ಜಾಗತಿಕ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಟ್ರೆಂಡ್ ಸೃಷ್ಟಿಸಿದ ಸ್ಯಾಮ್ಸಂಗ್ ಫೋಲ್ಡ್ ಸಿರೀಸ್ ಫೋನ್ ಸರಣಿಯಲ್ಲಿ ಮತ್ತೊಂದು ಆಕರ್ಷಕ ಫೋಲ್ಡಿಂಗ್ ಮತ್ತು ಫ್ಲಿಪ್ ಫೋನ್ ಮಾರುಕಟ್ಟೆ ಪ್ರವೇಶಿಸಲು ಸಜ್ಜಾಗಿದೆ. ಲೇಟೆಸ್ಟ್ ಸ್ಯಾಮ್ಸಂಗ್ ಗ್ಯಾಲಕ್ಸಿ ಸ್ಮಾರ್ಟ್ಫೋನ್ ಸರಣಿ ಬಿಡುಗಡೆಗೆ ಸ್ಯಾಮ್ಸಂಗ್, ಜುಲೈ 26ರಂದು ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಈವೆಂಟ್ ಆಯೋಜಿಸಿದೆ. ಈ ಬಾರಿ ಸ್ಯಾಮ್ಸಂಗ್, ಗ್ಯಾಲಕ್ಸಿ ಸರಣಿಯಲ್ಲಿ ಟ್ಯಾಬ್ ಎಸ್ ಸರಣಿ, ಗ್ಯಾಲಕ್ಸಿ ವಾಚ್ 6 ಸರಣಿ ಜತೆಗೆ ಗ್ಯಾಲಕ್ಸಿ ಫೋಲ್ಡ್ 5 ಮತ್ತು ಫ್ಲಿಪ್ 5 ಸಿರೀಸ್ ಮಾರುಕಟ್ಟೆಗೆ ಲಗ್ಗೆ ಇರಿಸುತ್ತಿವೆ. ಹೊಸ ಫೋನ್ ಆಗಸ್ಟ್ನಲ್ಲಿ ಖರೀದಿಗೆ ದೊರೆಯಲಿದೆ.