ಜೈಲರ್​ಗಳಿಂದ ನಡೆಯುತ್ತೆ ಅತ್ಯಾಚಾರ, ಬ್ರಿಟನ್ ಜೈಲಿನಲ್ಲಿ ಮಹಿಳಾ ಕೈದಿಗಳನ್ನು ಹೇಗೆ ನಡೆಸಿಕೊಳ್ತಾರೆ?

ಬ್ರಿಟನ್, ಮಾರ್ಚ್​ 03: ಬ್ರಿಟನ್​ ಜೈಲಿನಲ್ಲಿ ಮಹಿಳಾ ಕೈದಿಗಳನ್ನು ಹೇಗೆ ನಡೆಸಿಕೊಳ್ಳುತ್ತಾರೆ ಎನ್ನುವ ಭಯಾನಕ ಸತ್ಯವನ್ನು ಮಹಿಳಾ ಕೈದಿಯೊಬ್ಬಳು ಬಿಚ್ಚಿಟ್ಟಿದ್ದಾಳೆ. 6 ವರ್ಷಗಳ ಕಾಲ ಜೈಲು ವಾಸ ಅನುಭವಿಸಿದ ಕೈದಿ, ಜೈಲಿನಲ್ಲಿ ಜೈಲರ್​ಗಳಿಂದ ಮಹಿಳಾ ಕೈದಿಗಳ ಮೇಲೆ ಅತ್ಯಾಚಾರ ನಡೆಯುತ್ತೆ, ಅದನ್ನು ಯಾರಿಂದಲೂ ತಡೆಯಲು ಸಾಧ್ಯವಿಲ್ಲ ಎಂದು ಹೇಳುತ್ತಾ ಕಣ್ಣೀರು ಹಾಕಿದ್ದಾಳೆ.

ಜೈಲುಗಳು ಅಪರಾಧಿಗಳ ಸುಧಾರಣೆಗಾಗಿ ಇರಬೇಕಿತ್ತು, ಆದರೆ ಮಹಿಳಾ ಕೈದಿಗಳಿಗೆ ಶಾಪವಾಗಿ ಪರಿಣಮಿಸಿದೆ. ಅವರನ್ನು ಜೈಲರ್​ಗಳು ಜೀವಂತ ಶವಗಳನ್ನಾಗಿ ಮಾಡುತ್ತಿದ್ದಾರೆ ಎಂದು ಕೈದಿ ಫ್ರಾನ್ಸೆಸ್ಕಾ ಅವರು ಹೇಳಿದ್ದಾರೆ. ಈ ಕುರಿತು ಏಕ್ ಝಲಕ್ ಇಂಗ್ಲಿಷ್ ವರದಿ ಮಾಡಿದೆ.

ಮಾದಕವಸ್ತು ಕಳ್ಳಸಾಗಣೆ ಆರೋಪದ ಮೇಲೆ ಫ್ನಾನ್ಸೆಸ್ಕಾ ಬ್ರಿಟನ್​ನಲ್ಲಿ ಜೈಲಿನಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದಳು, ಇಂಗ್ಲೆಂಡ್ ನಿವಾಸಿಯಾದ ಆಕೆ 31 ನೇ ವಯಸ್ಸಿನಲ್ಲಿ ಮಾದಕವಸ್ತು ಕಳ್ಳಸಾಗಣೆ ಪ್ರಕರಣದಲ್ಲಿ ಬಂಧಿಸಲಾಗಿತ್ತು. ಆಕೆ ರಹಸ್ಯವಾಗಿ ಮಾದಕವಸ್ತುಗಳನ್ನು ಮಾರಾಟ ಮಾಡಲು ಪ್ರಾರಂಭಿಸಿದರು.

ಜೈಲಿನಲ್ಲಿ ಏನಾಗಿತ್ತು?
ನ್ಯಾಯಾಲಯವು 6 ವರ್ಷಗಳ ಶಿಕ್ಷೆ ವಿಧಿಸಿತ್ತು, ತನ್ನಂತೆಯೇ ಜೈಲಿನಲ್ಲಿ ಶಿಕ್ಷೆ ಅನುಭವಿಸುತ್ತಿರುವ ಹಲವಾರು ಮಹಿಳೆಯರು ಮಾದಕ ವ್ಯಸನಿಗಳಾಗಿದ್ದಾರೆ ಎಂದು ಫ್ರಾನ್ಸೆಸ್ಕಾ ಹೇಳಿದ್ದಾರೆ. ಜೈಲಿನಲ್ಲಿಯೂ ಸಹ, ಈ ಕೈದಿಗಳಿಗೆ ಮಾದಕ ದ್ರವ್ಯಗಳನ್ನು ನೀಡಲಾಗುತ್ತಿತ್ತು. ಬಳಿಕ ಅವರ ಮೇಲೆ ಅತ್ಯಾಚಾರ ನಡೆಸಲಾಗುತ್ತಿತ್ತು ಎಂದಿದ್ದಾರೆ.

ಮತ್ತಷ್ಟು ಓದಿ:
ಪುಣೆ ಅತ್ಯಾಚಾರ ಪ್ರಕರಣ, ಮಹಿಳೆ ‘ಸಹಾಯಕ್ಕಾಗಿ ಕೂಗಿಕೊಳ್ಳಬಹುದಿತ್ತು’ ಆರೋಪಿ ಪರ ವಕೀಲರ ಮೊಂಡು ವಾದ

ಈ ಮಾದಕ ವ್ಯಸನಿ ಮಹಿಳೆಯರು ಮಾದಕ ದ್ರವ್ಯಗಳಿಗಾಗಿ ಜೈಲರ್‌ಗಳಲ್ಲಿ ಬೇಡಿಕೊಳ್ಳುತ್ತಿದ್ದರು. ಜೈಲರ್‌ಗಳು ಇದರ ಲಾಭ ಪಡೆದರು. ಮಹಿಳಾ ಕೈದಿಗಳು ಮತ್ತು ಜೈಲರ್‌ಗಳ ನಡುವೆ ಅವರಿಗೆ ಮಾದಕ ದ್ರವ್ಯಗಳನ್ನು ನೀಡಲಾಗುವುದು ಎಂದು ಒಪ್ಪಂದವಿತ್ತು ಅದಕ್ಕೆ ಬದಲಾಗಿ ಅವರ ಜತೆ ಮಲಗಬೇಕಿತ್ತು.

ಮಾದಕದ್ರವ್ಯ ಕೊಡುವುದಾಗಿ ಜೈಲರ್​ಗಳು ಒಪ್ಪಿಕೊಂಡಿದ್ದಕ್ಕೆ ಇವರೂ ಕೂಡ ಅವರೊಂದಿಗೆ ಇರಲು ಒಪ್ಪಿಕೊಂಡಿದ್ದರು. ಆ ಜೈಲಿನಲ್ಲಿ ಅತ್ಯಾಚಾರಕ್ಕೊಳಗಾಗದ ಯಾವುದೇ ಮಹಿಳೆ ಇರಲಿಲ್ಲ ಎಂದು ಫ್ರಾನ್ಸೆಸ್ಕಾ ಉಲ್ಲೇಖಿಸಿದ್ದಾರೆ.
ಜೈಲಿನಲ್ಲಿರುವ ಜೈಲರ್ ಈ ಕೈದಿಗಳಿಗೆ ಬೆದರಿಕೆ ಹಾಕುತ್ತಿದ್ದರು, ಈ ವಿಷಯಗಳಲ್ಲಿ ಯಾವುದಾದರೂ ಜೈಲಿನ ಹೊರಗೆ ಹೋದರೆ ಜೀವಂತ ಉಳಿಸುವುದಿಲ್ಲ ಎಂದು ಬೆದರಿಕೆ ಹಾಕುತ್ತಿದ್ದರು.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ