ರಾತ್ರಿ ಬಾರ್​ಗೆ ಕನ್ನ ಹಾಕಿ 2 ಆಲ್ಕೋಹಾಲ್ ಬಾಟಲಿಯನ್ನು ಕದ್ದ ಕಳ್ಳ!

ಹೈದರಾಬಾದ್: ಹೈದರಾಬಾದ್​ ಹೊರವಲಯದ ಶ್ರೀ ಲಕ್ಷ್ಮೀನರಸಿಂಹ ವೈನ್ಸ್ ಶಾಪ್‌ನಲ್ಲಿ ದೊಡ್ಡ ರಂಧ್ರವನ್ನು ಕೊರೆದು ಅಂಗಡಿಗೆ ನುಗ್ಗಿದ ದುಷ್ಕರ್ಮಿ ಅಂಗಡಿಯೊಳಗೆ ಹೋಗಿ, ಮಾಸ್ಕ್ ಧರಿಸಿ ಆಲ್ಕೋಹಾಲ್ ಬಾಟಲಿಗಳನ್ನು ಕದ್ದಿದ್ದಾನೆ. ಈ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಒಳಗೆ ಹೋದ ವ್ಯಕ್ತಿ ಮಾಸ್ಕ್ ಹಾಕಿಕೊಂಡಿದ್ದರಿಂದ ಸಿಸಿಟಿವಿ ಕ್ಯಾಮೆರಾದಲ್ಲಿ ಎಲ್ಲೂ ಆರೋಪಿಯ ಮುಖ ಕಾಣುತ್ತಿಲ್ಲ. ಆರೋಪಿ ಬೂಟುಗಳಿಲ್ಲದೆ ಮೇಲಿನಿಂದ ಕೆಳಗಿನವರೆಗೆ ಕೇವಲ ಸಿಮೆಂಟ್ ಕಲರ್ ಸ್ವೆಟರ್ ಮತ್ತು ಪ್ಯಾಂಟ್ ಧರಿಸಿ ಅಂಗಡಿ ಪ್ರವೇಶಿಸಿದ್ದ. ಅಂಗಡಿಯನ್ನು ಪ್ರವೇಶಿಸಿದ ನಂತರ, ಆತ ನೇರವಾಗಿ ಕ್ಯಾಷಿಯರ್ ಕೌಂಟರ್​ಗೆ ಹುಡುಕಾಡಿದರೂ ಏನೂ ಸಿಗಲಿಲ್ಲ. ಬಳಿಕ ಎರಡು ಮದ್ಯದ ಬಾಟಲಿಗಳನ್ನು ಮಾತ್ರ ತನ್ನೊಂದಿಗೆ ತೆಗೆದುಕೊಂಡು ಹೋಗಿದ್ದಾನೆ. ಈ ಎಲ್ಲಾ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾದಲ್ಲಿ ದಾಖಲಾಗಿದ್ದು, ಪೊಲೀಸರೂ ಬೆಚ್ಚಿಬಿದ್ದಿದ್ದಾರೆ. ಭಾರೀ ಕಳ್ಳತನ ಮಾಡಲು ಬಂದ ಆರೋಪಿಗಳು ಎರಡು ಮದ್ಯದ ಬಾಟಲಿಗಳನ್ನು ಮಾತ್ರ ತೆಗೆದುಕೊಂಡು ಹೋಗಿರುವುದು ಪೊಲೀಸರ ತಲೆ ಕೆಡಿಸಿದೆ. ಅಂಗಡಿ ಮಾಲೀಕರು ನೀಡಿದ ದೂರಿನ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ