Bhajarangi 2: ಬಹುನಿರೀಕ್ಷಿತ ‘ಭಜರಂಗಿ 2’ ಚಿತ್ರದ ಟ್ರೇಲರ್​ನಲ್ಲಿ ಡೈಲಾಗ್ಸ್ ಯಾಕಿಲ್ಲ?; ಇಲ್ಲಿದೆ ಉತ್ತರ

Shiva Rajkumar: ಅಕ್ಟೋಬರ್ 29ರಂದು ಬಹುನಿರೀಕ್ಷಿತ ‘ಭಜರಂಗಿ 2’ ಚಿತ್ರ ಬಿಡುಗಡೆಯಾಗುತ್ತಿದೆ. ಭಜರಂಗಿ ಚಿತ್ರದಿಂದ ಗುರುತಿಸಿಕೊಂಡ ನಟ ‘ಭಜರಂಗಿ ಲೋಕಿ’ ಭಜರಂಗಿ 2ನಲ್ಲೂ ಮುಖ್ಯ ಪಾತ್ರ ನಿರ್ವಹಿಸಿದ್ದಾರೆ. ಅವರು ಟಿವಿ9ನೊಂದಿಗೆ ಮಾತನಾಡುತ್ತಾ ಹಲವು ಕುತೂಹಲಕರ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ.

‘ಭಜರಂಗಿ’ ಚಿತ್ರ ಬಿಡುಗಡೆಯಾಗಿ 8 ವರ್ಷಗಳ ಬಳಿಕ ‘ಭಜರಂಗಿ 2’ ಬಿಡುಗಡೆಗೆ ಸಿದ್ಧವಾಗಿದೆ. ಅಕ್ಟೋಬರ್ 29ರಂದು ಚಿತ್ರವು ಬಿಡುಗಡೆಗೆ ಸಿದ್ಧವಾಗಿದ್ದು, ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಭಜರಂಗಿ ಚಿತ್ರದಿಂದ ‘ಭಜರಂಗಿ ಲೋಕಿ’ ಎಂದು ಗುರುತಿಸಿಕೊಂಡ ಕಲಾವಿದ ಲೋಕೇಶ್ ಚಿತ್ರದ ಕುರಿತು ಟಿವಿ9ನೊಂದಿಗೆ ಮಾತನಾಡಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾಗಿದ್ದ ಟ್ರೇಲರ್​ನಲ್ಲಿ ಅಭಿಮಾನಿಗಳು ​ಸಂಭಾಷಣೆಯನ್ನು ನಿರೀಕ್ಷಿಸುತ್ತಿದ್ದರು. ಆದರೆ ಕೇವಲ ಬಿಜಿಎಮ್ ಹಾಗೂ ಮಂತ್ರದ ಘೋಷವಷ್ಟೇ ಟ್ರೇಲರ್​ನಲ್ಲಿ ಕೇಳಿಬರುತ್ತದೆ. ಉಳಿದಂತೆ ಸಂಪೂರ್ಣವಾಗಿ ದೃಶ್ಯ ವೈಭವವಿದೆ. ಇದೇಕೆ ಹೀಗೆ ಎಂಬ ಪ್ರಶ್ನೆಗೆ ಲೋಕಿ ಉತ್ತರಿಸಿದ್ದಾರೆ. ಈ ವೇಳೆ ಅವರು ಕೆಲವೊಂದು ಕುತೂಹಲಕರ ಮಾಹಿತಿಗಳನ್ನು ಬಿಟ್ಟುಕೊಟ್ಟಿದ್ದಾರೆ.

‘‘ಟ್ರೇಲರ್​ನಲ್ಲಿ ಸಂಭಾಷಣೆಯಿಲ್ಲದಿರುವುದು ನಿರ್ದೇಷಕ ಹರ್ಷ ಅವರ ಪ್ರಯೋಗಗಳಲ್ಲಿ ಒಂದು ಎನ್ನಬಹುದು. ಹಾಲಿವುಡ್ ಚಿತ್ರಗಳಲ್ಲಿ ಇಂತಹ ಮಾದರಿಯಿದೆ. ಆ ರೀತಿ ಹರ್ಷ ಅವರು ಮಾಡಿರಬಹುದು ಎಂದು ನನ್ನ ಅನಿಸಿಕೆ. ಆದರೆ ಯಾವುದೇ ಒಂದು ಪ್ರಾಡಕ್ಟ್ ಯಶಸ್ಸು ಕಂಡಾಗ ಅದಕ್ಕೆ ಕಾರಣವನ್ನು ಹುಡುಕಿಕೊಂಡು ಹೋಗಬಾರದು. ಟ್ರೇಲರ್ ಕೂಡ ಯಶಸ್ವಿಯಾಗಿದೆ. ಆದ್ದರಿಂದ ಸಂಭಾಷಣೆ ಇರುವುದು, ಇಲ್ಲದಿರುವುದು ಮುಖ್ಯವಾಗುವುದಿಲ್ಲ’’ ಎಂದು ಲೋಕಿ ವಿವರಿಸಿದ್ದಾರೆ. ಭಜರಂಗಿ 2 ಚಿತ್ರದಲ್ಲಿ ಪಾತ್ರಗಳು ಬಹಳ ವೈವಿಧ್ಯಮಯವಾಗಿ ಮೂಡಿಬರಲು ನಿರ್ದೇಶಕರು ಹಾಗೂ ಶಿವರಾಜ್ ಕುಮಾರ್ ಬಹಳ ಮುಖ್ಯ ಪಾತ್ರ ವಹಿಸಿದ್ದಾರೆ ಎಂದು ಇದೇ ವೇಳೆ ಲೋಕಿ ತಿಳಿಸಿದ್ದಾರೆ.

ಇದನ್ನೂ ಓದಿ:

Bhajarangi 2 Trailer: ‘ಭಜರಂಗಿ 2’ ಟ್ರೇಲರ್ ಮೂಲಕ ಮೋಡಿ ಮಾಡಿದ ಶಿವರಾಜ್​ಕುಮಾರ್​; ದುಪ್ಪಟ್ಟಾಯಿತು ನಿರೀಕ್ಷೆ

Shiva Rajkumar: ‘ಭಜರಂಗಿ 2’ ಚಿತ್ರದಲ್ಲಿ ಸರ್ಪ್ರೈಸ್ ನೀಡುವ ಪಾತ್ರ ಪರಿಚಯಿಸಿದ ಚಿತ್ರತಂಡ; ಯಾವ ಪಾತ್ರ? ಇಲ್ಲಿದೆ ಮಾಹಿತಿ

Click on your DTH Provider to Add TV9 Kannada