಕ್ಷೆ
ಗಾಯಕಿ ಮಂಗ್ಲಿ ಜೊತೆಗೆ ಆ್ಯಂಕರ್ ರವಿ, ಶರಣ್ ನಟನೆಯ ‘ಅಧ್ಯಕ್ಷ’ ಸಿನಿಮಾದ ನಾಯಕಿ ಹೆಬ್ಬಾ ಪಟೇಲ್ ಸೇರಿದಂತೆ ಅನೇಕರ ಹೆಸರು ಕೇಳಿಬರುತ್ತಿದೆ. ಸೆಪ್ಟೆಂಬರ್ನಿಂದ ‘ಬಿಗ್ ಬಾಸ್ ತೆಲುಗು ಸೀಸನ್ 5’ ಆರಂಭ ಆಗಲಿದೆ.
ಪ್ರತಿ ಬಾರಿ ಬಿಗ್ ಬಾಸ್ (Bigg Boss ) ಹೊಸ ಸೀಸನ್ ಆರಂಭವಾಗುವಾಗ ಒಂದಷ್ಟು ಜನರ ಹೆಸರುಗಳು ಕೇಳಿಬರುತ್ತವೆ. ಮನರಂಜನಾ ಕ್ಷೇತ್ರದಲ್ಲಿ ಆಯಾ ವರ್ಷ ಫೇಮಸ್ ಆದ ಮಂದಿಯನ್ನು ದೊಡ್ಮನೆಗೆ ಕರೆತರಲು ಕಾರ್ಯಕ್ರಮದ ಆಯೋಜಕರು ಪ್ರಯತ್ನಿಸುತ್ತಾರೆ. ಅದೇ ರೀತಿ ಈಗ ಖ್ಯಾತ ಗಾಯಕಿ ಮಂಗ್ಲಿ ( Mangli) ಅವರಿಗೆ ತೆಲುಗು ಬಿಗ್ ಬಾಸ್ (Bigg Boss Telugu) ಕಡೆಯಿಂದ ಆಫರ್ ಹೋಗಿದೆ ಎಂಬ ಮಾತು ಕೇಳಿಬರುತ್ತಿದೆ. ದರ್ಶನ್ ನಟನೆಯ ‘ರಾಬರ್ಟ್’ (Roberrt) ಸಿನಿಮಾದ ‘ಕಣ್ಣೇ ಅದಿರಿಂದಿ..’ (Kanne Adhirindhi) ಹಾಡಿಗೆ ಧ್ವನಿ ನೀಡಿದ ಬಳಿಕ ಮಂಗ್ಲಿ ಅವರ ಜನಪ್ರಿಯತೆ ಕರುನಾಡಿನಲ್ಲಿ ಹೆಚ್ಚಿತು. ಈಗ ಅವರು ಬಿಗ್ ಬಾಸ್ಗೆ ಹೋಗಬಹುದು ಎಂಬ ಸುದ್ದಿ ಕೇಳಿ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ.
ಈ ವಿಚಾರದ ಬಗ್ಗೆ ಮಂಗ್ಲಿ ಕಡೆಯಿಂದ ಯಾವುದೇ ಪ್ರತಿಕ್ರಿಯೆ ಸಿಕ್ಕಿಲ್ಲ. ಈವರೆಗೂ 4 ಸೀಸನ್ಗಳನ್ನು ಯಶಸ್ವಿಯಾಗಿ ಮುಗಿಸಿರುವ ತೆಲುಗು ಬಿಗ್ ಬಾಸ್ ಈಗ 5ನೇ ಸೀಸನ್ಗೆ ಸಜ್ಜಾಗುತ್ತಿದೆ. ಎಲ್ಲವೂ ಅಂದುಕೊಂಡಂತೆ ನಡೆದಿದ್ದರೆ ಜೂನ್ ತಿಂಗಳಲ್ಲೇ ಬಿಗ್ ಬಾಸ್ ಆರಂಭಗೊಳ್ಳಬೇಕಿತ್ತು. ಆದರೆ, ಕೊವಿಡ್ ಎರಡನೇ ಅಲೆ ಕಾರಣದಿಂದ ತಡವಾಗಿದೆ. ಸೆಪ್ಟೆಂಬರ್ನಿಂದ ‘ಬಿಗ್ ಬಾಸ್ ತೆಲುಗು ಸೀಸನ್ 5’ ಆರಂಭ ಆಗಲಿದೆ. ಈ ಬಾರಿ ನಾಗಾರ್ಜುನ ಅವರು ನಿರೂಪಣೆ ಮಾಡುವ ಸಾಧ್ಯತೆ ಇದೆ.
ಇದನ್ನೂ ಓದಿ:
ಕೈಎತ್ತಿ ಮುಗಿವೆ ಕರುನಾಡ ಪ್ರೇಮಕ್ಕೆ ಎಂದು ಮಂಗ್ಲಿ ಟ್ವಿಟ್ ಮಾಡಿ ಹೇಳಿದ್ದೇನು?
ಬಿಗ್ ಬಾಸ್ ಫಿನಾಲೆಯಲ್ಲಿ ಸುದೀಪ್ ಅಕ್ಕ-ಪಕ್ಕ ನಿಲ್ಲುವ ಸ್ಪರ್ಧಿಗಳು ಇವರೇನಾ? ಸಿಕ್ತು ಮತ್ತೊಂದು ಸಾಕ್ಷಿ