‘ನೀವು ಶಿವನ ಕತ್ತಿನಲ್ಲಿರುವ ನಾಗರಹಾವು’; ಆರ್ಯವರ್ಧನ್ ಸ್ಪಷ್ಟನೆ ಕೇಳಿ ದಂಗಾದ ರೂಪೇಶ್ ರಾಜಣ್ಣ

ಶನಿವಾರದ (ಡಿಸೆಂಬರ್ 3) ಎಪಿಸೋಡ್​ನಲ್ಲಿ ರೂಪೇಶ್ ರಾಜಣ್ಣ (Roopesh Rajanna) ಅವರನ್ನು ನಾಗರಹಾವಿಗೆ ಹೋಲಿಕೆ ಮಾಡಿದ್ದರು ಆರ್ಯವರ್ಧನ್. ಇದು ಸ್ವತಃ ರೂಪೇಶ್ ರಾಜಣ್ಣಗೆ ಅಚ್ಚರಿ ಮೂಡಿಸಿತ್ತು. ನನ್ನನ್ನು ಆರ್ಯವರ್ಧನ್ (Aryavardhan) ಹೀಗೇಕೆ ಕರೆದರು ಎಂದು ಆಲೋಚಿಸುತ್ತಲೇ ಇದ್ದರು. ಇದಕ್ಕೆ ಸ್ಪಷ್ಟನೆ ನೀಡಿದ್ದ ಆರ್ಯವರ್ಧನ್​, ‘ನೀವು ಸಾಮಾನ್ಯ ಹಾವಲ್ಲ. ಈಶ್ವರನ ಕತ್ತಿನಲ್ಲಿ ಇರುತ್ತೀರಲ್ಲ ಆ ನಾಗರಹಾವು. ನಾನು ಆ ಅರ್ಥದಲ್ಲಿ ಹೇಳಿದ್ದು’ ಎಂದಿದ್ದಾರೆ. ಈ ಮಾತನ್ನು ಕೇಳಿ ರೂಪೇಶ್ ರಾಜಣ್ಣ ದಂಗಾಗಿದ್ದಾರೆ. ಸುದೀಪ್ ಎದುರು ಈ ವಿಚಾರ ಚರ್ಚೆಗೆ ಬಂದಿದೆ. ಆ ಕುರಿತು ಕಲರ್ಸ್ ಕನ್ನಡ ವಾಹಿನಿ ಪ್ರೋಮೋ ಹಂಚಿಕೊಂಡಿದೆ.