Satish Jarkiholi: ಸರ್ವರ್ ಹ್ಯಾಕ್ ಅಂತ ಸುಳ್ಳು ಆರೋಪ ಮಾಡಿದ್ದ ಸಚಿವ ಸತೀಶ್ ಜಾರಕಿಹೊಳಿ ತಪ್ಪನ್ನು ಸಮರ್ಥಿಸಿಕೊಂಡ ಬಗೆ ಆಘಾತಕಾರಿ!
Updated on: Jun 21, 2023 | 4:30 PM
ಮುಖ್ಯಮಂತ್ರಿ ಸಿದ್ದರಾಮಯ್ಯ ತಮ್ಮ ಸಂಪುಟ ಸಚಿವರಿಗೆ ಗಂಭೀರ ಮತ್ತು ತೂಕದ ಮಾತಿಗಳನ್ನಾಡುವಂತೆ ಹೇಳುವ ಸಮಯ ಬಂದಿದೆ.
ಬೆಳಗಾವಿ: ಜಿಲ್ಲೆಯ ಚಿಕ್ಕೋಡಿ ತಾಲ್ಲೂಕಿನಲ್ಲಿರುವ ಹುಕ್ಕೇರಿ ಗ್ರಾಮದಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತಾಡಿದ ಲೋಕೋಪಯೋಗಿ ಖಾತೆ ಸಚಿವ ಸತೀಶ್ ಜಾರಕಿಹೊಳಿ (Satish Jarkiholi), ಕೇಂದ್ರ ಸರ್ಕಾರ ಸರ್ವರ್ ಹ್ಯಾಕ್ (server hack) ಮಾಡಿದೆ ಅಂತ ಹೇಳಿದ್ದು ಸುಳ್ಳು ಆರೋಪ ಅನ್ನೋದನ್ನು ಒಪ್ಪಿಕೊಳ್ಳಲು ತಮ್ಮದೇ ಆದ ವಿಧಾನ ಬಳಸಿದರು. ತಾನು ಹೇಳಿದ್ದು ರಾಜಕೀಯ ಹಿನ್ನೆಲೆ ಹೇಳಿಕೆ ಎಂದ ಸಚಿವ ಅದನ್ನು ಸಮರ್ಥಸಿಕೊಂಡಿದ್ದು ಅವರ ರಾಜಕೀಯದಲ್ಲಿನ ಅನುಭವಕ್ಕೆ (political experience) ಅಪವಾದವೆನಿಸಿತು. ಇಂಥ ಹೇಳಿಕೆಗಳನ್ನು ಬಿಜೆಪಿ ನಾಯಕರು ಹಲವಾರು ಬಾರಿ ನೀಡಿದ್ದಾರೆ, ಅವುಗಳಿಗೆಲ್ಲ ಅವರು ಉತ್ತರ ನೀಡುತ್ತಾರೆಯೇ? ತನ್ನಲ್ಲಿ ಒಂದು ದೊಡ್ಡ ಲಿಸ್ಟ್ ಇದೆ, ಉತ್ತರ ಕೊಡಲಿ ನೋಡೋಣ ಎಂದು ಜಾರಕಿಹೊಳಿ ಹೇಳಿದರು. ಎಂಥ ಸಮರ್ಥನೆ ಎಂಥ ಸಮಜಾಯಿಷಿ ನೋಡಿ! ಮುಖ್ಯಮಂತ್ರಿ ಸಿದ್ದರಾಮಯ್ಯ ತಮ್ಮ ಸಂಪುಟ ಸಚಿವರಿಗೆ ಗಂಭೀರ ಮತ್ತು ತೂಕದ ಮಾತಿಗಳನ್ನಾಡುವಂತೆ ಹೇಳುವ ಸಮಯ ಬಂದಿದೆ ಮಾರಾಯ್ರೇ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ಕಿಸಿ
