ಬೆಂಗಳೂರು: ಫ್ಲೈಓವರ್​ಗೆ ಅಳವಡಿಸಿದ್ದ ಬೋಲ್ಟ್​​ ಹೊರ ಬಂದು ಅವಾಂತರ; ಬೆಳಿಗ್ಗೆಯಿಂದ 8 ವಾಹನಗಳು ಪಂಚರ್​

ಬೆಂಗಳೂರಿನ ಕೆ.ಆರ್​.ಮಾರ್ಕೆಟ್-ಮೈಸೂರು ರಸ್ತೆಗೆ ಸಂಪರ್ಕಿಸುವ ಬಾಲಗಂಗಾಧರನಾಥ ಸ್ವಾಮಿ ಫ್ಲೈಓವರ್​ಗೆ ಅಳವಡಿಸಿದ್ದ ಬೋಲ್ಟ್​ಗಳು ​ಹೊರಬಂದು ನಿತ್ಯ ವಾಹನಗಳು ಪಂಕ್ಚರ್​​ ಆಗುತ್ತಿವೆ. ಇದರಿಂದ ವಾಹನ ಸವಾರರು ​ನಿತ್ಯ ಟ್ರಾಫಿಕ್ ಜಾಮ್​ ಕಿರಿಕಿರಿ ಅನುಭವಿಸುತ್ತಿದ್ದಾರೆ. ಫ್ಲೈಓವರ್​ನ್ನು ಸರಿಯಾಗಿ ನಿರ್ವಹಣೆ ಮಾಡದೇ ಇದ್ದಿದ್ದರಿಂದ ಬೋಲ್ಟ್​​ಗಳು ಮೇಲೆ ಬಂದಿವೆ. ಬೆಳಗ್ಗೆಯಿಂದ ಬಸ್, ಲಾರಿಗಳು ಸೇರಿ ಸುಮಾರು 8 ವಾಹನಗಳ ಟೈರ್ ಪಂಚರ್​ ಆಗಿವೆ. ಸರಿಯಾಗಿ ಫ್ಲೈ ಓವರ್ ನಿರ್ವಹಣೆ ಮಾಡದ ಪಾಲಿಕೆ ವಿರುದ್ಧ ಚಾಲಕರು ಕಡಿಕಾರುತ್ತಿದ್ದಾರೆ. ವೇಗವಾಗಿ ಬಂದ ವಾಹನ ಪಲ್ಟಿ ಆದ್ರೆ ಯಾರು ಹೊಣೆ? ಸದ್ಯ ಬೋಲ್ಟ್ ಎದ್ದ ಜಾಗದಲ್ಲಿ ಪೊಲೀಸರು ಬ್ಯಾರಿಕೇಡ್ ಹಾಕಿದ್ದಾರೆ. ಆದರೆ ಇದಕ್ಕೆ ಶ್ವಾಶ್ವತ ಪರಿಹಾರ ನೀಡಬೇಕೆಂದು ಚಾಲಕರು ಆಗ್ರಹಿಸುತ್ತಿದ್ದಾರೆ.