ಬಾಳೆ ಹಣ್ಣಿನ ಮೇಲೆ ಜೈ ಆರ್​​ಸಿಬಿ, ಜೈ ಡಿ ಬಾಸ್: ಸಿದ್ಧಾರೂಢರ ರಥಕ್ಕೆ ಎಸೆದ ಯುವಕರು

ಮಹಾ ಶಿವರಾತ್ರಿ ನಿಮಿತ್ಯ ಹುಬ್ಬಳ್ಳಿಯ ಶ್ರೀ ಸಿದ್ಧಾರೂಢರ ರಥೋತ್ಸವ ಜರುಗಿತು. ರಥೋತ್ಸವದಲ್ಲಿ 6 ಲಕ್ಷಕ್ಕೂ ಅಧಿಕ ಜನರು ಭಾಗವಹಿಸಿದ್ದರು. ಶ್ರೀ ಸಿದ್ಧಾರೂಢರು ಉತ್ತರ ಕರ್ನಾಟಕದ ಜನರ ಆರಾಧ್ಯ ದೇವರಾಗಿದ್ದಾರೆ. ಸಿದ್ಧಾರೂಢರ ರಥೋತ್ಸವವನ್ನು ಕಣ್ತುಂಬಿಕೊಳ್ಳಲು ಮಹಾರಾಷ್ಟ್ರ, ಗೋವಾ ಸೇರಿದಂತೆ ದೇಶದ ವಿವಿಧ ರಾಜ್ಯಗಳಿಂದ ಭಕ್ತರು ಆಗಮಿಸಿದ್ದರು. ಕೆಲ ಯುವಕರು ಬಾಳೆ ಹಣ್ಣಿನ ಮೇಲೆ ರಥಕ್ಕೆ ಜೈ ಆರ್​ಸಿಬಿ, ಜೈ ಡಿಬಾಸ್​ ಅಂತ ಬರೆದು ಸಿದ್ಧಾರೂಢರ ರಥಕ್ಕೆ ಎಸೆದರು. ಯುವಕರು ಜೈ ಆರ್​ಸಿಬಿ, ಜೈ ಡಿಬಾಸ್​ ಅಂತ ಬರೆದಿರುವ ಬಾಳೆಹಣ್ಣು ಎಸೆದಿರುವ ದೃಶ್ಯ ಟಿವಿ9 ಕ್ಯಾಮೆರಾದಲ್ಲಿ ಸೆರೆಯಾಗಿದೆ.