‘ಪ್ರೇಮದ ಊರಲಿ’ ಸಿನಿಮಾದ ಗೆಲುವನ್ನು ತಮ್ಮದೇ ರೀತಿಯಲ್ಲಿ ವಿಶ್ಲೇಷಿಸಿದ ತರುಣ್ ಸುಧೀರ್

ಮನೋಜ್ ಕುಮಾರ್ ನಿರ್ದೇಶನದ ‘ಪ್ರೇಮದ ಊರಲಿ’ ಸಿನಿಮಾ ಸೂಪರ್ ಹಿಟ್ ಆಗಿದೆ. ಈ ಸಿನಿಮಾದಲ್ಲಿ ತಪಸ್ವಿನಿ ಪೂಣಚ್ಚ, ರಮಿಕಾ ಶಿವು, ಶ್ರೀರಾಮ್, ರಂಗಾಯಣ ರಘು ಮುಂತಾದವರು ನಟಿಸಿದ್ದಾರೆ. ಈ ಸಿನಿಮಾದ ಗೆಲುವಿನ ಬಗ್ಗೆ ತರುಣ್ ಸುಧೀರ್ ಅವರು ಮಾತನಾಡಿದ್ದಾರೆ. ‘ಕಳೆದ ಎರಡು ತಿಂಗಳಿಂದ ಕನ್ನಡ ಸಿನಿಮಾಗಳು ಚೆನ್ನಾಗಿ ಪ್ರದರ್ಶನ ಕಾಣುತ್ತಿವೆ. ಜನರು ಚಿತ್ರಮಂದಿರಕ್ಕೆ ಬರಲ್ಲ ಎಂಬ ಭ್ರಮೆಯನ್ನು ಈ ಸಿನಿಮಾಗಳು ಹೋಗಲಾಡಿಸಿವೆ. ಜನರು ಚಿತ್ರಮಂದಿರಕ್ಕೆ ಬರುವ ರೀತಿ ನಾವು ಸಿನಿಮಾ ಮಾಡದೇ ಜನರನ್ನು ದೂಷಿಸುವಂತಿಲ್ಲ. ಮುಂಬರುವ ಸಿನಿಮಾಗಳು ಕೂಡ ಚೆನ್ನಾಗಿವೆ. ನಮ್ಮ ಮಣ್ಣಿನ ಕಥೆಗಳು ಬಂಗಾರ ಇದ್ದಂತೆ. ಅಂಥ ಸಿನಿಮಾಗಳು ಯಾವಾಗಲೂ ಹಿಟ್ ಆಗುತ್ತವೆ. ಪ್ರೇಕ್ಷಕರ ಭಾವನೆಗಳನ್ನು ಸ್ಪರ್ಶಿಸಬೇಕು’ ಎಂದು ತರುಣ್ ಸುಧೀರ್ ಅವರು ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.