Viral Video: ಲಿಫ್ಟ್​ನೊಳಗೆ ಮೂತ್ರ ಮಾಡಿದ ಬಾಲಕ ಶಾಕ್; ಮಾಡಿದ್ದುಣ್ಣೋ ಮಾರಾಯ ಎಂದ ನೆಟ್ಟಿಗರು

ಲಿಫ್ಟ್​ನಲ್ಲಿ ತನ್ನ ಮನೆಗೆ ಹೋಗಲು ಲಿಫ್ಟ್ ಹತ್ತಿದ ಬಾಲಕನೊಬ್ಬನಿಗೆ ಸ್ವಲ್ಪ ತರಲೆ ಮಾಡುವ ಮನಸಾಯಿತು. ಹೀಗಾಗಿ, ಲಿಫ್ಟ್​ ಬಟನ್​ಗಳ ಮೇಲೆ ಮೂತ್ರ ಮಾಡಿದ್ದಾನೆ. ಆದರೆ, ಮೂತ್ರ ತಾಗುತ್ತಿದ್ದಂತೆ ಆ ಲಿಫ್ಟ್ ಜಾಮ್ ಆಗಿ ಮಧ್ಯದಲ್ಲೇ ನಿಂತುಬಿಟ್ಟಿತು. ಇದರಿಂದ ಶಾಕ್ ಆದ ಆ ಬಾಲಕ ತನ್ನ ಚಡ್ಡಿಯನ್ನು ಮೇಲೆತ್ತಿಕೊಂಡು ಕಿರುಚಾಡಿದ್ದಾನೆ, ತಲೆಕೂದಲು ಜಗ್ಗಿಕೊಂಡು ಗೋಳಾಡಿದ್ದಾನೆ. ಲಿಫ್ಟ್ ಬಾಗಿಲು ತೆರೆಯಲು ಪ್ರಯತ್ನ ಮಾಡಿ ಒದ್ದಾಡಿದ್ದಾನೆ. ಈ ದೃಶ್ಯ ಲಿಫ್ಟ್​ನೊಳಗಿದ್ದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ರಷ್ಯಾದ ಅಪಾರ್ಟ್​ಮೆಂಟ್​ವೊಂದರಲ್ಲಿ ಈ ಘಟನೆ ನಡೆದಿದೆ. ಕೊನೆಗೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಆ ಬಾಲಕನನ್ನು ಲಿಫ್ಟ್​ನಿಂದ ಹೊರಗೆ ತಂದಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಇನ್​ಸ್ಟಂಟ್ ಕರ್ಮ ಎಂದರೆ ಇದೇ ನೋಡಿ ಎಂದು ಲೇವಡಿ ಮಾಡಿದ್ದಾರೆ.

ಇನ್ನಷ್ಟು ವಿಡಿಯೋ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ