ಬಿಜೆಪಿ ಮುಖಂಡ ಯೋಗೇಶ್​​ ಗೌಡ ಕೊಲೆ ಪ್ರಕರಣ: ಶಾಸಕ ವಿನಯ್​​ ಕುಲಕರ್ಣಿಗೆ ‘ಸುಪ್ರೀಂ’ ಸಂಕಷ್ಟ ಸಾಧ್ಯತೆ

ನವದೆಹಲಿ/ಧಾರವಾಡ, ಅಕ್ಟೋಬರ್​​ 01: ಧಾರವಾಡದ ಬಿಜೆಪಿ ಮುಖಂಡ ಯೋಗೇಶ್​​ಗೌಡ ಕೊಲೆ ಕೇಸ್ ಸಂಬಂಧ ಶಾಸಕ ವಿನಯ್ ಕುಲಕರ್ಣಿ ಜಾಮೀನು ರದ್ದು ಕೋರಿ ಸಿಬಿಐ ಮತ್ತು ಯೋಗೇಶ್​ಗೌಡ ಸಹೋದರ ಗುರುನಾಥಗೌಡ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ವೇಳೆ ಸುಪ್ರೀಂಕೋರ್ಟ್​​ ಮಹತ್ವದ ಅಭಿಪ್ರಾಯಪಟ್ಟಿದೆ. ಈ ರೀತಿ ಕೊಲೆಯಲ್ಲಿ ಭಾಗಿಯಾದವರು ವಿಧಾನಸಭೆಯಲ್ಲಿರಬೇಕೇ? ನಾಳೆ ದರೋಡೆ ಮಾಡಿದವರೂ ವಿಧಾನಸಭೆಗೆ ಹೋಗಬಹುದೇ?ಗಂಭೀರ ಆರೋಪಗಳಿರುವ ವ್ಯಕ್ತಿ ವಿಧಾನಸಭೆಯಲ್ಲಿರಲು ಅರ್ಹರೇ? ಇಂಥವರನ್ನು ಅನರ್ಹ ಮಾಡಬೇಕೆಂದು ಹೇಳಿದೆ. ತಮ್ಮ ಆಕ್ಷೇಪಣೆ ಪರಿಗಣಿಸಲು ವಿನಯ್ ಪರ ವಕೀಲರ ಮನವಿ ಹಿನ್ನೆಲೆ, ವಿಚಾರಣೆಯನ್ನು ಅಕ್ಟೋಬರ್ 9ಕ್ಕೆ ಸುಪ್ರೀಂಕೋರ್ಟ್ ನಿಗದಿಪಡಿಸಿದೆ.

ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್​​ ಮಾಡಿ.